EFESIOS 5:5 - Zapotec Mixtepec: Diidz ne rdeed guielmban

⁵ Naṉle to gaṉle, grëse: zha ne zienaḻdraa zigne nac guieḻtsieel, zha ndzinlid ne ruṉ grëraa guieḻyozh, zha ne mbidz (zha ne rleynieraa dimi, laa ne gleynie zho Dios); ni tib zho grieelod gdziṉ zaatne rnabey Jesús grop me Dios.

EFESIOS 5:5 ပူးပေါင်းရင်းမြစ်များ

HECHOS 20:32

Dios nac meṉ ne gacnieṉ to, laa naa rsaṉ to ladznia me grëse to; Xtiidz Ndzon me miṉe rnee gaṉle zha nquialadztaa me to, lëëw lozh quix biini to dib zdoo to gnalo to me, zeeṉa ygaa to zaatne gneedz me cuëz to grë to zha ne noraa xnëz me.

HECHOS 8:21

Ni lalnu rieguiaḻd luu guṉ luu dziin rii, ni gdziṉdgaa dze guṉ luuw; sac mbed zdoo luu, zienied guic luu guṉ luu miṉe rnabey Dios.

GALATAS 5:19

Ni miech ne sca ruṉ grë ncuaaṉe ndzinlid, ib paat ngueetsd zho: rionie zho zha ne led tsieeld zho, ruṉ zho grë ncuaaṉe ndzinlid ne racladztaa xcuerp zho,

GALATAS 5:21

në rac zdoo zho raṉ zho ncuaaṉe quianie stib miech, rzudz zho, rcaalsa zho zaatne loxaque rowcho zho, ni ruṉ zho grë guieḻyozh. Grë ncuaaṉ co ruṉ zho ni grëragaa ncuaaṉe ndzinlid ne sca nac. Laa naa rbire rso diidz lo to, guṉde to grë ncuaaṉ co; sac goṉ grëse miech ngoopdoḻ ne sca rban, grieelod gdziṉ zho zaatne rnabey Dios.

EFESIOS 5:3

Goḻguieṉ sca, none glu to ne nli xnëz Dios no to; guṉde to grë guieḻyozh ne ruṉ grë zha ne zienaḻd zigne nacpaa guieḻtsieel, guṉde to grë ncuaaṉe yozh ne ruṉ miech ndzinlid, guṉde to grë ncuaaṉe ruṉ grë zha ne zienaḻ loxaque dieṉ zha guṉlo dimi. Guṉde to grë ncuaaṉ co, per ni gzodiidzde tow.

COLOSENSES 1:13

Sac me nac meṉ ne blee ne ladznia meṉdox, ma ne rnabey lo guieḻcow, psaṉ me ne ladznia Xpëëd me Jesús, meṉ ne rleynie me ga.

COLOSENSES 3:5

Gacxe nana sca, goḻsaan grëtaa guieḻntseeb ne ruṉ miech lo guidzliu rii: tsoniede to zha ne led tsieelde to, guṉde to grë ncuaaṉe mbeeguieḻto, gdeete to diidz gnabey xcuerp to to, guṉde to ncuaaṉe ndzinlid ne racladz to, ni gacblëde to lo dimi (sac teḻ scaw, dzigo dimi rsaṉ to xlugar Dios).

1 TIMOTEO 6:10

Sac nac dimi, zeeṉe rzoobladzdox miecha, ga rzobni ne laa zho ruṉ grë guieḻntseeb. Ndal zha ne ziesaan Xtiidz Dios, sac laa zho zienaḻ dieṉ zha xeṉ zho nroob dimi; per rlozh ga, stib stib guieḻnë ne ziedziṉ lo zho.

1 TIMOTEO 6:17

Grë zha ne rapcheṉ, bnee lo zho cseed zho gdaannied zho grë ncuaaṉe rap zho, ib gnalod zho grë ncuaaṉ co; sac goṉ ncuaaṉe tib rded ga. Dios none gnalo zho, ni mesi rneedz me grëtaa ncuaaṉe wen ne rquiin ne.

HEBREOS 13:4

To ne nac to zha ne ptsieelniale, sacde to guieḻtsieel zig beeḻze pe wguit, ib yquidiede to tsieel to; sac zha ne yquiangob tib zha ne nonguieḻd tsonie zho o yquiangobgaa zho tib zha ne nole tsieel, ib tedsod zuṉquizh Dios zho doḻ co.

APOCALIPSIS 21:8

Saṉgue grë zha ne rdzieb gban zigne rnabey naa, grë zha ne rbiche lo naa, grë zha ne ruṉ grë ncuaaṉ mbixladz, grë zha ne rut samiech, grë zha ne rionie zha ne led tsieeld zho, grë zha ne rleynie guieḻbruj, grë zha ne rleynie grë mdio, grë zha ne tibaque noquidie samiech, grëse zha co miṉe ygaa zho nac lo guidox ne noyec zufr ga; lëë guieḻgut brop ga.

APOCALIPSIS 22:15

Saṉgue grë miech ne racntseeb lo Dios, zha ne rleynie guieḻbruj, zha ne rionie zha ne led tsieeld, zha ne rut samiech, zha ne rleynie grë mdio, zha ne loxaque noquidie samiech, ni tib zha co grieelod ted ro puert co.