EFESIOS 4:32 - Zapotec Mixtepec: Diidz ne rdeed guielmban

³² Sinque none: wen gac to lo samiech to, goḻquia zdoo samiech to, goḻguṉ samiech to perdon, zigne beeṉaque Dios to perdon zeeṉe laa to beeṉbey Jesús.

EFESIOS 4:32 ပူးပေါင်းရင်းမြစ်များ

MATEO 6:12

Bzhiguieḻ beeṉ no perdon grëse doḻ ne ziodziuuṉ no lo luu, zigne rdziuuṉ no samiech no perdon grë falt ne ruṉ zho lo no.

MARCOS 11:25

Ni zeeṉe gnab to lo Dios, goḻsoladz dieṉ pe no cho rlëënie to, dzigo goḻguṉ zho perdon; zeeṉa scagaa, Pxoz to meṉ ne zob gbaa zuṉ me to perdon teḻ pe nactaa xtoḻ to.

LUCAS 1:78

Ne nligaa rleynie me ne, rquia zdoo me ne, gane laa me cxeeḻ Xpëëd me, meṉ co gac zig tib biini,

LUCAS 11:4

Bzhiguieḻ beeṉ no perdon grëse doḻ ne ziodziuuṉ no lo luu, zigne rdziuuṉ no samiech no perdon grë falt ne ruṉ zho lo no. Gdeete luu diidz yquiil meṉdox no, beeṉ guieḻnzaac bla no lo ma.

LUCAS 17:4

Niicle teḻne nzian vuelt sca guṉ zho falt lo luu tib dze, beeṉ zho perdon zeeṉe laa zho rbig rnab zho perdon lo luu.

LUCAS 6:35

’Goḻguieṉ sca, none gleynie to zha ne rlëë lo to, none gacnie to zho lo xliaadz zho. Zha ne guiaad tib pextad lo to, goḻdeed ncuaaṉe rnab zho, ib guiabde to nend lega scase guṉ to favor co lo zho. Zha ne guṉ grë miṉ rii, nroob guieḻnzaac ne gdeed Dios lo zho, ni ga glu zho gaṉle nli xpëëd me nac zho; sac goṉ teḻ me wen me lo grëse miech, niicle zha ne ruṉ falt lo mew, niicle zha ne rieṉdgaa gdeed xquizh lo me, rsaand me zho.

LUCAS 6:37

’Ib guṉde to në gac zdoo to, zeeṉe raṉ to ncuaaṉe nonguieḻd ne ruṉ stib miech, sac to tozhal guṉquizh zhow; zeeṉa scagaa Dios guṉscad me to. Goḻguieṉ none guṉ to samiech to perdon, zeeṉa scagaa Dios zuṉ me to perdon;

HECHOS 28:2

Grë miech ne no ga pquiadox zdoo zho no, bzëëg zho gui bredz zho no bdzëë no, sac lala rac naḻ ni scataque bgaa no guie.

ROMANOS 12:10

Iṉe niowse goḻleynie grë zha ne nacgrë to, gacnguizhde to, quitniede to zho.

1 CORINTIOS 13:4

Sac goṉ zha ne nli mban zigne nac guieḻwleynie co: rieednied zho samiech zho, wen rac zho lo samiech zho, racnëd zdoo zho, niicle raṉ zho wenraa noded stib miech lo zho, ruṉd zho ne lëëque zha guṉnon zho, racniatsd zho lo samiech zho,

2 CORINTIOS 2:10

Goḻguiaaṉladz miṉe beeṉ zha co sca, teḻ naa laa naa biaaṉladzlew. Jesús zobwi gaṉle laa naa beṉle zho perdon, zeeṉa gbiire zaacse gac to;

2 CORINTIOS 2:7

Goḻguiaaṉladz miṉe beeṉ zho ga, goḻneewen lo zho stib, goḻchoobladz zdoo zho zeeṉa gacmband zho. Sac teḻne csaanladz to zho, nend scase lozh guiuu zho lo xquieḻnë zho.

2 CORINTIOS 6:6

Ne nligaa rdzioxco no ndzinli mban no, choot rieetede, wen wen rdziuuṉbey no zha nac Xtiidz Dios, sca raṉ miech gaṉle ne nli Dios pxeeḻ no. Dib zdoo no rleynie no samiech no, wen rac no lo zho, zilu no gaṉle pa lotaa racnie Espíritu Sant no.

EFESIOS 5:1

To ne laa to nacle xpëëd Dios ni nquialadz me to, goḻtsoxco gac to zig me.

SANTIAGO 5:11

Zig nac Job, naṉaxe to gaṉle zha nactaa guieḻnë ne goṉ Job, per ib bieete me, ni blozhse goṉ me guieḻnë co nroobraa guieḻnzaac ne bdeed Dios lo me. Ga rlu gaṉle, zha ne sca rdeed me diidz raṉ guieḻnë, led lega raṉd zhow; sac nquialadz me miech, rquia zdoo me zho. Dichos grë zha ne sca nac.

1 JUAN 1:9

Saṉgue teḻne cxobdoḻ ne grëse xtoḻ ne lo Dios, ible tedsod silaa me ne lo grëtaa doḻ co, saṉmbe me ne lo grëtaa guieḻntseeb ne zidziuuṉ ne; sac ible laa Jesús gut par csaṉmbe me ne.

1 JUAN 2:12

Xin yeeṉa, laa naa rne grë miṉ rii lo to, sac goṉ, teḻ to laa Jesús bdiizhle teḻ pe nactaa grë xtoḻ to.