EFESIOS 2:19 - Zapotec Mixtepec: Diidz ne rdeed guielmban

¹⁹ Gacxe waa, teḻ to nacdraa to meṉzit niina, lole Dios ngab to, lal non to, lal nac to grë to grëraa zha ne ngab lo me.

EFESIOS 2:19 ပူးပေါင်းရင်းမြစ်များ

MATEO 10:25

Teḻ zha guṉ miech maistr, scaque guṉ zho mëëdscuel; teḻ pe cteed zho bizhuan dziin, miṉcoque cteed zho zha ne quia dziin. Gacxe waa peet tsienied guic to, teḻ pe nactaa ncuaaṉe gnee miech to, sac goṉ niicxe naa name ne nac naa Dad, meṉdox rnee zho nac naa.

GALATAS 6:10

Zeeṉe gdeedtaaw diidz sca, goḻgotsaa dzioxco ne dziuuṉ ne xyudar grëse samiech ne, ni nana zeeṉe zha ne noque xnëz Dios nac zho, mazdraa rieguiaḻ dziuuṉ ne xyudar zho.

EFESIOS 2:12

Leṉ dze co gard ygab to lo Jesús, gard gac to tipse grë to zha Israel, led yede to no lo trat ne biaaṉ Dios grë me zha Israel, naṉde to grë diidz ne psaṉ me lo zho. Lega laa to mbanse, ruṉbeyde to Dios, ni tib guieḻnzaac quiambëzde to ygaa to.

EFESIOS 3:6

Ni znu naca: grëse zha zit, zgaa zho guieḻnzaac ne rëb Dios gdeed me lo grë zha ne ngab lo me, tibaque nac guieḻnzaac ne ygaa zho grë zho zha Israel. Niicle zha Israela, niicle zha zita, laa Dios quiambëz gdeed me guieḻnzaac co lo zho, totsaque gliladz zho Xtiidz Ndzon Jesús.

FILIPENSES 3:20

Saṉgue ne, laa ne zionaḻ ncuaaṉe ygaa ne gbaa, sac gbaa nac zaatne ngab ne, ni laa ne quiambiaaz guiet Jesús gbaa guiaad me stib (me nac meṉ ne psilaa miech lo doḻ, me nac meṉ ndzon ne rnabey);

HEBREOS 11:13

Gza zha ne blozh goquiet nu, gardaque ygaa zho grë miṉe bnee Dios gdeed me lo zho, laa zho gut; zeeṉe bii zomban zho lo guidzliu rii, dib zdoo zho bnalo zho me gane bliladz zho ne ible zgaa zhow, rzac zho zig nac zeeṉe raṉle zhow. Bieṉ zho ne tib ziaadtedse zho lo guidzliu rii, nacse zho zig tib meṉzit.

HEBREOS 13:14

Beṉque ndioṉ ne gaṉle, nacd lo guidzliu rii zaatne gbiaazpaa ne, sinque laa ne zionaḻ ygaa ne zaatne naraa gneedz Dios gbiaaz ne.

1 PEDRO 2:11

Bets, bzian, rleynie naa to. Ndioṉ ne gaṉle, nacse xquieḻmban ne lo guidzliu rii zig zha ne tibrded stib ladz beṉ; gane rso naa diidz lo to, ib gzoobladzde to guṉ to grë ncuaaṉe ndzinlid ne racladz xcuerp to; sac miṉ co rsacsi xalm miech.

1 JUAN 3:1

Goḻwi gaṉle pa lotaa rleynie Dios ne, laa me rneedz diidz laa ne gac mëëd lo me. ¡Ni nligaa teḻ ne, xpëëdle me nac ne! Grëraa miech rliladzd zhow, sacne ruṉbeyd zho cho nac me.