EFESIOS 2:3 - Zapotec Mixtepec: Diidz ne rdeed guielmban

³ Grëse ne sca wban ne glo, bionaḻ ne ncuaaṉe ndzinlid ne bzoobladztaa ne, bdziuuṉ ne ncuaaṉe bdeedtaa guxt xcuerp ngoopdoḻ ne, ncuaaṉe biaabtaa guic ne. Ni ne scataa nac ne, ib bioguiaḻ ngaa ne lo guieḻnëdox ne cxeeḻ Dios, lo guieḻnë ne noxtseeb grëraa miech niina.

EFESIOS 2:3 ပူးပေါင်းရင်းမြစ်များ

MARCOS 4:19

per rsilo zho leḻ grë ncuaaṉe no lo guidzliu rii mazdraa rionie guic zho, rquidie grë dimi zho, rzoobladz zho yquianie zho grëse ncuaaṉe racladz zho. Grë ncuaaṉ co rioxcoraa zho, laa ne tsonie Xtiidz Dios guic zho, miṉ co rquiaqui ib ruṉd zho miṉe rnabey me.

JUAN 1:13

¡Grëse zho, rrieequia gol zho stib! Per guiabd ne togo gol zho zigne ral grë miech guidzliu rii, sinque laa zho gol zigne racladz Dios; gane niina xpëëd me nac zho.

JUAN 8:44

Goḻgacnaṉ sca gaṉle, lëë pxoz to ga goṉ nac meṉdox, lo ma ngab to, gacxe waa rdziladz to ruṉ to grë ncuaaṉe ruṉ ma. Teḻ meṉdox, haxta zeeṉe biaaṉ guidzliu tibaque nonitlo ma miech, ni ib rneed ma miṉe nac diidzli, sac ib naṉd ma zha nac diidzli. Ible lëë xtsiiṉ ma ga nac guieḻwquidie, gacxe waa ma nac pxoz zha ne rquidie.

HECHOS 14:16

Niicle ne glo bdeed me diidz beeṉ miech grë ncuaaṉe gocladztaa zho,

ROMANOS 1:24

Miṉcocxe nagoṉ waa, rsaanladz Dios zho laa zho zienaḻ grë ncuaaṉe ndzinlid ne rzoobladztaa zho. Grë ncuaaṉe ntoladzdox ne ruṉ zho, lëëque zha ruṉnguzee zho rguitnie zho xcuerp zho.

ROMANOS 11:30

Glo to nac zha ne ib bind xtiidz Dios, laa niinagaa na zha Israel nëd gon xtiidz me. Per zigne rquia zdoo me to niina, scaquegaa zdziṉ dze ne yquia zdoo me zho.

ROMANOS 13:14

Goḻgotsaa gnab ne lo Jesús sca, zig zie dze lozh csaṉmbe me xquieḻrien ne, csaṉmbe me zdoo ne, gac ne zigne racladz me. Dziuuṉdraa ne grë ncuaaṉe ndzinlid ne racladz xcuerp ne.

ROMANOS 5:9

Gotsaa gwi ne gaṉle, zha nactaa guieḻnë ne bded Jesús psaṉmbe me ne lo xtoḻ ne, psaṉwen me ne lo Dios; ni scaque nagoṉ, ible me csilaa ne lo grëtaa guieḻnëdox ne csiaab Dios ygaa grë miech ntseeb. Ne nligaa, csaand me dziaṉ ne guieḻnë co; sac goṉ, teḻ scataa miṉe beeṉ me por ne zeeṉe nac ne tib miech ngoopdoḻ, zeeṉe scataa ntseeb goc ne blëënie ne Dios, ¿pe leḻ na dzigo ne laa ne biaaṉwenle lo Dios, laa ne biaaṉle zig tib zha ne peet xtoḻd?

ROMANOS 6:12

Nana sca, gdeetraa to diidz gnabey doḻ xcuerp beṉ to i, tso to guṉ to grë ncuaaṉe ndzinlid ne racladz xcuerp to.

ROMANOS 7:18

Rieṉ naa miech ngoopdoḻ nac naa, ni palal ncuaaṉe ndzinli gacd guṉ naa; niicle ne racladz naa gac-wen naa, per rrieeloda.

ROMANOS 9:22

Scaquegaa nagoṉ rzac Dios miech. Grë zha ne psaṉle me nitlo, ible rap me derech csiaabzhian me zho, glu me poder ne rap me; per laa me bii quiayap zho paciens nieeda gdziṉ dze co.

1 CORINTIOS 4:7

Stiba, ¿cho nadieṉ në lo to ne guṉnon to to? Grë ncuaaṉe rap to, grë ncuaaṉe rac to, ¿niacxe led Diosd bneedza lo to? Dios name bneedza lo to, ¿pe nac dzigo no to rlozhd gacniats to zig nac zeeṉe por xquieḻliger to bgaa tow?

