HECHOS 15:4 - Zapotec Mixtepec: Diidz ne rdeed guielmban

⁴ Zeeṉe bdziṉ zho Jerusalén, pcaalsa grë zha poxtl, grë zha ne rliladz Jesús ga, ni grë zha ne rnabey lo zho. Dzigo ga bzodiidz Pabl grop Bernabé grëse zha gocnie Dios zho, zeeṉe güeyted zho grë dan co güeynee zho Xtiidz me lo miech.

HECHOS 15:4 ပူးပေါင်းရင်းမြစ်များ

MATEO 10:40

’Niina goṉ ne squi tsie to, grëse zha ne zaacse ycaania to, zaacse gnee zho lo to, rrieequia naa ga sca ycaania zho; ni zha ne sca ycaania naa, rrieequia meṉ ne pxeeḻle naa ga sca ycaania zho.

HECHOS 11:30

Dzigo ptop zho gon co, zeeṉe laaw goclo, pxeeḻ zho Bernabé grop Saul güeysaṉa lo grë zha rnabey ne zo lo zha ne rliladz Jesús nëz Judé.

HECHOS 14:27

Zigne bdziṉ zho Antioquí ga, bnabey zho pcaalsa grëse zha ne rliladz Jesús, bzodiidz zho lo grë miech co grëse zha gocnieṉ Dios zho güeyguṉ zho xtsiiṉ me, ni zha rquia zdoo Dios zha ne nacd zha Israel rbedz me zho ye zho rzëëb xnëz me.

HECHOS 15:12

Zeeṉe blozh sca bnee Pedr, dzese biac zho grë zho; dzigo laa Pabl grop Bernabé psilo bzodiidz grëtaa milagr ne blu Dios lo grë meṉzit zaatne güeynee zho Xtiidz me lo grë miech co.

HECHOS 15:2

Zeeṉe goṉ Pabl sca noseed zha co miech, nacne bdiḻdiidznieque Pabl zho grop Pabl Bernabé. Dzigo mazd bnediidz grë zha ne rliladz Jesús ga, bzo zho zla zha ne gacgza Pabl grop Bernabé tsie zho Jerusalén tsienabdiidz zho lo zha poxtl ni lo grë zha ne rnabey lo zha ne no ga, dieṉ pe guiab zho.

HECHOS 15:22

Blozhse ga, dzigo biaaṉ zho diidz so chop zha ne tsie Antioquí tsienaḻ zhits Pabl grop Bernabé, tsiesaṉ zho ti diidz ne guey lo zha co. Nacne bzo zho Judas xingan Barsabás, ni bzo zho Silas; grop zha co, zha rieṉ nac zho lo grëraa zha ne rliladz Jesús ga.

HECHOS 15:3

Nacne briee zho zie zho. Nëz no zho bded zho xtan zha Fenicia, xtan zha Samar; zaatne notaa zha ne rliladz Jesús, rzodiidz zho lo zho grëse zha nobedz Dios grë zha ne nacdraa zha Israel, rsaan zho grë zhiwseed xmeṉgol zho laa zho rliladz Jesús. Rley grë miech co ron zhow. Sca bio zho nëz, laa zho bdziṉ Jerusalén.

HECHOS 15:6

Dzigo nacne bnabey grë zha poxtl co ni grë zha rnabey co, ycaalsa zho stib dieṉ zhapaa gaca, pe nonguieḻa tso grë zha zit bey co.

HECHOS 16:4

Laa me zienaḻ zhits Pabl. Guiedz ne rdedtaa zho rnee zho lo grë zha ne rliladz Jesús ga, tsoxco zho guṉ zho grë miṉe pso zha poxtl ga diidz, grë zho zha rnabey ne no Jerusalén.

HECHOS 18:27

Grë zha ne rliladz Jesús ga, zeeṉe gocnaṉ zho laa guic me no tsie me nëz Gres, dzigo ye zho rëb wen tsie me, pquiaa zho ti cart pxeeḻ zho lo zha ne no nëz co zaacse ycaania zho me. Zeeṉe bdziṉ me nëz co, pseed me grë zha co. Rley zho blozh gocnaṉ zho cho nac Jesús;

HECHOS 21:17

Grë zha ne rliladz Jesús Jerusalén, rley zho zeeṉe goṉ zho laa no bdziṉ, blëzlo zho no.

HECHOS 21:19

Blozhse pquiaabdiuzh Pabl grë zha co, dzigo psilo me bzodiidz me lo zho grëse zha gocnieṉ Dios me güeyseed me grë miech stib guiedz.

ROMANOS 15:18

Me noyacnieṉ naa none naa Xtiidz me lo grë zha stib guiedz, zeeṉa gban zho zigne racladz me. Ni laa zho nobig lo me, sac raṉ zho grëse miṉe rne naa mban naaw zigne naca,

ROMANOS 15:7

Goḻguieṉ sca, grëse zha ne nacgrë to, goḻcaania zho zigne pcaania Jesús to. Sca goḻguṉ, zeeṉa xoobneṉraa lë Dios.

1 CORINTIOS 15:10

Per xquizh Dios tibaque noxco me naa, bzooblo me naa gane laa naa nac miṉe nac naa niina. Ni led zhlëdgaa bzooblo me naa, sac goṉ nroobraa xtsiiṉ me noyuṉ naa lo miṉe noyuṉ grëraa poxtl; per rned naa togo naase quiayuṉa, sinque me noyacnie naa rrieelo noyuṉ naaw.

2 CORINTIOS 5:19

Znu goṉ naca: Laa Dios nodeed diidz niina guiaaṉwen miech lo me, guṉquizhd me zho teḻ pe nactaa xtoḻ zho, totsaque gliladz zho cho nac Jesús. Miṉ rii nagoṉ bzo me no nonee no lo miech.

2 CORINTIOS 6:1

Gotsaa gwi ne gaṉle pa lotaa noxco Dios ne. Gacxe waa, no ne nac no zhinguṉdziin me laa no rso diidz lo to: goḻguieṉ goḻgon miṉe nonee me lo to niina.

COLOSENSES 4:10

Goḻcaania zhibdiuzh Ristarc, meṉ ne nioogyunie naa nu, zhibdiuzh Marcw betsyeeṉ Bernabé (laa naa nile lo to gaṉle, teḻne laa Marcw guiaadgaṉ to i, niowse goḻcuëzlo me);

2 JUAN 1:10

Gacxe waa, zha ne guiaad lo to i ni teḻ ziaadnied zho wseed ne nacpaa Xtiidz Jesús, ycaaniade to zho. Ib gdeete to lidz to cuëz zho, ib tsode to gnee to pe diidz ne csaṉnziuu to zho;