EFESIOS 5:3 - Zapotec Mixtepec: Diidz ne rdeed guielmban

³ Goḻguieṉ sca, none glu to ne nli xnëz Dios no to; guṉde to grë guieḻyozh ne ruṉ grë zha ne zienaḻd zigne nacpaa guieḻtsieel, guṉde to grë ncuaaṉe yozh ne ruṉ miech ndzinlid, guṉde to grë ncuaaṉe ruṉ grë zha ne zienaḻ loxaque dieṉ zha guṉlo dimi. Guṉde to grë ncuaaṉ co, per ni gzodiidzde tow.

EFESIOS 5:3 ပူးပေါင်းရင်းမြစ်များ

MATEO 15:19

Zdoomban zho nac zaatne rza grë ncuaaṉ ntseeb ne ruṉ zho, zig nac: zeeṉe rio zho grë zhgab yozh, zeeṉe rut zho samiech zho, zeeṉe rionie zho zha ne nole tsieel, zeeṉe rionie zho zha ne nacd tsieel zho, zeeṉe ruṉ zho guieḻgbaan, zeeṉe lega rnexuu zho samiech zho, zeeṉe rneenë zho samiech zho.

LUCAS 12:15

Dzigo bnee me lo grë miech co, rëb me: ―¡Goḻguieṉ goṉ, gzoobladzde to demas gapcheṉ to! Sac niicle ndziibraa gapcheṉ miech, grieelod por grë ncuaaṉ co ndzon gac lo xquieḻmban zho.

LUCAS 16:14

Grë zha ne nac farisé zeeṉe goṉ zho sca rnee me, leḻ rzhidznie zho me, sac teḻ zhaw rleyniedox zho dimi.

HECHOS 15:20

Sinque mazd yquia tib diidz cxeeḻ ne lo zho gon zho, grë ma ne rut miech rgogon zho lo grë zhimdio zho, ib gowd zho bëël co; grë ma ne rxieed ren zeeṉe ret ma, gowd zho ma; ni niicle grëragaa ma ne gut zho, ib gowd zho xchen ma. Grë zha bgui, nodne tsonie zho wnaa ne nacd tsieel zho; niicle wnaagaaw, nodne tsonie zho mgui ne nacd tsieel zho.

HECHOS 20:33

’Wlaltaa ib rzobladzd naa dimi, ib rzobladzd naa lar, guiep naa tebaa zha yquianie naa grë ncuaaṉ co.

ROMANOS 1:29

Nroobdoo nac xtoḻ zho, sac: rsacsixuu zho samiech zho, rzoobladz zho ncuaaṉe quianied zho, racntseeb zho lo samiech zho, në rac zdoo zho raṉ zho stib noded samiech zho, rut zho samiech zho, rtsidiḻ zho samiech zho, rquidie zho samiech zho, rquiadiidzguizh zho samiech zho, miech yozh nac zho,

ROMANOS 16:2

Laa naa rso diidz lo to, zeeṉe glanso me i niowse goḻcaania me, goḻcaania me zigne rieguiaḻ ycaania ne zha ne ngab lo Dios. Goḻsiguieḻ goḻdeed grë ncuaaṉe yquiin me; sac goṉ, teḻ me ndal grë zha ne ziyacnie me lo xliaadz zho, haxta naa blactaa ziyacnie me naa.

ROMANOS 6:13

Ib gdeete to diidz guiab to lo doḻ stib, guṉ to grë guieḻntseeb; sinque goḻsaṉ to ladznia Dios, iṉe goḻguṉ grë miṉe racladz me. Goḻguieṉ gaṉle, laa to gutle lo grë doḻ, Diosle mbannie to niina;

1 CORINTIOS 10:8

Gotsaa gwi ne gaṉle, pe guieḻnë ne bgaa zho zeeṉe brieequia bla zho lega bionie wnaa, tib dzeque bnabey Dios gut gaḻptsoṉ mil zho. ¡Ni lalnu tsod guic to guṉ to miṉ co!

1 CORINTIOS 5:1

Zëëb diidz goṉ, lad to i no tib zha bgui ne quiayuṉ tib doḻ nroob; per ni grëraa miech ne gard gliladz Xtiidz Dios ruṉd miṉ co. Bin naa lëëque xniaa pchoob zho quiangob zho.

