EFESIOS 4:19 - Zapotec Mixtepec: Diidz ne rdeed guielmban

¹⁹ Laa zho gocnadle, niapse lo grë ncuaaṉe ndzinlid no zho, ib rgobeyd zho ruṉ zho grëtaa guieḻyozh ne no.

EFESIOS 4:19 ပူးပေါင်းရင်းမြစ်များ

MARCOS 7:22

zeeṉe rionie zho zha ne nacd tsieeld zho, zeeṉe rzoobladz zho ncuaaṉe rap stib miech, zeeṉe ruṉ zho grë guieḻntseeb, zeeṉe rquidie zho, zeeṉe rien zho ruṉ zho grë ncuaaṉe ndzinlid, zeeṉe në rac zdoo zho raṉ zho cho zha ne stibnoded, zeeṉe rzhixcuaa zho diidzguizh, zeeṉe racniats zho, zeeṉe ruṉ zho grëraa ncuaaṉe paat rquiind.

EFESIOS 4:17

Laa naa rso diidz lo to nu, ni goḻquiaadiaga zig nac zeeṉe meṉ ndzon ne rnabey ne rneew lo to: gbandraa to zigne mban grëraa miech ne zozit lo Dios, grë zha ne mban zigne notaa guic;

COLOSENSES 3:5

Gacxe nana sca, goḻsaan grëtaa guieḻntseeb ne ruṉ miech lo guidzliu rii: tsoniede to zha ne led tsieelde to, guṉde to grë ncuaaṉe mbeeguieḻto, gdeete to diidz gnabey xcuerp to to, guṉde to ncuaaṉe ndzinlid ne racladz to, ni gacblëde to lo dimi (sac teḻ scaw, dzigo dimi rsaṉ to xlugar Dios).

1 TIMOTEO 4:2

Grë zha ne guiaadnie wseed co, ni lalnu yquiad zdoo zho zeeṉe laa zho yquidie miech.

1 PEDRO 4:3

Grëtaa ncuaaṉe ndzinlid ne ruṉ grëraa miech, goḻguiaaṉladza. Goḻguiaaṉladz zeeṉe scataa ptsieelsa to zho, bzudz to, lega dowcho, lega gocho to nziu, haxta bionie to zha ne nacd tsieel to; bio to lo grë lni, bleynie to grë mdio.

2 PEDRO 2:22

Zha copaa nagoṉ ruṉ miṉe rnee diidz ne znu rëb: “Naṉdraaque mëcw, ncuaaṉe bdzible ma rbiire ma row maw”; ni stib miṉe znu rnee: “Ngutszhe, rlozhle raz ma nis mbe, ni rlozh ga riegaaque ma lo nis beṉ.”

JUDAS 1:11

¡Probsaxe zho! Sac goṉ, nëz ne zey Caín ga zienaḻ zho. Lo guieḻblë dimi, laa zho briee xnëz Dios zigne briee Balam; ni zigne gut Coré zeeṉe gocntseeb me lo Moisés, scaque nitlo zho.

APOCALIPSIS 18:3

Laaw nitlo, sac noquiila grëse miech ne ndxie lo guidzliu, grëse zha ne rnabey, quiayuṉ zho grëtaa guieḻyozh ne ruṉa. Lo grëtaa guieḻyozh co quiayuṉ ricwa grëse zha ne ruṉ wto; quiaxiṉ grë ncuaaṉ co zho, masaque quiayuṉa zho zig ruṉ nziu.