GALATAS 2:7 - Zapotec Mixtepec: Diidz ne rdeed guielmban

^7-8 ib peet blisquid zho lo naa, niicle peet pseetragaa zho naa. Sinque laa zho gocnaṉ gaṉle ne ib Dios bzoo naa guṉ naa xtsiiṉ me, gaseed naa grë zha ne nacd zha Israel guieṉ zho zha laa zho lo doḻ; zigne bzoque me Pedr noseed Pedr zha Israel. Dios meṉ ne bzo Pedr quiaseed Pedr zha Israel, lëëque me bzo naa quiaseed naa grë zha ne nacd zha Israel.

GALATAS 2:7 ပူးပေါင်းရင်းမြစ်များ

HECHOS 15:12

Zeeṉe blozh sca bnee Pedr, dzese biac zho grë zho; dzigo laa Pabl grop Bernabé psilo bzodiidz grëtaa milagr ne blu Dios lo grë meṉzit zaatne güeynee zho Xtiidz me lo grë miech co.

HECHOS 18:6

Laa zeeṉe goṉtaa me rond zho diidz, leḻ ntseeb rac zho lo me haxta rneenë zho Jesús, dzigo bdzib me xab me lo zho, rëb me: ―¡Laa naa biaḻ biaḻne naa lo to per pquiaadiagde to miṉe rne naa; xtoḻle to nasca teḻ laa to nitlo! Gbiiredraa naa gne naa Xtiidz Dios lo to, na laa naa csilo ganew lo grë zha ne nacd zha Israel.

HECHOS 28:28

Goḻgacnaṉ sca gaṉle, miṉ co gane laa Xtiidz Dios quiagaaz lo grë miech stib guiedz, ni zhasi goṉ noliladz zhow.

HECHOS 9:15

―Güey ―rëb Jesús lo Ananí―, sac laa naa bzooblole me, ib me tsie grë guiedz zit tsieseed me miech xtidz naa, me gneew lo grë zha rnabey, ni lo grëgaa zha Israel.

ROMANOS 1:5

Zeeṉe biaad Jesús, ga pxobneṉ me gaṉle tibaque noxco Dios ne; ni niina Diosaque bzooblo naa rxeeḻ me naa none naa Xtiidz me lo grëse miech, zeeṉa gliladz zho me, gon zho diidz gban zho zigne rnabey me.

ROMANOS 11:13

To ne nac to miech stib guiedz, led naṉle to gaṉle, ible Dios bzo naa none naa Xtiidz me lo to. Scagaa naa, dib zdoo naa rioxco naa ruṉ naaw,

1 CORINTIOS 9:17

Noyuṉd naaw par dieṉ pe premio ygaa naa, sac zig rne naa ga Dios bzo naa, me rnabey naa quiayuṉ naaw, masaque nacse naa zig tib nguṉdziin.

GALATAS 1:16

laa me blu me lo naa, bzo me naa ga naa zaatne ndxie grë miech ne nacdraa zha Israel, gaseed naa zho Xtiidz me miṉe glu zha laa zho lo doḻ. Zeeṉe blozh goṉ naa Xpëëd me, biad naa niaguib naa ne gooṉ dieṉ cho nseed naa,

GALATAS 1:18

Gocle tsoṉ iza dzigoraa bia naa Jerusalén, hor coraa beeṉbey naa Pedr; blëz naa lo me ga tsiiṉ ngbidz.

GALATAS 1:6

Rzee zdoo naa goṉ ne gardle gac nroob dze ga, laa to bzozitle lo Xtiidz Ndzon Dios, meṉ ne bredz to pcaania me to, porne nquialadz Jesús to. Wseed ne rliladz to niina, masaque rzac to na miṉcogaa csilaa to lo doḻ.

GALATAS 2:11

Laa zeeṉe biaad Pedr Antioquí, dzigo ga nli laa naa goctox lo Pedr, sac ncuaaṉe ndzinlidraa quiayuṉ Pedr.

GALATAS 2:14

Nacne zeeṉe goṉ naa sca zienaḻdraa zho zigne nacpaa wseed ne ziaadnie Xtiidz Dios, squi ndxie grëse zha ne rcaalsa ga goctox naa lo Pedr, rep naa: “Luugase name niicle ne zha Israel luu, ni mband luu zigne nac zhiwseed zha Israel, ¿pe nac dzigo ne racladz luu gnabey luu grë zha ne nacd zha Israel, gban zho zigne nac zhiwseed zha Israel?”

GALATAS 2:9

Gacxe waa, zig nac Pedr, Jacob, Juan, zha ne zo rnabey lo grë zha ne rliladz Jesús ga, laa zho bieṉ ne ible naa bgaa guieḻnzaac rii, bneedz Dios dziin rii lo naa. Dzigo rley zho haxta bzheṉ zho nia no grop no Bernabé, laa no biaaṉ diidz ne zha tsieseed zha Israel, laa no guioseed grë zha ne nacd zha Israel.

1 TESALONICENSES 2:4

Xtiidz Dios bnee no, me bzo no gnee no lo miech zha laa zho lo doḻ, ni miṉ co nac dziin ne quiadziuuṉ no. Nli nzian zha ne rlëëniew, per laa no bii rdziuuṉ dziin co; sac zionaḻd no gac miṉe rdziladz miech, sinque laa no zionaḻ gac miṉe rdziladz Dios, meṉ ne naṉ gaṉle pe rza zdoo ne.

1 TIMOTEO 1:11

wseed ne rlu gaṉle zha laa miech lo doḻ. Ni lëë wseed co goṉ pso Dios naa none naa lo miech.

1 TIMOTEO 2:7

Ni laa me pxeeḻ naa none naaw lo grëse zha ne nacd zha Israel, noseed naa zho grëse miṉe nac diidzli, zeeṉa guieṉ zho dib zdoo zho gliladz zho Dios. (Miṉe rne naa nu diidzliw, rquidieed naa.)

2 TIMOTEO 1:11

Ible miṉ co nagoṉ nacne bzo Dios naa gne naa Diidz Ndzon rii lo miech, pxeeḻ me naa ga naa grë guiedz zaatne nodraa zha Israel, gaseed naa zho zha naca;

2 PEDRO 3:15

Goḻsoladz gaṉle, porne quiambëz me gbig grëraa miech lo me csilaa me zho lo doḻ, miṉ co gane gard guiaad me. Ye bets ne Pabl, meṉ ne nziuu lo ne, lo grë guieḻbiini ne rdeed Dios lo me rquiaa me grë guits ne zixeeḻ me, zineele me lo to grë miṉe none naa nu.