EFESIOS 4:16 - Zapotec Mixtepec: Diidz ne rdeed guielmban

¹⁶ Ni ne me nac meṉ ne rnabey lo ne, me rnabey zha gac tib tib dziin ne pso me ne dziuuṉ ne; niicle ne nzian ne, per tipse nac ne laa ne nodziuuṉ dziin ne pso me ne, zeeṉa xixcuaaraa lo xquieḻmban ne, ni lozh guieṉ ne zha gleynieraa ne samiech ne.

EFESIOS 4:16 ပူးပေါင်းရင်းမြစ်များ

JUAN 15:5

Goḻsoladz gaṉle: Naa nac zig nac lbë co, laa to nac zhicwa. Zha ne tibaque gacnie naa, grëse ncuaaṉe guṉ zho zdziladz Diosa;

ROMANOS 12:4

Goḻgaṉ gaṉle zha niaa xcuerp ne: nzian lë niaaw, ni tib tiba nose zaatne rquiina; scaque nagoṉ nac grë zha ne ngab lo Jesús, nzian nac ne, per tib tib ne nose zaatne rquiin ne, tsod zha ne yquiind. Grëse ne none gnalolsa ne grë zha ne nacgrë ne.

1 CORINTIOS 10:17

Niicle ne ndal nac ne, per ne tibaque guietxtil ne rdioow ne, miṉ co gane tibaque cuerp nac ne grë ne, ni lëë xcuerp Jesús ga.

1 CORINTIOS 13:13

Goḻgacnaṉ sca gaṉle, grë guieḻbiini co zdziṉ dze ne yquiindraaw, saṉgue ne znu: dib zdoo ne rnalo ne Dios, noniepaa guic ne zac miṉe rnee me, ni rleynie ne samiech ne, lozhda. Per lo gza tsoṉa nagoṉ, guieḻwleynie co nac miṉe gdziṉd dze ne gdzëë.

1 CORINTIOS 8:1

Stib wnabdiidz ne ruṉ to ga, dieṉ zha nac guieḻwagw ne rgogon zho lo grë mdio, pe zrieelo gdioowa, te grieeloda ye. Zootle na grële to naṉ miṉ co; per no hor zeeṉe squi rzac ne grëlew naṉ ne, leḻ racniats ne, laa ne gacndooladz ne gnee ne lo grë zha ne nacgrë ne dieṉ zha guṉ zho parne tsoguicraa zho Xtiidz Dios.

GALATAS 5:22

Saṉgue zha ne zienaḻ miṉe racladz Espíritu Sant, znu nac zha co: rleynie zho samiech zho, tibaque nguieeḻ rac zho, peet dzeb nonied guic zho, rxecw zho, rieedniobd zho, niowse rnee zho lo samiech zho, niapse ncuaaṉ wen ruṉ zho lo samiech zho, ruṉ zho miṉe rnee zho guṉ zho,

GALATAS 5:6

Sac zha ne nli nole xnëz Jesús, peet liaadz nodraa zho bey ne rio zha Israel. Miṉe noxcoraa zho nac ne dib zdoo zho gliladz zho Jesús, ni scagaa grieelo gleynie zho samiech zho.

EFESIOS 1:4

Haxta zeeṉe gard cue guidzliu, bzooblo Dios ne gac ne zha ne gdziṉ lo me zeeṉe laa ne gliladz Jesús, gac ne tib miech peet xtoḻd, zha ne gban zigne racladz me.

EFESIOS 3:17

Ni rnab naa lo me tibaque dib zdoo to gliladz to Jesús, zeeṉa scagaa tibaque gbannie to me, parne guieṉ to gaṉle pa lotaa nquialadz me to.

EFESIOS 3:7

Niicle ne tib miech peet nond nac naa, per laa Dios bzooblo naa gne naa lo miech gacnaṉ zho miṉe blozh bzet naa nu, me nacnie naa, me rneedz grëtaa poder ne rap me parne grieelo guṉ naa dziin rii.

EFESIOS 4:12

Laa me ruṉ miṉ co, sac laa me racladz grëse zha ne ngab lo me lozh xixcuaa lo xquieḻmban zho, zeeṉa guieṉ zho zha guṉ zho xtsiiṉ me;

EFESIOS 4:15

Sinque guionaḻ ne miṉe nac diidzli, iṉe gleynie ne samiech ne, tibaque laa ne guionaḻ zigne nac Jesús, meṉ ne rnabey lo ne grë ne ne ngab ne lo me (rrieequia xcuerp me nac ne, me nac guic cuerp co).

FILIPENSES 1:9

Rnab naa lo Dios gacnieṉ me to, zig zie dze gleynieraa to samiech to, tsabiiniraa to,

COLOSENSES 2:19

Led yed zho ngab lo Jesús, meṉ ne rnabey lo ne grëse ne ne nac ne zha ne ngab lo me. Teḻ ne, me racnieṉ ne, tipse noyuṉ me ne, laa ne noyabiiniraa zigne racladz Dios.

COLOSENSES 2:2

Rnab naa lo Dios ib guiaaṉd zdoo to, tipse gac to iṉe gleynie to grë zha ne nacgrë to, lozhraa tsaa biini xquieḻrien to guieṉ to gaṉle zhapaa nac Jesús, sac goṉ naraa bdeed Dios diidz guṉbey miech me.

1 TESALONICENSES 1:3

Ni zeeṉe rzeet no to lo me, rsoladz no grëtaa dziin ne ruṉ to niina ne dib zdoo to rleynie to me, ni zha quialëb to lo grëtaa guieḻnë ne noyaṉ to, tibaque nonie guic to ne ible zdziṉ dze ne laa Jesús guiaad stib.

1 TESALONICENSES 2:13

Ne nligaa rdeed no xquizh lo Dios, sac zigne biadnee no Xtiidz me lo to, laa to pcaaniaw, bieṉ to Xtiidz me naca, nacda ncuaaṉe bleebey miech. Ni nligaa Xtiidz Diosa, gacxe waa zha ne rliladza zigne rzac tow niina, rzhixcuaa lo xquieḻmban zho.

1 TESALONICENSES 3:12

Jesús gacnieṉ to tsaaraa to biini, zeeṉa gleynieraa to grë zha ne nacgrë to ni grëraa samiech to, zigne rleynie no to.

2 TESALONICENSES 1:3

Bets, bzian, ible rieguiaḻa gdeed no xquizh lo Dios ne squitaa noneedz me guieḻbiini lo to; sac goṉ zigse zie dze dib zdooraa to rliladz to Xtiidz me, ni rleynieraa to samiech to.

1 TIMOTEO 1:5

Laa naa rso diidz rii lo luu, sac racladz naa guiaaṉmbe zdoo grëse miech qui, guiaaṉmbe xquieḻrien zho ni dib zdoo zho gliladz zho Dios; zeeṉa scagaa grieelo gleynie zho samiech zho.

1 PEDRO 1:22

Ni niina ne laa to mban zigne nac XTiidz Dios, miṉe nac diidzli, laa zdoo to biaaṉmbele lo doḻ; nasi zrieelo gleynie to zha ne nacgrë to. Dib zdoo to sca goḻleynie zho,

1 JUAN 4:16

Ndioṉ ne gaṉle nli rleyniedox Dios ne, sac rieṉpaa ne rleynie me ne, ni rliladz ne zeeṉe rnee me pa lotaa rleynie me ne. Ible niaa me par gleynie me, me rdeed guieḻbiini lo miech gleynie zho samiech zho, zigne rleynie me zho; gacxe waa, zha ne rleynie samiech, ga rlu nacnie zho Dios, ni scagaa me nacnie me zho.