APOCALIPSIS 4:1 - Zapotec Mixtepec: Diidz ne rdeed guielmban

¹ Zeeṉe bui naa stib, goṉ naa laa tib puert quia zhan gbaa, nzhialse puert co. Horco biire bin naa tsi meṉ ne bnee lo naa ga glo, meṉ ne nac tsi ga zig tsi tib trompet, në me: ―Biep, dë nu gaṉle, zeeṉa glu naa lo luu zha nac grë ncuaaṉe ziaadyob gac.

APOCALIPSIS 4:1 ပူးပေါင်းရင်းမြစ်များ

MATEO 3:16

Laa me zieriee lo nis zeeṉe laa zhan gbaa bzhial, goṉpaa me zig rlu tib palom rlu Espíritu Sant laa me ziad-zëëb bdziṉ me guic me,

MARCOS 1:10

Laa me norieedze lo nis, zeeṉe goṉ me laa zhan gbaa bzhial, laa meṉ ne nac Espíritu Sant biet gbaa zig tib palom laa me ziad-zëëb guic me.

LUCAS 3:21

Leṉ dze ne nochoobnis Juan miech ga, tib dzew laa Jesús bdziṉ lo Juan ga, ye me bnab cchoobnis Juan me. Blozhse brobnis me, laa me quiazodiidznie Dios, tibaque zeeṉe bzhial zhan gbaa,

JUAN 16:13

Zeeṉe guiaad Espíritu Sant, me gneedz guieḻbiini lo to guieṉ to grëraa ncuaaṉe no gacnaṉ to, ni grëgaa ncuaaṉe naraa gac. Niapse diidzli gnee me, sac led guicd me guiab grë miṉe gnee me, sinque miṉe nac xtiidz Pxoz naa, miṉ co gnee me.

HECHOS 10:11

Dios nozodiidznie me, tibaque zeeṉe goṉ me laa ti lar nroob ziad-zëëb zhan gbaa, nzhidoo gzatap nëza laaw bdziṉ lo me.

HECHOS 7:56

Dzigo bnee me, rëb me: ―Raṉpaa naa niina goṉ nzhialse gbaa, laa meṉ ne pxeeḻ Dios biaad lo guidzliu ga, laa me zo cue Dios.

APOCALIPSIS 1:10

Tib dze, lëëtaque nacnie Espíritu Sant naa nozodiidznie naa Dios, tibaque zeeṉe nguiedz zëëb tib tsi meṉ co, pale tsi tib trompet;

APOCALIPSIS 1:12

Ptsire lo naa ni naa gwi naa dieṉ cho ga sca rnee lo naa. Zeeṉe bui naa, goṉ naa gadz candeler niaa niapse guiib or.

APOCALIPSIS 1:19

Grëse ncuaaṉe noyaṉ luu nu niina, pquiaaw lo guits grësew, niicle miṉe noyaclew, miṉe naragaa gaca.

APOCALIPSIS 11:12

Horco nguiedz zëëb tib tsi meṉ co gbaa, bredz me grop zha co. Goṉlo grë miech ne rlëë raṉ zho ga, masaque no zho tib lo xcow, laa zho bzoquia gbaa;

APOCALIPSIS 11:19

Loxaque blozh sca bnee gza meṉgol co, zeeṉe laa yadoo ne no Dios gbaa bzhial, nieeṉpaa guiṉ ne notsow quie lag ne pquia diidz ne psaṉ me lo miech. Horco psilo bliaaḻ tib guiequiedox, loxaque nëzrii nëzrec riab belye, ni rio bi ratsie nguzi; guiequiedox co noliaaḻ, zeeṉe laa tib zhodox bnique.

APOCALIPSIS 16:17

Horco güey anjl ne nac zho gadz ga güeylaat me xcop me lo me ne rriee lo guidzliu; dzigo bnee tib meṉ co zaatne nac lo zhixcan Dios leṉ yadoo gbaa ga, nguiedz zëëb tsi me rnee me: ―¡Nasi nagoṉ ledaaw blozh bza!

APOCALIPSIS 19:11

Dzigo hor co goṉ naa bzhial zhan gbaa, ga brieequia tib meṉ co zob me lad tib guay nquits, zëëb diidz niapse diidzli rnee me, sac ruṉ me guieḻwxtis zigne no gaca, ni rdiḻnie me zha ne rieguiaḻ tiḻnie me.

APOCALIPSIS 22:6

Dzigo nëchaa anjl co lo naa: ―Grëse ncuaaṉe quiayaṉ luu nu, ible ncuaaṉe no gaca. Bui gaṉle Dios meṉ ne rdeed guieḻbiini lo grë zha ne rieteed xtiidz me lo miech, rnee zho ncuaaṉe naraa gac, mezhal pxeeḻ xanjl me ziadnee lo luu, zeeṉa gacnaṉ grëse zha ne ngab lo me ziaadyoble gac grë ncuaaṉ rii.