1 CORINTIOS 6:13

Zëëb diidz rnee zho: “Laa guieḻwagw biaaṉ par gow miecha, scagaa zdoo zho laaw biaaṉ par tsodzëw guieḻwagw.” Nli scaw, per guiabd ne togo por miṉ co lega gowcho ne. Pa rquiin ne lega tedso gow ne, sac goṉ zigtaa zdoo new, zigtagaa guieḻwagwa, zdziṉ dze ne gnitlo Diosa. Guieḻwagw ga na, saṉgue grë guieḻyozh neruṉ miech rquiangob zho zha ne led tsieeld zho, biaaṉd ne par dziuuṉ ne miṉ co, sinque laa ne biaaṉ par gban ne zigne rdziladz Dios, sac me rnabey ne.

1 CORINTIOS 6:18

Gacxe waa, guṉde to guieḻyozh yquiangob to zha ne led tsieelde to. Lo grë doḻ ne no, miṉ riise nac miṉe xcuerppaa miech rguitnie zho. Sac goṉ zha ne ruṉ guieḻyozh co, masaque rsaṉbeed zho zho ga.

2 CORINTIOS 12:21

Teḻ gaṉ naa sca rac to, mbe goṉ stoladznie naa to ni haxta siaabguieḻnë to naa; sac naṉle naa ni lalnu rdziladzd Dios grë miṉ co. Zig nac grë zha ne squi padzeelale quiayuṉctal xtoḻ ni rsaand zho grëtaa guieḻyozh, grëtaa ncuaaṉe ndzinlid ne bii quiayuṉ zho, mbe goṉ sigoon zho naa.

EFESIOS 5:12

sac grë ncuaaṉe ruṉ zho ngueets zhliaan, haxta ncuaaṉe ctoladz ne gnee new.

EFESIOS 5:5

Naṉle to gaṉle, grëse: zha ne zienaḻdraa zigne nac guieḻtsieel, zha ndzinlid ne ruṉ grëraa guieḻyozh, zha ne mbidz (zha ne rleynieraa dimi, laa ne gleynie zho Dios); ni tib zho grieelod gdziṉ zaatne rnabey Jesús grop me Dios.

FILIPENSES 1:27

Per miṉe rsopaa naa diidz lo to goṉ: Goḻtsoxco goḻban zigne no gban zha ne ngab xnëz Jesús, zeeṉa niicle teḻne grieelod guiaḻ naa, racladz naa gon naa tipse nac to grë to, tiblique dziits zo to lo Xtiidz Dios; ni noxco to dieṉ zha gliladz grëraa miech Jesús,

COLOSENSES 3:5

Gacxe nana sca, goḻsaan grëtaa guieḻntseeb ne ruṉ miech lo guidzliu rii: tsoniede to zha ne led tsieelde to, guṉde to grë ncuaaṉe mbeeguieḻto, gdeete to diidz gnabey xcuerp to to, guṉde to ncuaaṉe ndzinlid ne racladz to, ni gacblëde to lo dimi (sac teḻ scaw, dzigo dimi rsaṉ to xlugar Dios).

1 TESALONICENSES 4:3

Sac goṉ, laa Dios racladz mbe guiaaṉ to lo me, guṉde to guieḻyozh yquiangob to zha ne led tsieelde to.

1 TESALONICENSES 4:7

Goḻguieṉ gaṉle, bredzdaxe Dios ne waa parne dziuuṉ ne grë guieḻyozh, sinque laa me bredz ne gban ne zigne racladz me.

1 TIMOTEO 2:10

Par gluniow zho, rquiin zaacse gbannie zho samiech zho, zig none gban zha ne nole xnëz Dios.

1 TIMOTEO 6:10

Sac nac dimi, zeeṉe rzoobladzdox miecha, ga rzobni ne laa zho ruṉ grë guieḻntseeb. Ndal zha ne ziesaan Xtiidz Dios, sac laa zho zienaḻ dieṉ zha xeṉ zho nroob dimi; per rlozh ga, stib stib guieḻnë ne ziedziṉ lo zho.

2 TIMOTEO 3:2

Zrieequia grë zha ne: gacladz tebaa lose zho yquiin grëtaa ncuaaṉe no, loxaque dimi gleynie zho, niats gac zho, zdaannie zho ncuaaṉe ni rapd zho, zneenë zho Dios, gond zho xtiidz pxoz zho, xtiidz xniaa zho; sacd zdoo zho miṉe guṉ miech lo zho, laa zho gban zigne notaa guic zho, ib yquiaadiagd zho Xtiidz Dios.

