EFESIOS 1:4 - Zapotec Mixtepec: Diidz ne rdeed guielmban

⁴ Haxta zeeṉe gard cue guidzliu, bzooblo Dios ne gac ne zha ne gdziṉ lo me zeeṉe laa ne gliladz Jesús, gac ne tib miech peet xtoḻd, zha ne gban zigne racladz me.

EFESIOS 1:4 ပူးပေါင်းရင်းမြစ်များ

MATEO 24:22

Teḻne csaan Dios nroob dze gac guieḻnë co, ni stib miech rii guiaaṉdraa; per na por grë zha ne bzooblo me sëëb xnëz me, gdeete me diidz gaca nroob dze.

MATEO 24:24

Sac zrieequia zha ne yquidie guiab zho zha nac meṉ co, zrieequia zha ne guiab xtiidz Dios ziadteed zho lo miech, zuṉ zho grë milagr nroob, parne yquidie zho miech, haxta zha ne nole xnëz Dios, zguib zho dieṉ zha gdeeda diidz yquidie zho zho.

MATEO 24:31

Grë xanjl Dios, hor co laa Dios cxeeḻ zho tsiecuedz zho zhitrompet zho parne ycaalsa grëse zha ne ngab xnëz me, teḻ pa lotaa lo guidzliu no zho.

MATEO 25:34

’Lozhse ga, naa ne nac naa meṉ ne rnabey, hor co laa naa cuedz zha ne no xnëz naa, guiep naa lo zho: “Goḻtë grëse to, to ne nac to zha ne nziuu lo Pxoz naa. Goḻted zeeṉa ycaania to zaatne cuëz to, ible par to bzaa mew desde zeeṉe bzaa me guidzliu.

JUAN 10:16

’No spalal xpëcwxiil naa, ma ne ngabd leṉ corral rii; grëse ma co, ible zon ma tsi naa sac laa naa no gaxi ma, zeeṉa tipse gac ma grë ma yquianaap naa ma.

JUAN 15:16

Goḻguieṉ gaṉle, led tod goṉ bzooblo naa, sinque, ¡naa bzooblo to! Ni laa naa bzooblo to zeeṉa guṉ to niapse ncuaaṉe rdziladz Dios; dzigosi ncuaaṉe gnabtaa to lo Pxoz naa, ne nac to zha ne no xnëz naa, zneedz mew.

JUAN 17:24

Papá, grëse zha ne bneedz luu lo naa nu, racladz naa ye zho guiaad zaatne glanso naa i, zeeṉa gaṉ zho lo grëtaa guieḻndzon ne no naa. Lo guieḻndzon ne bneedz luu lo naa, sac rleynietaque luu naa haxta zeeṉe gard tsaa guidzliu.

HECHOS 13:48

Grë zha ne nac zhazit, zeeṉe bin zho sca rëb Pabl, per nli rley zho, rdeed zho xquizh lo Dios scataa ndzon nac Xtiidz me. Grëse zha ne nole ygaa guieḻmban ndzon ne gdeed Dios ga, grëse zho dze cogazh laa zho bliladz Jesús.

HECHOS 15:18

Znu nac xtiidz Dios, ni padzeelale bzeet me ne laa me guṉ miṉ co.

HECHOS 18:10

Peet tsienied guic luu, choot grieelod lega pe guṉ luu sac naa quianaap luu.

ROMANOS 8:33

Ible Dios bzooblo ne, gacxe waa, ¡choot rieguiaḻd glisqui gnë lëda nodziuuṉ ne! Sac goṉ, Dioszhal psaṉmbe ne lo doḻ.

1 CORINTIOS 1:8

Ni Dios nac meṉ ne gacnieṉ to tiblique gac to lo Xtiidz Jesús, zeeṉa ni tib falt rapde to gaḻ dze co.

