APOCALIPSIS 22:6 - Zapotec Mixtepec: Diidz ne rdeed guielmban

⁶ Dzigo nëchaa anjl co lo naa: ―Grëse ncuaaṉe quiayaṉ luu nu, ible ncuaaṉe no gaca. Bui gaṉle Dios meṉ ne rdeed guieḻbiini lo grë zha ne rieteed xtiidz me lo miech, rnee zho ncuaaṉe naraa gac, mezhal pxeeḻ xanjl me ziadnee lo luu, zeeṉa gacnaṉ grëse zha ne ngab lo me ziaadyoble gac grë ncuaaṉ rii.

APOCALIPSIS 22:6 ပူးပေါင်းရင်းမြစ်များ

MATEO 13:41

sxeḻ naa grë xanjl naa tsie zho tsiebee zho grë zha ntseeb, zha ne sca ruṉctal xtoḻ grëraa miech, lad zha ne no xnëz naa.

LUCAS 1:70

Padzeelale bzeet me cxeeḻ me meṉ co, grë zha ne biaad pteed xtiidz me, bzeet zhow.

LUCAS 16:16

’Leṉ dze ne gard guiaad Juan Bautist, niapse xley Moisés ni grë miṉe bnee zha ne biadteed xtiidz Dios, miṉ co nac miṉe güeynaḻ to. Per zeeṉe psilo Juan pseed me miech, desde hor co laa miech quiayacnaṉ stib mod ne grieelo ygaa zho zaatne rnabey Dios; gane na nzian zha ne noxco ygaa lugar co.

HECHOS 12:11

Dzigoraa bieṉ Pedr led nonixquieeḻd Pedr, nli Dios pxeeḻ xanjl me güeysilaa Pedr ladznia Herod, zeeṉa gleyd zha Israel niaṉ zho grë guieḻnë ne nded Pedr.

HECHOS 3:18

Laa Dios bneedz diidz beeṉ to grë guieḻntseeb co, sac sca goc grëse miṉe bzeet grë zha ne biadteed xtiidz Dios padzeela, zeeṉe bzeet zho zha nac grë guieḻnë ne ted Jesús, Meṉ ne nacle diidz cxeeḻ Dios guiaad lo guidzliu.

ROMANOS 1:2

Padzeelale bnee Dios ne laa me cxeeḻ Diidz Ndzon rii lo ne, lëëw ga bzeet grë zha ne biaad padzeela biadteed xtiidz me lo miech, lëëw ga raquiet lo guits ne zhobnee Xtiidz me.

1 CORINTIOS 14:32

Zha ne sca rteed xtiidz Dios, none cseed zho gnabey zho zho, cuëz zho nieeda gdziṉ hor ne gnee zho.

1 CORINTIOS 7:29

Miṉe none guieṉ to: zhisle nac dze ne so ne lo guidzliu rii, led nroob nac ngbidz ne grieelo dziuuṉ ne xtsiiṉ Dios; gacxe waa, zha ne nole tsieel, mazd sac zho zho zig tib zha ne guieṉd tsieel.

2 TESALONICENSES 1:7

To ne nac to zha ne quiaded grë guieḻnë qui, goḻgona gaṉle, gaḻ dze ne guiet Jesús gbaa guiaad me stib, ible zgaa ne descans ne gneedz me. Gaḻ dze co, laa me guietnie grë xanjl me, zha ne rapraa poder;

HEBREOS 12:9

Goḻsoladz gaṉle, zeeṉe rac ne mëëdlas rlisqui pxoz ne zeeṉe rdziuuṉ ne ncuaaṉe nonguieḻd; scagaa ne, rieṉ ne ne me rnabey lo ne. Nana, ¿pe leḻ Pxoz ne dzigo meṉ ne zob gbaa gnabeyd me ne? Ni none goṉ dzion ne xtiidz me, zeeṉa ygaa ne guieḻmban.

