APOCALIPSIS 18:8 - Zapotec Mixtepec: Diidz ne rdeed guielmban

⁸ ’Nli squitaa niats raca, per zeeṉe guiaba ladznia guieḻgut, ladznia gbin, ladznia grëraa guieḻnë ne gaṉa, tib dzeque lozha. Ni lozh ga, haxta zeca lo gui; miṉ co gnabey Dios teda. ¡Me nac meṉ ro ne guṉquizha grëtaa miṉe beeṉa!

APOCALIPSIS 18:8 ပူးပေါင်းရင်းမြစ်များ

1 CORINTIOS 10:22

¡Guṉscade to, guṉglëëde to Dios! ¡Goḻguieṉ gaṉle, lëbd ne dziaṉ ne xquieḻblëë me!

APOCALIPSIS 11:17

rnee zho: Xquizh xquieḻnzaac luu, sac nasi laa luu glu meṉ nroob nac luu, laa luu csilo gnabey. Luutaque nac meṉ ne mazdraa nroob.

APOCALIPSIS 17:16

Per zdziṉ dze lëëque ma ntseeb co, tiḻnie wnaa co, grë ma gza tsii zha ne rrieequia nac zhoz ma ga; zlëëniedox zho wnaa co, saṉwin zho me, haxta xab me cuee zho, znitlo zho me, sëëg zho me lo gui.

APOCALIPSIS 17:18

Laa wnaa co, rrieequia me nac guiedz ro ne rnabey lo grëse guiedz ne ndxie lo guidzliu.

APOCALIPSIS 18:19

Mban gac zho, zio zho xquieḻnëw, zoon zho, squiaadan zho redz, guiab zho: “¡Probsaxe guiedz ro qui squi znuse bnitlow! Lo grëtaa dimi ne pquianiew, blactaa beeṉricwa ne grë ne grëraa zha ne ruṉ dziin rii.”

APOCALIPSIS 19:3

Blozh ga, biire bin naa tsi zho, rnee zho: ¡Zha ndzontaa Dios! ¡Miṉ qui nagoṉ rieguiaḻa, gdziṉd dze ne lozh csow gox!