APOCALIPSIS 12:12 - Zapotec Mixtepec: Diidz ne rdeed guielmban

¹² ¡Gacxe waa tib guieḻbley nroob ne rac gbaa niina! ¡Grëse to ne nac to zha ne no gbaa, goḻley! ¡Per probsaxe grë zha ne no lo guidzliu, sac laa meṉdox co tsiesacsi zho! Ntseeb rac ma laa ma zie nëz co, rieṉ ma riaaṉdraa nroob dze ne sonlaa ma.

APOCALIPSIS 12:12 ပူးပေါင်းရင်းမြစ်များ

LUCAS 15:10

Zig rne naa ga, scadaa nagoṉ rzac grë xanjl Dios, tib guieḻbley nrooba lo zho zeeṉe raṉ zho laa tib zha ngoopdoḻ rsaan xquieḻntseeb, laa zho rbig lo Dios.

LUCAS 2:14

¡Haxta zaatne glaaraa gbaa, nozhoobneṉ gaṉle pa lotaa meṉ nroob nac Dios! ¡Nasi, grëse miech zrieelo guiaaṉwen zho lo me; zdoo me rala laa me nobedz zho!

HEBREOS 10:37

Goḻsoladz gaṉle, znu zhobnee lo Xtiidz me: Ible ile ziaad meṉ ne nacle diidz guiaad ga, led nroobdraaw, laa me glansole.

2 PEDRO 3:8

Zha ne rzac quiayaaṉladz Jesús diidz ne psaṉ me ga, per led quiayaaṉladzd mew; sinque laa me quiambëz tebaa grëse miech gac-wen lo me. Laa me racladz, grëse zho csaan xquieḻntseeb zho, zeeṉa ni tib zho nitlod. Bets, bzian, naṉle to gaṉle led yed me ngab xtse. Sac teḻ me, ncuaaṉe guṉ ne tib milraa iz, tib dzeque guṉ mew; nroob rzac ne tib mil iz, per par me rzacse mew, lal ne rzac ne tib dze.

APOCALIPSIS 10:6

bzeet me Dios (meṉ ne gdziṉd dze guet, meṉ ne bzaa gbaa, bzaa guidzliu, bzaa nisdoo, ni grëtaa ncuaaṉe no low), rëb me: ―Dios zobwi gaṉle, nasi goṉ laa dze co bdziṉ.

APOCALIPSIS 11:10

dipse lo guidzliu, masaque tib guieḻbleydoo ne bio miech gza dze co, goṉ zho laa grop zha co gut, sac nroob beṉneed zho miech. Lo guieḻbley co, haxta bioxco miech pe ncuaaṉe bgadlsa zho lo samiech zho.

APOCALIPSIS 11:14

Sca gaṉ miech stib guieḻnë co. Lëë bropa ga, per znusaque guiaad stiba.

APOCALIPSIS 12:9

Lëë ma ngol co ga nac meeḻ dox ne notaque padzeela, lëë meṉdox ga, lëë Satanás ga, ma ne scataa tibaque noquidie miech; hor co laa zho bzonëz ma nëz lo guidzliu, grë xanjl dox ma.

APOCALIPSIS 13:6

Nacne psilo ma rneenë ma Dios, rdzibdee ma me, rdzibdee ma grë zha no gbaa ne.

APOCALIPSIS 18:20

’Sca nagoṉ nitlo guiedz co. Grëse to ne nac to zha ne no gbaa, grëse to ne nac to zha ne ngab lo naa, grëse to ne nac to zha ne pxeḻ naa güeynee xtidz naa, zha ne güeyteed xtidz naa, zeeṉe gaṉ to laa guiedz co nonitlo, goḻley, sac goṉ ga guṉquizh Dios miech ne no ga grëtaa miṉe beeṉ zho to.

APOCALIPSIS 8:13

Laa naa nowi, tibaque zeeṉe goṉ naa laa tib anjl bded groḻtaa zhan gbaa, haxta rlupaa rio bi zie me lo me, nguiedz zëëb tsi me rnee me: ―¡Probsaxe grë miech ne ndxie lo guidzliu! Sac ncuaaṉe ntseebraa gac, zeeṉe laa stsoṉ anjl qui ycuedz xquiib me.

APOCALIPSIS 9:12

Lëë tib guieḻnë ne gaṉ miech ga, per bii ziaad schopa.