HECHOS 22:4 - Zapotec Mixtepec: Diidz ne rdeed guielmban

⁴ Miṉe beeṉ to nu nadze, ye naa blactaa squi beṉ naa ptsidiḻ naa grë zha ne rliladz Jesús, pquianaḻ naa ygaa zho guet zho; mgui wnaasaque razobdoo naa zho lidz zho rasaṉ naa zho ladzguiib.

HECHOS 22:4 ပူးပေါင်းရင်းမြစ်များ

HECHOS 16:17

Naḻ ndzoop zhits no, nguiedz roptsie ndzoop rnee ndzoop: ―¡Xtsiiṉ Dios ndzon ne zob gbaa goṉ noyuṉ gza mgui rii! ¡Laa zho ziadseed to zeeṉa gacnaṉ to zha csilaa Dios to lo xtoḻ to!

HECHOS 19:23

Leṉ dze co brieequia palal zha Efés ptsidiḻ zho zha ne rliladz Xtiidz Dios.

HECHOS 19:9

Per zeeṉe goṉ me no palal zho ib rond diidz, leḻ psilo zho squi ndxie miech rneenë zho Jesús, nacne bleextsoque me grë zha ne rliladzle Jesús, güeynie me zho zaatne nac xyuscuel ti meṉ lë Tiran; ga rcaalsa zho gzobse dze rieseed me zho.

HECHOS 24:14

’Miṉe nac diidzli, niina wriiṉ psaṉ Dios ti Wseed Cub dieṉ zha guiaaṉwen miech lo me, zha qui rzac led zhiwseete Diosa, saṉgue naa dib zdoo naa zanaḻ naaw, dib zdoo naa quiayuṉ naa dziin lo Dios meṉ ne bliladz pxozgol no; ni scaquegaa, noxco naa grëse miṉe nac ley. Rliladz naa grëse miṉe bnee grë zha ne biadteed xtiidz me.

HECHOS 7:58

Zha ne goc textigw ga, blee zho lar ne mbix zho, bdziiṉ zhow tib lo mgui nguieg lë Saul, mgui co pquianapa; laa zho psilo bdeedquie me.

HECHOS 9:21

Rzee zdoo grëse miech co raṉ zho sca rnee me, rneechaa zho: ―¿Led lëë meṉ qui ga name scataa ntseeb rac Jerusalén, notsidiḻ me grë zha ne rliladz Jesús? Conque nac diidz miṉ co ziaad me nu, ziadnaaz me zho tsiesaṉ me zho lo grë pxoz ne rnabey.

1 CORINTIOS 15:9

lo grëraa zha ne nac poxtl, ni lalnu peet nond naa, per ni rdzieeld gnee zho naa poxtl; sac goṉ pa lotaa ptsidiḻ naa grë zha ne glopaa bzëëb xnëz Dios.

GALATAS 1:13

Led naṉle to gaṉle, zha nactaa grë miṉe beṉ naa zeeṉe bii no naa lo zhiwseed zha Israel; ptsidiḻ naa grë miech ne no xnëz Jesús, blëënie naa zho, pquianaḻ naa nloozh naa zho.

FILIPENSES 3:6

bleyniedox naa grë miṉe zienaḻ zha Israel, gacxe waa pquianaḻ naa grë miech ne no xnëz Jesús; zig nac miṉe raquiet lo ley, grësew beṉ naaw zigne naca, ib biod dze ne cho zha pe nlisqui lo naa.

2 PEDRO 2:2

Ndal miech ne grieequia tsienaḻ grë ncuaaṉ yozh ne guṉ zho, niapse por zha laa grëraa miech csilo gneenë Xtiidz Dios.