EFESIOS 4:2 - Zapotec Mixtepec: Diidz ne rdeed guielmban

² Goḻgac tib miech ndooladz, tib miech wen, tib miech nlëëguicd, tib miech ne guieednied samiech sinque iṉe gleynie to zho.

EFESIOS 4:2 ပူးပေါင်းရင်းမြစ်များ

MATEO 11:29

Nligaa goḻbig lo naa, goḻtënaḻ zhiwseed naa, goḻgac tib miech tibliladz, tib miech ndooladz zigne nac naa; zeeṉa gap to descans co.

MARCOS 9:19

Dzigo rëbchaa Jesús lo zho: ―¡Pe na squitaa miech nad nac to, ib rnalode to Dios! ¿Palal tiemp ne so naa gne naa lo to? ¡Ncuaaṉe cxecwdraa naa lo to squi nac to! ¡Goḻtënie mëëdwin qui nu!

HECHOS 20:19

blactaa biin naa lo grë miṉe bdeed naa, blactaa lo guieḻxtseeb ne ziyo naa, tibaque quianaḻ grë zha Israel quiṉ zho naa.

ROMANOS 15:1

Goḻguieṉ sca, to ne nac to zha ne dziitsle zo lo Xtiidz Dios, goḻgacnie grë zha ne gard sodziits lo Xtiidz me. Goḻguṉ ncuaaṉe tso zdoo zho, ncuaaṉe yquiin lo zho, zeeṉa lozh guieṉ zho zha gnalo zho Dios; led tsode to guṉ to ncuaaṉe yquiinse lo to.

1 CORINTIOS 13:7

Zha ne nli rleynie samiech, ni lalnu peet grieelod yca gleynie zho zho; rquiaadiag zho miṉe rnee zha co, rzhidznied zho zho; tibaque rquiabladz zho wen grieequia zho, rsaand zho zho, tibaque racnie zho zho.

GALATAS 6:2

Zeeṉe raṉ to zha ne mban noded, goḻguṉ xyudar zho, goḻchoobladz zdoo zho, sac goṉ sca rnabey Jesús gban miech.

EFESIOS 1:4

Haxta zeeṉe gard cue guidzliu, bzooblo Dios ne gac ne zha ne gdziṉ lo me zeeṉe laa ne gliladz Jesús, gac ne tib miech peet xtoḻd, zha ne gban zigne racladz me.

COLOSENSES 1:11

Ni rnab no lo me, niapse por poder ne rap me guṉndip me zdoo to, guṉndip me guic to; zeeṉa niicle teḻ pe nactaa guieḻnë ne gaṉ to, ib peet tsienied guic to, ib sacxuude to,

1 TIMOTEO 6:11

Saṉgue luu goṉ, bieṉ gaṉle xnëz Dios no luu, guṉd luu grë ncuaaṉ co. Bioxco zaacse wban, tibaque bioxco gban luu zigne racladz Dios, dib zdoo luu bliladz me, bleynie me ni bleynie samiech luu, ndooladz goc lo zho, ni lalnu ib guiaaṉd zdoo luu.

2 TIMOTEO 2:25

ndooladz gac zho gnee zho lo zha ne rlëënie Xtiidz Dios. Ni scagaa Dios cxobnia guic grë zha co, yguudz zdoo zho csaan zho grë xquieḻntseeb zho, gacnaṉ zho miṉe nac diidzli;

SANTIAGO 1:21

Goḻguieṉ sca, goḻsaan grëtaa ncuaaṉe ndzinlid ne ziyuṉ to, goḻbiche lo grë guieḻntseeb ne znutaa quiayac niina. Iṉe ndooladz goḻgac, goḻleynie Xtiidz Dios, diidz ndzon ne pseedle to; sac goṉ lëëw rlu zha laa to lo doḻ.

1 PEDRO 3:15

Tibliladz goḻgac, tibaque goḻguṉnon Jesús meṉ nroob ne rnabey ne, tibaque goḻconie Xtiidz Dios guic to, zeeṉa naṉle to pe guiab to lo zha ne gnabdiidz dieṉ zha nacne rnalo to Jesús; iṉe niowse goḻgac, diidz ndooladz goḻnee lo zho.

1 PEDRO 3:8

Nana sca, tipse goḻgac grë to. Iṉe niowse goḻleynie zha ne nacgrë to, miech wen, miech ndooladz goḻgac.