APOCALIPSIS 12:10 - Zapotec Mixtepec: Diidz ne rdeed guielmban

¹⁰ Dzigo bin naa, nguiedz zëëb tib tsi meṉ co gbaa, rnee me: ¡Lëëw nagoṉ! ¡Nasi laa dze ne ycaaniapaa Dios zha ne ngab lo me, laa dze co bdziṉ! Nasi laa me blu poder ne rap me, nasi laa Meṉ ne pxeeḻ me lo guidzliu ga gnabey lo grëse zha ne ngab lo me. ¡Laa me beṉcxooṉle meṉdox! Ma ne scataa dze guieel nolisqui dieṉ pe ruṉ zho, nac zho zha ne nacgrë ne.

APOCALIPSIS 12:10 ပူးပေါင်းရင်းမြစ်များ

MATEO 26:64

Dzigo pquiab Jesús rëb me: ―Scaw goṉ, naa nac meṉ co. Naa ne nac naa Mgui ne pxeeḻ Dios, bii zaṉ to gaṉle zeeṉe laa naa zoob cue Dios nëz derech, ni zeeṉe laa naa guieet gbaa ziaḻzëëb naa lo xcow.

MATEO 28:18

Dzigo wbig me lo zho, rëb me: ―Laa to goṉle nasca naa rnabey. Grëse ncuaaṉe no gbaaw, nogaa guidzliuw, ladznia naa psaṉ Pxoz naaw.

MATEO 6:10

Luu nac meṉ ne gnabey no, miṉe gnabeytaa luu zigne raca gbaa, scaque none gaca lo guidzliu nu.

LUCAS 11:2

Dzigo rëbchaa Jesús: ―Zeeṉe gzodiidznie to Dios, goḻguiab: Dios, luu nac Pxoz no, zob luu gbaa; luuse nac meṉ ne mazdraa ndzon. Luu nac meṉ ne gnabey no, miṉe gnabeytaa luu, zigne raca gbaa, scaque none gaca lo guidzliu nu.

LUCAS 22:31

Horcoque bnee me lo Pedr rëb me: ―Bina gaṉle Pedr, racladz Satanás goṉ ycuiib ma to, zigne ruṉ zho zhobxtil.

1 CORINTIOS 5:4

Grë to ne nac to zha ne ngab lo Jesús, rnab naa lo to ycaalsa to zigne rnabey me. Ndioṉle ne gaṉle zeeṉe laa to ycaalsa, ga zo Jesús lo to, scagaa naa, goḻguṉ cuent lo to i zo naa.

2 CORINTIOS 12:9

bioṉtaa vuelt në me lo naa: “Bui gaṉle laa naa nacniele luu, ni miṉ co nac miṉe rquiinraa lo luu. Peet tsienied guic luu sca, zha ne squi nsis rac, ga rdeeda diidz rlu naa ne nli naa nacnie zho.” Miṉ co nagoṉ rley naa, sac ne znu nsis rac naa, grëse miech zeeṉe raṉ zho grëtaa ncuaaṉe rrieelo ruṉ naa, rieṉ zho nli Jesús nacnie naa.

TITO 2:3

Scaquegaa grë meṉ wnaa ne nac zhagol, bnee lo zho: gban zho zigne no gban zha ne nole xnëz Dios, gzhixcuaad zho diidzguizh, gzudzd zho. None zaacse gac zho,

1 PEDRO 5:8

¡Nsin goḻso lo meṉdox, sac goṉ tibaque quianaḻ ma gnitlo ma ne! Masaque rac ma zig rac grë meedz ne rgobeedz quiaguib ma ne gow.

APOCALIPSIS 11:15

Sac loxaque blozh ga, zeeṉe goṉ naa laa stib anjl ne nac zho gadz ga, pcuedzlaque xquiib; hor co nzian tsi meṉ co zëëb gbaa, nguiedz rnee me: Nasi nagoṉ, laa Dios gnabey grëse guiedz ne ndxie lo guidzliu, grop me Meṉ ne pxeeḻ me ga. Mele gnabeya, grëtaa leṉ izdoo ne ziaad.

APOCALIPSIS 2:26

Sac goṉ, grëse zha ne gdeete diidz lo grë ncuaaṉe guṉctal xtoḻ zho, sinque tibaque tsoxco zho gban zho zigne rnabey naa, haxta gdziṉ dze ne nitlo guidzliu, zded naa tib mel gbaa lo zho, mel ne rlan raḻ sil, ni so naa zho gnabey zho grë guiedz. Naa gded guieḻrnabey co lo zho, zigne bneedz Pxoz naaw lo naa; ni lalnu yquiad zdoo zho, grëse miech ntseeb, zuṉquizh zho zho grëtaa guieḻntseeb ne beeṉ zho.

APOCALIPSIS 7:10

nguiedz zëëb tsi zho, rnee zho: Dios, meṉ ne rdziuuṉbey ne, meṉ ne zob lo xcan ro qui, me nac meṉ ne psilaa ne lo grëtaa xtoḻ ne; me ni meṉ ne nac Carner yeeṉ qui.