GALATAS 5:13

Bets, goḻguieṉ gaṉle ne ygadoodraaxe to lo ley waa, miṉ co nacne biaadsilaa Jesús to. Per guiabde to togo ne laa me psilaale to, laa to guṉ ncuaaṉe guiaabtaa guic to. Guṉscade to, sinque tib tib to goḻleynie samiech to, iṉe goḻguṉ ncuaaṉe rquiin grë zha ne nacgrë to;

GALATAS 5:22

Saṉgue zha ne zienaḻ miṉe racladz Espíritu Sant, znu nac zha co: rleynie zho samiech zho, tibaque nguieeḻ rac zho, peet dzeb nonied guic zho, rxecw zho, rieedniobd zho, niowse rnee zho lo samiech zho, niapse ncuaaṉ wen ruṉ zho lo samiech zho, ruṉ zho miṉe rnee zho guṉ zho,

GALATAS 5:6

Sac zha ne nli nole xnëz Jesús, peet liaadz nodraa zho bey ne rio zha Israel. Miṉe noxcoraa zho nac ne dib zdoo zho gliladz zho Jesús, ni scagaa grieelo gleynie zho samiech zho.

EFESIOS 2:10

Dios nac meṉ ne psaṉ ne, ni niina ne laa ne bziaab xnëz Jesús, laa me bredz ne dziuuṉ ne grë guieḻwen ne racladz me, miṉe bzooblole me ne dziuuṉ ne.

EFESIOS 3:17

Ni rnab naa lo me tibaque dib zdoo to gliladz to Jesús, zeeṉa scagaa tibaque gbannie to me, parne guieṉ to gaṉle pa lotaa nquialadz me to.

EFESIOS 4:2

Goḻgac tib miech ndooladz, tib miech wen, tib miech nlëëguicd, tib miech ne guieednied samiech sinque iṉe gleynie to zho.

EFESIOS 5:2

Zaacse goḻban, goḻleynie samiech to zigne rleynie Jesús to, sac goṉ teḻ me, haxta bleeladz me me gut me xcuent ne, gut me biogon me lo Dios psaṉmbe me ne lo xtoḻ ne, me goc tib gon ne pcaania Dios.

EFESIOS 5:27

zeeṉa gaḻ dze ne laa me ycaania zho, laa zho nacle miech ne rieguiaḻ gdziṉ lo guieḻndzon ne no me, ni tib doḻ rapdraa zho, miech mbele nac zho, zig tib lë lar nquitsbie ne ni tib pxud neyd.

FILIPENSES 2:15

zeeṉa tsod pe nacne cho glisqui guiab zho laa to pe falt, pe doḻ ne quiayuṉ. Goḻlu gaṉle nli xpëëdle Dios nac to; zaacse goḻban, niicle ne ladaque grë miech ntseeb, miech ncow ne ndxie lo guidzliu rii no to. Goḻgac zig tib biini lo zho, zigne rziini mel gbaa lo ncow ne nac guieel.

COLOSENSES 1:22

saṉgue niina laa Jesús psaṉwenle to lo me, zeeṉe sca goc me miech pquiaa zho me lo cruz. Ni laa me psaṉwen to, zeeṉa iṉe mbele to, ni tib doḻ rapdraa to gdziṉ to zaatne no me.

COLOSENSES 2:2

Rnab naa lo Dios ib guiaaṉd zdoo to, tipse gac to iṉe gleynie to grë zha ne nacgrë to, lozhraa tsaa biini xquieḻrien to guieṉ to gaṉle zhapaa nac Jesús, sac goṉ naraa bdeed Dios diidz guṉbey miech me.

COLOSENSES 3:12

Goḻgaṉ gaṉle, zha nquialadztaa Dios to, ib laa me ble to gac to miech ne ygab xnëz me. Zaacse sca goḻban, ne nlipaa dib zdoo to: goḻquia zdoo samiech to, niowse goḻgac lo samiech to, ndooladz goḻgac lo samiech to, nguudzladz goḻgac lo samiech to, guieedniede to samiech to.

1 TESALONICENSES 3:12

Jesús gacnieṉ to tsaaraa to biini, zeeṉa gleynieraa to grë zha ne nacgrë to ni grëraa samiech to, zigne rleynie no to.

1 TESALONICENSES 4:7

Goḻguieṉ gaṉle, bredzdaxe Dios ne waa parne dziuuṉ ne grë guieḻyozh, sinque laa me bredz ne gban ne zigne racladz me.

2 TIMOTEO 1:9

Gotsaa gwi ne gaṉle laa me psilaa ne lo grëtaa xtoḻ ne, ni bredz me ne gban ne zigne racladz me. Ni nacda por pe guieḻwen ne bdziuuṉ ne, sac haxta zeeṉe gard cue guidzliu, laa me psaṉ diidz ne laa me glu gaṉle pa lotaa rleynie me ne.