TITO 1:11

Gacxe waa, ib none guioog ro zho; sac goṉ par cueexlëse zho dimi no zho noseed zho miech grë ncuaaṉe paat rquiind; zaatne no tib yu miech, grëse zho rquidie zho. Bieṉ sca goṉ nsin bzo lo grë zha Cret i. Sac goṉ,

TITO 1:7

Sac zha ne sca so lo grë zha ne no xnëz Dios, ib none gac zho tib zha ne ndzinli mban, sac goṉ xtsiiṉ Dios ga guṉ zho. Nodne gac zho: zha nlëëguic, zha ngonziu, zha nad ron diidz, zha nguibdiḻ, zha ne rzonaḻ dimi.

TITO 2:3

Scaquegaa grë meṉ wnaa ne nac zhagol, bnee lo zho: gban zho zigne no gban zha ne nole xnëz Dios, gzhixcuaad zho diidzguizh, gzudzd zho. None zaacse gac zho,

HEBREOS 12:16

Ib guṉde to grë ncuaaṉe tsod zdoo Dios, ib quitniede to guieḻnzaac ne bneedz Dios lo to; guṉde to zigne beeṉ Esaú, teḻ Esaú, por tib plat nis scuaan psaan me guieḻnzaac ne bgaa me ne nac me mëëdglo;

1 PEDRO 5:2

Rso naa diidz lo to goṉ, zaacse goḻquianap grë zha ne bgaa to noquianap to. Dib zdoo to goḻguṉ dziin qui, sac sca racladz Dios, ib tsienied guic to guiab to dieṉ zha lega cob to dimi lo zho.

2 PEDRO 2:10

¡Zig nac zha ne guiaadquidie to ga, miṉcopaa ygaa zho! Ni lalnu gaṉdzed Dios zho; sac goṉ, laa zho zienaḻ loxaque grë guieḻyozh ne gdeed guxt xcuerp zho. Miech nad, miech niats nac zho, rzhidznie zho miṉe rnabey Dios, ni lalnu dzeb guieṉd lo zho rdzibdee zho grë meṉ non ne no gbaa.

2 PEDRO 2:14

Wnaa ne gaṉtaa zho, pe na gzoobladzd zho tsonie zho wnaa co, tibaque quiayuṉctal zho xtoḻ zho. Rio zho rquiil zho grë zha ne gard sodziits lo Xtiidz Dios; rieṉle zho zha gla zho ncuaaṉe rquiin lo zho. Miech ndziibdeele nac zho,

2 PEDRO 2:3

Zha yozha, laa zho tsienaḻ loxaque dieṉ zha guṉlo zho dimi, zguib zho yquidie zho to gdeed to dimi lo zho. Per ib tedsod zguizh zho miṉ co, sac bzeetle Dios gaṉle zha nactaa lo guieḻnëdox ne ygaa zho;

APOCALIPSIS 2:14

’Per no chop ncuaaṉe goṉ glisqui naa lo to: Lëda i ruṉ to raṉdze to grë zha ne squi ruṉ zigne beeṉ Balam, meṉ ne pquiil Balac bloo Balac guic grë zha Israel beeṉctal zho xtoḻ zho, dow zho xpëël grë ma ne biogon lo mdio, ni pquiangob zho zha ne led tsieeld zho.

APOCALIPSIS 2:21

Blactaale pquiambëz naa nab me perdon, ntsëë me lo xquieḻmban me; per nëd me csaan me grë guieḻyozh ne ruṉ me i.

APOCALIPSIS 21:8

Saṉgue grë zha ne rdzieb gban zigne rnabey naa, grë zha ne rbiche lo naa, grë zha ne ruṉ grë ncuaaṉ mbixladz, grë zha ne rut samiech, grë zha ne rionie zha ne led tsieeld zho, grë zha ne rleynie guieḻbruj, grë zha ne rleynie grë mdio, grë zha ne tibaque noquidie samiech, grëse zha co miṉe ygaa zho nac lo guidox ne noyec zufr ga; lëë guieḻgut brop ga.

APOCALIPSIS 22:15

Saṉgue grë miech ne racntseeb lo Dios, zha ne rleynie guieḻbruj, zha ne rionie zha ne led tsieeld, zha ne rut samiech, zha ne rleynie grë mdio, zha ne loxaque noquidie samiech, ni tib zha co grieelod ted ro puert co.

APOCALIPSIS 9:21

Laa zho no quiayut zho samiech zho, quianab zho pe sac samiech zho, quiangob zho zha ne led tsieeld zho, tibaque quiaban zho, ¡ni palal zienied guic zho csaan zho grë guieḻntseeb co gbig zho lo Dios!