2 CORINTIOS 7:1

Bets, bzian, gotsaa gwi ne gaṉle zha nactaa ncuaaṉe psaṉ Dios diidz ygaa ne. Gacxe waa, goḻgotsaa lozh griee ne lo grë zhgab yozh, lo grë ncuaaṉe ndzinlid ne ruṉctal xtoḻ ne. None zigse zie dze dzioxcoraa ne gban ne zigne rdziladz me.

EFESIOS 2:2

laa to güeynaḻ niapse grë ncuaaṉe ndzinlid ne rac lo guidzliu rii, beeṉ to grë miṉe rnabey ma ne rnabey lo meṉdox, ma ne rcheep grë zha ne ib nëd gon xtiidz Dios.

EFESIOS 4:22

Miech yozh ne goc to glo, grëtaa ncuaaṉe ndzinlid, grëtaa guieḻyozh ne gocladztaa xcuerp to beeṉ to, ¡goḻsaana!

COLOSENSES 1:21

Zig nac to, glo zit zo to lo Dios, rrieequia rlëënie to me, sac niapse grë ncuaaṉe ndzinlid güeynie guic to beeṉ to;

1 TESALONICENSES 4:13

Bets, bzian, nu na gaṉle laa naa gzodiidz lo to zha gac grë zha ne ret, zha ne ngable lo Dios; zeeṉa tsode to guieḻnë zig rzac grë miech ne gard guieṉ gnalo Jesús.

1 TESALONICENSES 5:6

gacxe nagoṉ waa, niini goḻso, tsienaḻde to miṉe ruṉ zha ne zienaḻ guieḻntseeb; sac nac grë zha co zig nac zha ne nixguies, tibaque guieel no zho.

1 TIMOTEO 6:9

Sac grë zha ne rzoobladz xeṉ nroob dimi, no zho rquiil meṉdox zho ruṉ zho ncuaaṉe ndzinlidraa par gdziniaa zho dimi co; rlozh ga rzhiṉ lo xquieḻmban zho, haxta rnitlo zho.

TITO 3:3

Sac goṉ haxta ne, ib peet rieṉd ne glo, ntseeb goc ne, bdiits ne grë miṉe rnabey Dios; laa ne ziole nëz ne nitlo ne hor co, masaque bgadoo ne lo grëtaa ncuaaṉe racladz xcuerp ne, lo grëtaa ncuaaṉe ndzinlid ne bley ne bdziuuṉ ne. Niapse guieḻntseeb bionaḻ ne, në rac zdoo ne rdziaṉ ne ncuaaṉe quianie, ncuaaṉe ruṉ stib miech; zigtaa row rzhiizh zdoo zho goṉ zho ne, scaque ne, zha ne rdziaṉtaa ne, row rzhiizh zdoo ne bdziaṉ ne zho.

1 PEDRO 1:14

Zig grë mëëd ne ron xtiidz pxoz, sca nguzobdiidz goḻgac lo Dios; guṉdraa to grë ncuaaṉ ndzinlid ne beeṉ to zeeṉe gard guṉbey to me ga.

2 PEDRO 2:14

Wnaa ne gaṉtaa zho, pe na gzoobladzd zho tsonie zho wnaa co, tibaque quiayuṉctal zho xtoḻ zho. Rio zho rquiil zho grë zha ne gard sodziits lo Xtiidz Dios; rieṉle zho zha gla zho ncuaaṉe rquiin lo zho. Miech ndziibdeele nac zho,

2 PEDRO 2:18

Niats rzë xtiidz zho, per ncuaaṉe paat rquiind rnee zho. Miṉe mazdraa mban ruṉ zho, rio zho lëëque lo grë guieḻyozh ne rdeed guxt xcuerp zho rquiil zho grë zha ne pense briee lo doḻ, rlozh ga rbiire riab zha co lo grë doḻ co stib.

1 JUAN 2:16

sac grëse ncuaaṉe rac lo guidzliu rii (zig nac zha ne zienaḻ ncuaaṉe gdeedguxt xcuerp, zha ne rzoobladz yquianie ncuaaṉe rdziladztaa, zha ne racniats lo samiech), grëse ncuaaṉ co led Diosd rnabeya, sinque lëë miṉe rzonaḻ grëraa miech lo guidzliu ga.

1 JUAN 2:8

per rrieequia ncuba niina; sac goṉ zeeṉe biaad Jesús, me blu gaṉle zha none gleynie ne samiech ne. Ni scagaa niina ne laa to zienaḻa, laa to noriee lo guieḻcow ne no to glo, laa to nozëëb nëz lo xbiini Dios.