2 TIMOTEO 2:10

Laa naa quiaxecw miṉe quiadeedtaa naa, zeeṉa grëse zha ne bzooblole Dios gliladz Jesús, grieelo yquiaadiag zho zha laa zho lo doḻ, ni zha ygaa zho tib guieḻmban ndzon ne gdziṉd dze lozh.

2 TIMOTEO 2:19

Saṉgue zha ne nlipaa no xnëz Dios, tsod pe nacne griee zho xnëz me sac lole me ngab zho; zigne zhobneeque lo Xtiidz me zaatne rnee: “Ruṉbey Dios cho nac zha ne nlipaa no xnëz me”; ni rneequew: “Grë zha ne nlipaa ngab xnëz Jesús, none csaan zho grëse guieḻntseeb.”

SANTIAGO 2:5

Lëda ga goṉ bets, lëda ga goṉ bzian. Goḻgacnaṉ gaṉle, ible Dios ble miech ne peet rapd lo guidzliu rii, zeeṉa dib zdoo zho gnalo zho me, zeeṉa ygaa zho zaatne bneele me gdeed me cuëz zha ne noxco rleynie me. Gotsaa gwi ne sca gaṉle, zha ricw nac zho nëz lo Dios;

1 PEDRO 1:2

Dios meṉ ne nac Pxoz ne, ible me bzooblo to mazd padzeela, sac naṉle me laa to gac xpëëd me. Bdziṉ dze, zeeṉe laa me pxeeḻ Espíritu Sant bleextso to laa to ngab xnëz me, zeeṉa gban to zigne rnabey me, ni lozh csaṉmbe Jesús to; sac ible miṉ co nacne bzhiee xchen me. Dios glu gaṉle pa lotaa noxco me to, zeeṉa peet zhgab ctsebde to.

1 PEDRO 1:20

Padzeelale, haxta zeeṉe gard cue guidzliu bzo Dios me gac me gon co, ni nligaa zeeṉe laa dze co bdziṉ laa me biaad, biaadsaṉwen me to lo Dios; laa Dios beeṉ miṉ co sacne rleynie me to.

1 PEDRO 2:9

Saṉgue to, lo Diosle ngab to, me ble to, zigne rnee lo Xtiidz me: tole nac zhipxoz me, tole nac zha non ne quiayuṉ xtsiiṉ me; miech ne mbele lo doḻ nac to lo me, mele rnabey to sac me bredz to laa to briee lo guieḻcow bzëëb to lo xbiini ndzon me; zeeṉa gnee to lo miech gaṉle zha nactaa grë ncuaaṉe ruṉ me.

2 PEDRO 3:14

Bets, bzian, nligaa goḻtsoxco ndzinli goḻban, guṉctalde to xtoḻ to; niowse goḻbannie samiech to, zeeṉa gaḻ dze ne laa Jesús guiaad, iṉe gleynie me to gaṉ me mban to zigne racladz me.

1 JUAN 4:16

Ndioṉ ne gaṉle nli rleyniedox Dios ne, sac rieṉpaa ne rleynie me ne, ni rliladz ne zeeṉe rnee me pa lotaa rleynie me ne. Ible niaa me par gleynie me, me rdeed guieḻbiini lo miech gleynie zho samiech zho, zigne rleynie me zho; gacxe waa, zha ne rleynie samiech, ga rlu nacnie zho Dios, ni scagaa me nacnie me zho.

APOCALIPSIS 13:8

Laa grëraa miech, güey zho güeygaṉ zho ma, lëë grë zha co quiad lë lo xlibr meṉ ne nac Carner yeeṉ ne gut ga. Haxta zeeṉe biaa guidzliu no libr co, lo co quia lë grëse zha ne ygaa guieḻmban ne gdziṉd dze lozh.

APOCALIPSIS 17:8

Padzeela no ma ntseeb co, guieṉd ma niinapaa, per zhile laa ma griee leṉ guierdoo ne nioogyu ma, laa ma griee ga parne diunavez nitlo ma; grë zha ne quiad lë lo libr ne zhobnee cho nac zha ne ygaa guieḻmban ga, seedox zdoo zho zeeṉe gaṉ zho laa ma grieequia stib, sac tibaque naṉ zho gutle ma.