2 PEDRO 1:21

sac goṉ teḻ zha co, bneed zho ncuaaṉe biaabtaa guic zho; sinque laa zho bnee miṉe bnabey Dios psiaab Espíritu Sant guic zho.

2 PEDRO 3:2

Goḻsoladz gaṉle, zha nac grëse miṉe bnee grë zha ne biadteed xtiidz Dios padzeela; goḻsoladz zha nac grë miṉe rnabey Jesús, miṉe biadseed no to. (Jesús, meṉ ndzon ne rnabey ne, meṉ ne psilaa ne lo grëtaa xtoḻ ne.)

APOCALIPSIS 1:1

Nu raquiet grë ncuaaṉe ziaadyoble gac. Dios bnabey Jesús glu mew lo grë zha ne no xnëz me. Nacne pxeeḻ Jesús tib xanjl me biaad biaadluw lo nguṉdziin win ne nac naa nu, parne sca gacnaṉ zhow.

APOCALIPSIS 18:20

’Sca nagoṉ nitlo guiedz co. Grëse to ne nac to zha ne no gbaa, grëse to ne nac to zha ne ngab lo naa, grëse to ne nac to zha ne pxeḻ naa güeynee xtidz naa, zha ne güeyteed xtidz naa, zeeṉe gaṉ to laa guiedz co nonitlo, goḻley, sac goṉ ga guṉquizh Dios miech ne no ga grëtaa miṉe beeṉ zho to.

APOCALIPSIS 19:9

Dzigo rneechaa anjl ne sca broṉ quie co lo nis: ―Wen zie grë zha ne bredz Dios tsie lo xquieḻtsieel meṉ ne nac Carner yeeṉ co. Bnabey me naa pquia naa diidz co, blozhse ga, nëchaa me lo naa: ―Xtiidz Dios ga goṉ, me rneew.

APOCALIPSIS 21:5

Zëëb tsi meṉ ne zob lo xcan co, rnee me: ―Grëse ncuaaṉe no niina ncuble naca, ni naa beeṉncuba. Blozh ga, nëchaa me lo naa: ―Grëse diidz ne gni naa lo luu nu niina goṉ, pquiaaw, ib none gacnaṉ miecha, sac ncuaaṉe no gaca.

APOCALIPSIS 21:9

Lo gza gadz anjl ne bzheṉ cop ne bio grë guieḻnë ne goṉ miech ga, biaadgax tib me lo naa në me: ―Dë gaṉle zeeṉa gaṉ luu ndzoop nguieg ne gac tsieel meṉ ne nac Xcarner yeeṉ Dios i.

APOCALIPSIS 22:1

Blozh ga, blu anjl co tib guiubee lo naa, në me zha ne guie nis co, zgaa zho guieḻmban; mbe roḻ rnaw, haxta rbebel low. Merse zhan xcan ne zob Dios ni zhan xcan ne zob meṉ ne nac Carner yeeṉ co, ga rriee guiubee co,

APOCALIPSIS 22:16

Naa goṉ nac Jesús, naa pxeḻ xanjl naa ziaadlu grë ncuaaṉ rii lo luu, zeeṉa grëse zha ne no xnëz naa gacnaṉa. Naa ga brieequia lo xtii rey David, per naa psaṉ grëse xmeṉgol me. Rrieequia naa nac mel ngol ne rziini raḻ sil.

APOCALIPSIS 22:7

Ible nacle xtiidz meṉ ne rnabey ne, zhile laa me guiaad. ¡Dichos grë zha ne gliladz grë miṉe noxobneṉ Dios nu!

APOCALIPSIS 4:1

Zeeṉe bui naa stib, goṉ naa laa tib puert quia zhan gbaa, nzhialse puert co. Horco biire bin naa tsi meṉ ne bnee lo naa ga glo, meṉ ne nac tsi ga zig tsi tib trompet, në me: ―Biep, dë nu gaṉle, zeeṉa glu naa lo luu zha nac grë ncuaaṉe ziaadyob gac.