2 JUAN 1:7 - Zapotec Mixtepec: Diidz ne rdeed guielmban

⁷ Ndal zha ne quianzë lo guidzliu niina, noquidie zho miech, rnee zho nlid goc Jesús zig tib miech zeeṉe biaad me lo guidzliu. Nsin goḻso lo zho, sac goṉ notsidiḻ zho miṉe nac diidzli ga, rlëënie zho Jesús ga sca ruṉ zho.

2 JUAN 1:7 ပူးပေါင်းရင်းမြစ်များ

JUAN 1:14

Zeeṉe bdziṉ dze ne laa meṉ ne nac Diidz Ndzon ga goc miech biaad me lo guidzliu, grop lo no bdzioṉ no me, ni bzianie no me. Blu me pa lotaa nquialadz me miech, ni niapse diidzli bnee me. Bdzioṉ no xquieḻndzon me ne nac me tibpaa mëëd lo Dios, meṉ ne nac Pxoz ne.

1 TIMOTEO 3:16

Ne nligaa nroobdoo nac wseed ne ziaad lo Xtiidz Dios, miṉe rliladz ne, ngaṉ guieṉ miech zha naca. Nu raquiet miṉe beeṉ me: Goc Jesús miech biaad me lo guidzliu, ni blu Espíritu Sant gaṉle ne nli Xpëëdpaa Dios nac me; ni goṉ grë anjl me. Brieets bliaaḻ Xtiidz me grë guiedz, ndaldoo miech ne bliladz gaṉle cho nac me, blozh ga biire zey me lo guieḻndzon ne no me gbaa.

1 JUAN 2:26

Laa naa rzet miṉ rii lo to, sac ne squi no grë zha ne ziaad racladz yquidie to.

APOCALIPSIS 12:9

Lëë ma ngol co ga nac meeḻ dox ne notaque padzeela, lëë meṉdox ga, lëë Satanás ga, ma ne scataa tibaque noquidie miech; hor co laa zho bzonëz ma nëz lo guidzliu, grë xanjl dox ma.

APOCALIPSIS 13:14

Ne scataa grë ncuaaṉ ro ne rrieelo ma ruṉ ma, pquidie ma miech, bnabey ma zho bzaa zho tib mdio zig niaada ma ne bdedlaa lo guieḻgut ga, ma ne scataa nat guic ga bga.