JUAN 11:40 - Zapotec Mixtepec: Diidz ne rdeed guielmban

⁴⁰ Dzigo rëbchaa Jesús: ―Led laa naa nile lo luu, teḻne dib zdoo luu rliladz luu naa, bii zaṉ luu gaṉle zha nactaa grë ncuaaṉe ndzon ne ruṉ Dios.

JUAN 11:40 ပူးပေါင်းရင်းမြစ်များ

MATEO 17:20

Dzigo rëbchaa me: ―Brieelode to niuṉcxooṉ to ma, sacne rnalode to Dios. Teḻ niaca miṉe rnalole to Dios siquier palal yeeṉ, gzoob ne siquier lal tib midz moxtaz, niicxe ncuaaṉe mazdraa ngaṉ gnab to lo me, zuṉ mew; tsod ncuaaṉe grieelod guṉ to.

MARCOS 9:23

Rëbchaa Jesús lo me: ―¿Zha rnee luu “teḻne zrieelow”? ¡Zha ne dib zdoo rnalo Dios, grëse ncuaaṉe racladz zho, zaca!

JUAN 1:14

Zeeṉe bdziṉ dze ne laa meṉ ne nac Diidz Ndzon ga goc miech biaad me lo guidzliu, grop lo no bdzioṉ no me, ni bzianie no me. Blu me pa lotaa nquialadz me miech, ni niapse diidzli bnee me. Bdzioṉ no xquieḻndzon me ne nac me tibpaa mëëd lo Dios, meṉ ne nac Pxoz ne.

JUAN 11:4

Zeeṉe blanso diidz, nëchaa me: ―Peet tsienied guic to, niicle teḻ blanguidz me per nacda par guet me, sinque par glu gaṉle pa lotaa meṉ nroob nac Dios. Ga glu gaṉle pa lotaa meṉ nroob nac Xpëëd me.

JUAN 12:41

Zeeṉe znu bnee Isá, ible Jesús ga bzeet me; sac goṉ me grëtaa guieḻndzon ne rap Jesús.

JUAN 9:3

―Lëda ―rëb Jesús―, led por xtoḻd zhow; sinque squi gol me, zeeṉa zeeṉe laa me guiac, ga gaṉ miech gaṉle zha nactaa grë ncuaaṉe ruṉ Dios.

ROMANOS 6:4

Zeeṉe brobnis ne rrieequia bioliu ne ga, zigne bioliu Jesús. Ni zigne brieeban Jesús (por poder ndzon ne rap Dios), scaque ne rrieequia brieeban ne, stible guieḻmban ne rdziaap ne.

2 CORINTIOS 3:18

Gacxe waa, grëse ne ne ngab ne xnëz Jesús, led yedraa lo ne ndze. Masaque nac ne niina zig tib quiewan, zeeṉe ran miech zha mban ne, ga raṉ zho gaṉle pa lotaa nac xquieḻndzon Dios. Tibaque nozhixcuaa zhiEspíritu me lo xquieḻmban ne, zigse zie dze noluraa me zha nactaa guieḻndzon ne rap me.

2 CORINTIOS 4:6

¡Ne nligaa tib nguṉdziin winse nac no! Goḻwi gaṉle Dioszhal, meṉ ne bnabey biaaṉ biini ne rziini guidzliu, me bdixbiini guic no bieṉ no xquieḻndzon me ga biaadlu Jesús.