APOCALIPSIS 11:15 - Zapotec Mixtepec: Diidz ne rdeed guielmban

¹⁵ Sac loxaque blozh ga, zeeṉe goṉ naa laa stib anjl ne nac zho gadz ga, pcuedzlaque xquiib; hor co nzian tsi meṉ co zëëb gbaa, nguiedz rnee me: Nasi nagoṉ, laa Dios gnabey grëse guiedz ne ndxie lo guidzliu, grop me Meṉ ne pxeeḻ me ga. Mele gnabeya, grëtaa leṉ izdoo ne ziaad.

APOCALIPSIS 11:15 ပူးပေါင်းရင်းမြစ်များ

MATEO 24:31

Grë xanjl Dios, hor co laa Dios cxeeḻ zho tsiecuedz zho zhitrompet zho parne ycaalsa grëse zha ne ngab xnëz me, teḻ pa lotaa lo guidzliu no zho.

MATEO 6:13

Gdeete luu diidz yquiil meṉdox no, beeṉ guieḻnzaac bla no lo ma. Luu nac meṉ ne rnabey, meṉ ne rap poder, meṉ ne mazdraa nroob. Miṉe rnab no nu, ndioṉpaa no zuṉ luuw.

LUCAS 1:33

Win gnabey lo grëse zha Israel, ni gdziṉd dze ne lozh xquieḻrnabey win.

LUCAS 15:10

Zig rne naa ga, scadaa nagoṉ rzac grë xanjl Dios, tib guieḻbley nrooba lo zho zeeṉe raṉ zho laa tib zha ngoopdoḻ rsaan xquieḻntseeb, laa zho rbig lo Dios.

LUCAS 15:6

Lëëlëd rzodiidz tow lo zha ne ndzieeldiidz to, lo zha ne no gax lidz to, sac rley to laa xpëcwxiil to brieequia.

HECHOS 4:26

Grëse zha non ne rnabey grë guiedz, tipse rac zho laa zho racntseeb lo Dios rlëënie zho me, ni rlëënie zho meṉ ne bzooblo me pxeeḻ me lo guidzliu.

HEBREOS 1:8

Saṉgue zaatne raquiet Xpëëd me, rneew: Dios, luu nac meṉ ne zobnabey, ni gdziṉd dze ne griee luu; zeeṉe ruṉ luu guieḻwxtis, zigne rieguiaḻa sca ruṉ luuw.

APOCALIPSIS 10:7

Grëse miṉe bnee me lo zha ne biadteed xtiidz me, laaw gac niina zeeṉe laa stib anjl qui ycuedz xquiib zho. Grëse miṉe no guic me guṉ me ni gocnaṉd miecha, niina laa zho gaṉa.

APOCALIPSIS 12:10

Dzigo bin naa, nguiedz zëëb tib tsi meṉ co gbaa, rnee me: ¡Lëëw nagoṉ! ¡Nasi laa dze ne ycaaniapaa Dios zha ne ngab lo me, laa dze co bdziṉ! Nasi laa me blu poder ne rap me, nasi laa Meṉ ne pxeeḻ me lo guidzliu ga gnabey lo grëse zha ne ngab lo me. ¡Laa me beṉcxooṉle meṉdox! Ma ne scataa dze guieel nolisqui dieṉ pe ruṉ zho, nac zho zha ne nacgrë ne.

APOCALIPSIS 15:4

¿Zha rna zha ne dieṉ gdzieebd luu? ¿Zha rna zha ne gleyd gooḻnie luu? Sac luuse nac meṉ mbe zdoo, meṉ ne ni tib doḻ rapd. Grëse guiedz ne ndxie lo guidzliu, zriee miech guiaad zho yquiitsgzhib zho lo luu; sac nasi laa luu blu zha ruṉ luu guieḻwxtis.

APOCALIPSIS 16:17

Horco güey anjl ne nac zho gadz ga güeylaat me xcop me lo me ne rriee lo guidzliu; dzigo bnee tib meṉ co zaatne nac lo zhixcan Dios leṉ yadoo gbaa ga, nguiedz zëëb tsi me rnee me: ―¡Nasi nagoṉ ledaaw blozh bza!

APOCALIPSIS 17:14

Zacnie zho ma, grëse zho tsie tsietiḻnie zho Xcarner yeeṉ Dios, per znuse guṉ meṉ ne nac Carner yeeṉ co gan lo zho; sac me nac meṉ ne rnabey lo grëse zha ne rnabey, lo grëse zha ne non. Grëse zha ne tsienaḻ zhits me, tsietiḻnie zho ma co, lëë grë zha co nac zha ne bzooblo Dios bredz me zho bgab zho xnëz me, ni ib psaand zho me.

APOCALIPSIS 19:1

Zeeṉe blozh ga, bin naa zëëb ndal tsi meṉ co nëz gbaa, rlu miech guizhiuw, nguiedz rnee zho: ¡Zha ndzontaa xDios ne! Me nac meṉ ne rsilaa miech, parne ygaad zho lo caxtigw. Me nac meṉ ne rap poder, me nac meṉ ne rieguiaḻ dziuuṉnon ne;

APOCALIPSIS 19:6

Dzigo wbiire bin naa tsi grë miech guizhiu co nëz gbaa, rio bi zëëb tsi zho, pale zeeṉe rio bi nisdoo, zeeṉe riogaa bi rnee grë nguzidox, rnee zho: ¡Goḻgotsaa dziooḻnie ne me! ¡Me nac xDios ne, me nac meṉ nroob ne rnabey!

APOCALIPSIS 20:4

Horco goṉ naa laa grë zha ne bzo Dios cobey pe nac xtoḻ tib tib miech, laa zho bzob lo xcan ne rieguiaḻ sob zho. Goṉaque naa xalm grë zha ne psacsi miech, bga zho yaṉ zho, beet zho zho loxaque ne no zho xnëz Jesús ni bnee zho xtiidz me lo miech; goṉ naa grë zha ne bzhiguieḻd nquiitsgzhib lo ma ngol ne brieequia lo nisdoo ga, bzhiguieḻd zho niuṉnon zho mdio ne rlu zig rlu ma, niicle bzhiguieḻd zho nio zho xbey ma. Goṉ naa brieeban zho grëse zho, par gbannie zho Jesús, gnabey me grë me zho dipse leṉ tib mil iz.

APOCALIPSIS 8:12

Zeeṉe laa stib anjl co pcuedz xquiib goc zho tap, hor co zigtaa lo ngbidza, zigtagaa lo mëëw, biuu tib niaza, schop niazaquew biaaṉ rziini; grë mel ne ndziib gbaa, gzoob ne lo tsoṉ lal ne nac ma, hor co biuu tib lal ma. Rlupaa lega net net rquiaa ngbidz; zaatne nacgaa guieel, ni palal peet rlud.

APOCALIPSIS 9:1

Zeeṉe laa anjl ne nac zho gaay ga pcuedz xquiib, hor co goṉ naa laa anjl ne briee gbaa padzeela ga pcaania tib liow, pxal zho ro tib guierdoo ro. Zeeṉe laa ro guieer co bzhial, per nli goxdoo ne briee ga, tib psioogsew zhan gbaa, per ni palal rludraa lo ngbidz.

APOCALIPSIS 9:13

Goṉ naa zeeṉe laa anjl ne nac zho xoop ga pcuedz xquiib, hor co bin naa zëëb tsi tib meṉ co lo mezh or ne nac lo pcoog ne zo lo Dios ga.