EFESIOS 6:9 - Zapotec Mixtepec: Diidz ne rdeed guielmban

⁹ Togaa ne nac to zha ne rnabey, niowse goḻgac lo zha ne quia xtsiiṉ to, gacntseebde to lo zho. Goḻguieṉ gaṉle, zigne rzacaque zho, scaque rzac to, no tib meṉ ne rnabey to grë to, lëë me ga zob gbaa; ni teḻ me goṉ led yed me guiab dieṉ cho rnabey, chogaa ruṉ dziin.

EFESIOS 6:9 ပူးပေါင်းရင်းမြစ်များ

MATEO 22:10

’Dzigo briee zho güey zho, miech ne bdzieeltaa zho, zigtaa zha ndzinliw, zigtaa zha ntseeba, grëse zho bredz zho bdziṉnie zho zho lo lni. Goḻ hor wagw, biodzëse leṉ yu ndxie miech.

MATEO 22:8

Blozh ga biire pxeeḻ me zla zho, rëb me: “Laa guieḻwagw rii goclole, miṉe naca goḻtsie tib nëz yu, zha ne gdzieeltaa to, goḻcuedz zho guiaad zho lo lni; sac grë zha ne bredz naa ga niaad, laa zho blule gaṉle rieguiaḻd zho guiaad zho nu.”

MATEO 24:48

’Teḻ nguṉdziin yozhgaaw, miṉe tsienie guic zho guiab zho gbireniobd meṉ ne quia zho xtsiiṉ ga,

MATEO 24:51

Zha ne sca guṉ, per peraa dieṉ guṉ me, ib tedsod nroob caxtigw ne cteed me zho, sonëz me zho guey zho zaatne no grëraa zha ne rond diidz, ga tso zho grë zho zha co goonnë zho, haxta gow lay zho lo guieḻnëdox ne ted zho.

MATEO 7:12

’Zha ne racladz ndzinli gac miech lo zho, none glo zho zaacse gac zho lo miech. Zigtaa ley ne psaṉ Moisésa, zigtagaa miṉe bnee grë zha ne biadteed xtiidz Dios padzeelaw, sca rnabeya.

LUCAS 6:31

None zaacse gac to lo miech, zeeṉa scagaa zha, zaacse gac zho lo to.

JUAN 13:13

Goḻwi gaṉle: To lëë, Maestro rnee to lo naa, ni rnee to naa nac meṉ rnabey; ni nonguieḻa goṉ, sac ne nligaa scaw.

HECHOS 10:34

Dzigo rëbchaa Pedr: ―¡Naraa rieṉ naa, led yed Dios cue miech dieṉ cho nac zha Israel, cho nacgaa zha zit!

ROMANOS 2:11

Grëse zha ne guṉctal xtoḻ, teḻ chotaa nac zho zuṉquizh Dios zhow; sac teḻ me, led yed me cue. Zig nac grë zha ne beeṉbeyd xley me, zuṉquizh me zho grë xtoḻ zho; sac niicle ne gocnaṉdpaa zho zha naca, per leṉ zdoo zho, guic zho, naṉpaa zho pa miṉ nac guieḻntseeb, pa miṉgaa nac guieḻwen. Rrieequiacxe waa ruṉbeyle zho xley Dios ga. Scaquegaa zha Israela, ne nac zho zha ne ruṉbeypaa xley Dios, zuṉquizhaque me zho grë xtoḻ zho; sac niicle ne ruṉbeypaa zho xley me, per teḻ lozh ga mband zhow. Naṉpaa zho pa miṉ wen, ni teḻ lozh ga rond zho diidz guṉ zhow; sac goṉ, led-xe por ne gacnaṉdse ne ley waa laa Dios ycaaniale ne, sinque none gban new.

1 CORINTIOS 1:2

Laaw ziaad lo to i, grëse to ne nac to zha ne ngable xnëz Dios no to guiedz Corint i, nac to zha ne bredz Dios ngab lo me, psaṉmbe me to zeeṉe laa to bliladz Jesús; zigne psaṉmbeque me grëse miech ne no dib lo guidzliu, zha ne bliladz Jesús, meṉ ne rnabey ne grëse ne.

1 CORINTIOS 7:22

Zha ne sca nac nguṉdziin lo beṉ zeeṉe bzëëb zho xnëz Dios, guieṉ zho gaṉle rrieequia zonlaale zho, sac goṉ laa Jesús psilaale zho lo grëtaa doḻ ne bio zho. Zha ne nacdgaa nguṉdziin lo beṉ zeeṉe bzëëb zho xnëz Dios, guieṉ zho gaṉle tib nguṉdziinle nac zho lo Jesús niina, me rnabey zho.

COLOSENSES 3:25

Goḻgon diidz sca, sac zha ne gonda, ib tedsod zdeed Jesús miṉe tsieguiaḻ zho; sac goṉ, teḻ me led yed lo me ncuee miech.

COLOSENSES 4:1

Togaa ne nac to zha ne quia miech xtsiiṉ, zaacse goḻgac lo zho, csacside to zho. Goḻsoladz gaṉle, ye to tib nguṉdziin nac to lo meṉ rnabey ne zob gbaa, ni me zobwi gaṉle pe ruṉ to.

SANTIAGO 2:13

Grë zha ne ni lalnu rquiad zdoo samiech, gaḻ dze co scaque ni lalnu yquiad zdoo Dios zho; saṉgue zha ne rquia zdoo samiech, ible zdedlaa zho lo guieḻnëdox ne cxeeḻ me.

SANTIAGO 2:8

Ib none gban ne zigne rnabey Xley Dios, lo xley me zhobnee: “Bleynie samiech luu, zigne rleynie luu luu.”

SANTIAGO 5:4

Lëë grë dimi qui goṉ zëëb to lo grë zha ne quia xtsiiṉ to, noquidie to zho rguizhde to xtse zho. Per goḻgacnaṉa gaṉle, grëse redz ne rquiaa zho zeeṉe mban rac zho squi rsacsi to zho, laa Dios binlew.