EFESIOS 5:10 - Zapotec Mixtepec: Diidz ne rdeed guielmban

¹⁰ Goḻtsoxco guieṉ to zha racladz Dios gban to.

EFESIOS 5:10 ပူးပေါင်းရင်းမြစ်များ

ROMANOS 14:18

Sca rdziladz Jesús, ni zha ne sca gban, zleynie Dios zho, niiclegaa grë miecha zleynie zho zho.

FILIPENSES 1:10

zeeṉa guieṉ to cue to niapse grë ncuaaṉe ndzinli guṉ to. Sca iṉe ndzinli nac lo xquieḻmban to, ni tib xtoḻ to guieṉd gaḻ dze ne guiaad Jesús;

FILIPENSES 4:18

Teḻ na goṉ, grële ncuaaṉe yquiin naa no, haxta nrooblew nu. Ni ne pxeeḻaque to Epafrodit biaadsaṉ stib nëza, haxta bdedsole goclow lo naa nu. Grëtaa ncuaaṉe bgad to lo naa, rrieequia naca zig tib gon ne bdeed to lo Dios, zig tib gox ndzon ne sac zdoo me ycaania me.

COLOSENSES 1:10

zeeṉa grieelo gban to zigne no gban zha ne no xnëz Jesús, tibaque guṉ to ncuaaṉe conley to zdoo me; dzigosi grëse ncuaaṉe ndzinli ne guṉ to, zlupaa ncuaaṉe rquiina, ni zioguicraa to zha nac Dios.

1 TESALONICENSES 5:21

wen wen goḻwi dieṉ pe nac miṉe rnee zho, dzigo miṉe rzac to rquiinraa lo to, miṉ co goḻseed.

1 TIMOTEO 2:3

Sca nagoṉ nonguieḻ dziuuṉ ne, ni scagaa rdziladz Dios, meṉ ne pxeeḻ Jesús biaadsilaa grëse miech lo doḻ;

HEBREOS 12:28

ni ga nagoṉ gneedz me gbiaaz ne. Gacxe waa, goḻgotsaa dziuuṉ ne miṉe rnabey me, goḻgotsaa gdeed ne xquizh lo me, guieṉ ne meṉ nroob nac me; ni scagaa me zley me.

1 PEDRO 2:20

Sac goṉ, teḻne nosacsi zho to por xquieḻntseeb to, niicle paraa cxecw to paat yquiinda; saṉgue teḻ rxecw to nosacsi miech to porne noyuṉ to ncuaaṉe rdziladz Dios, dzigosi zleynie me to.

1 PEDRO 2:5

Goḻbig lo me sca, zeeṉa ye to gac quie mban ne tsaa xyadoo me. To gac grë pxoz ne nlipaa mbe zdoo, guṉ to dziin leṉ yadoo co; goḻban zigne rdziladz Dios, zeeṉa guieḻmban co gac zig tib gon ne gdeed to lo me, ne nac to zha ne ngab lo Jesús.