EFESIOS 4:31 - Zapotec Mixtepec: Diidz ne rdeed guielmban

³¹ None csaan to: guieḻnialadz, tso to gow gzhiizh zdoo to; glëëdraa to, sobzhiandraa to, coredzdraa to, gacntseebdraa to, ni grëragaa guieḻntseeb ne no, guṉde tow.

EFESIOS 4:31 ပူးပေါင်းရင်းမြစ်များ

HECHOS 21:30

Pe ga bin grë meṉguiedz, grëse zho bdziṉ wbigbe zho lo Pabl bdobniu zho me blee zho me leṉ yadoo, zigne blee zho me ga lëëlëd psioog zho ro yadoo; psilo zho noguiṉ zho me, naṉ zho gut zho me.

ROMANOS 3:14

niapse grë diidz dox, niapse grë diidznë rrieeche ro zho.

1 CORINTIOS 14:20

Bets, bzian, goḻguieṉ sca goḻsaan guieḻmëëdlas qui. Zacgaa gac to mëëdlas per nëz lo guieḻntseeba, saṉgue xpensar to goḻgac zig zha ne biaa biinile.

1 CORINTIOS 5:8

Goḻgotsaa gban ne zigne racladz Dios, grëse teḻ zha wban ne glo, grëse guieḻyozh, grëse guieḻntseeb ne bdziuuṉ ne, none csaan new grësew. Ndzinli sca goḻgac, goḻtsienaḻ miṉe nac diidzli; none mbe gac to nëz lo Dios, zig guietxtil ne notsd ncobi.

2 CORINTIOS 12:20

Sac goṉ, rdziladzd naa teḻne glanso naa lo to i, ni gaṉ naa racde to zigne racladz naa; dzigo niicle togaaw, tsod zdoo to zeeṉe gaṉ to laa naa glisquiw. Adeḻ goṉ zeeṉe laa naa glanso i, leḻ diḻ no to; zha ne në rac zdoo dieṉ cho stib noded, zha ne nozhixcuaa diidzguizh, zha ne quianeenë, zha ne quiayacniats; nend haxta chop tsoṉ diile nac to.

GALATAS 5:20

riegaṉ zho grë mdio, rnab zho pe sac samiech zho, rlëënie zho samiech zho, rdiḻnie zho samiech zho, rzac zho adeḻ cho glale tsieel zho, rnadse pew laa zho rlëële, ruṉctiḻ zho miech, rguib zho rtso miech, rbeextso zho dieṉ cho zha ne gacnie zho,

EFESIOS 4:22

Miech yozh ne goc to glo, grëtaa ncuaaṉe ndzinlid, grëtaa guieḻyozh ne gocladztaa xcuerp to beeṉ to, ¡goḻsaana!

EFESIOS 4:25

Goḻguieṉ sca, yquidiedraa to samiech to, sinque niapse miṉe nac diidzli goḻnee, sac goṉ teḻ ne pe nacne yquidielsa ne ni tibaque nac ne grë ne.

EFESIOS 4:26

Teḻne glëë to, code to guieḻblëë co zdoo to dib dze, sac goṉ doḻ ga.

COLOSENSES 3:19

To ne nac to meṉ bgui ne ptsieelniale, goḻleynie tsieel to; gacnchogde to lo me.

COLOSENSES 3:8

saṉgue niina, none csaan tow, ni lalnu: glëëniedraa to samiech to, sobzhiandraa to, guṉdraa to guieḻntseeb, gneenëdraa to samiech to, gneedraa to diidzguidz,

1 TIMOTEO 5:13

Ni ye nac wnaa nguieg, rdziladz zho rquianzë zho; ni teḻne peet dziin guṉd zho, racgbech zho; ni stiba, zeeṉe sca guieṉd pe guṉ zho dzigo laa zho rzhixcuaa diidzguizh, laa zho rzëëb lo grë cuent ne rieguiaḻdraa zho.

2 TIMOTEO 2:23

Ib yquiaadiagd luu grë godiidz ne paat rquiind, sac goṉ loxaque ruṉctiḻa miech.

2 TIMOTEO 3:3

Gacnaṉdraa zho pe nac guieḻwleynie, ib yquiad zdoo zho, loxaque diidz gzhixcuaa zho, lëbd zho gnabey zho xcuerp zho, sacsi zho samiech zho, stsidiḻ zho grëse ncuaaṉe rquiin,

TITO 1:7

Sac zha ne sca so lo grë zha ne no xnëz Dios, ib none gac zho tib zha ne ndzinli mban, sac goṉ xtsiiṉ Dios ga guṉ zho. Nodne gac zho: zha nlëëguic, zha ngonziu, zha nad ron diidz, zha nguibdiḻ, zha ne rzonaḻ dimi.

TITO 2:3

Scaquegaa grë meṉ wnaa ne nac zhagol, bnee lo zho: gban zho zigne no gban zha ne nole xnëz Dios, gzhixcuaad zho diidzguizh, gzudzd zho. None zaacse gac zho,

SANTIAGO 1:19

Bets, bzian, ne nac to zha ne rleynie naa: Goḻgacnaṉ gaṉle, ne ne nac ne zha ne no xnëz Dios, none dzioxcoraa ne yquiaadiag ne, zeeṉe gnee ne none guieṉ ne pa lotaa gnee ne, ni guṉd ne ne rnadse pew laa ne glëële.

SANTIAGO 3:14

Per teḻ tibaque në rac zdoo zho raṉ zho zha ne stib noded, tibaque noguib zho csaṉwin zho samiech zho; gacnaṉ zho gaṉle, led scad rac zha nixbiini. Ni lalnu rieguiaḻd tso zho csaṉnziuu zho zho.

SANTIAGO 4:11

Bets, bzian, ib gneenëde to zha ne nacgrë to. Zha ne rneenë bets zho, bzian zho, beḻ zho, ni rdziibdoḻ zho zho, Xley Dios ga rguiits zho. Laa ne so zho gacladz zho zha guṉ guieḻwxtis, mazd tsoxco zho gban zho zigne rnabey ley.

1 PEDRO 2:1

Nana sca: guṉdraa to grë guieḻntseeb, yquidiedraa to samiech to, guṉdraa to ne laglaase glu to guieḻwen, gacnëd zdoo to gaṉ to cho zha stib noded, gzhixcuaadraa to diidzguizh.

1 JUAN 3:12

Zig nac Caín, xnëz meṉdox ngab Caín, gane beet me bets me loxaque ne ndzinli mban bets me, laa me niapse guieḻntseeb ruṉ me. Ib guṉde to miṉe beeṉ Caín.

1 JUAN 3:15

Grë zha ne sca rlëënie samiech, rrieequia rut zho ga, ni naṉle to gaṉle zha ne rut samiech, gard ygaa zho guieḻmban ndzon ne gdziṉd dze lozh ga.

APOCALIPSIS 12:10

Dzigo bin naa, nguiedz zëëb tib tsi meṉ co gbaa, rnee me: ¡Lëëw nagoṉ! ¡Nasi laa dze ne ycaaniapaa Dios zha ne ngab lo me, laa dze co bdziṉ! Nasi laa me blu poder ne rap me, nasi laa Meṉ ne pxeeḻ me lo guidzliu ga gnabey lo grëse zha ne ngab lo me. ¡Laa me beṉcxooṉle meṉdox! Ma ne scataa dze guieel nolisqui dieṉ pe ruṉ zho, nac zho zha ne nacgrë ne.