2 CORINTIOS 1:1 - Zapotec Mixtepec: Diidz ne rdeed guielmban

¹ Naa nac Pabl, grop no bets ne Timoté, laa no rquia stib guits rii rxeeḻ no guiedz Corint i. Naṉle to gaṉle Dios bzo naa, pxeeḻ me naa none naa Xtiidz Ndzon Jesús lo miech. Laaw ziaad lo to i, grëse to ne nac to zha ne ngab xnëz Dios; zigtaa tow, zigtaa grëragaa zha ne no dib nëz Gres iw.

2 CORINTIOS 1:1 ပူးပေါင်းရင်းမြစ်များ

HECHOS 16:1

Leṉ dze co güey Pabl grop Silas güeyted zho Derb ni güeyted zho Listr. Listr ga beeṉbey zho tib zha nguieg ne rliladzaque Jesús lë Timoté, ti meṉ Israel ne rliladzle Jesús nac xniaa me, laa pxoz me nac meṉ Gres.

ROMANOS 15:26

sac grë zha bets, zha bzian, ne no nëz Macedon, ni nëz Acay, laa zho bnediidz beeṉlo zho palal dimi cxeeḻ zho yquiin grë zha prob ne no nëz co.

ROMANOS 16:21

Goḻcaania zhibdiuzh Timoté, meṉ ne quianie naa xtsiiṉ Jesús, laa me rxeeḻ bdiuzh lo to; scaque zha ladz naa Lus, Jasón ni Sosípater, laa zho rxeeḻ bdiuzh lo to.

ROMANOS 16:5

Ni scagaa, grë zha ne rcaalsa lidz zho riegooḻnie Dios, goḻdeed zhibdiuzh naa lo zho. Goḻdeed zhibdiuzh naa lo Epenet, rley naa rsoladz naa me; lëë me nac zha Asia ne glopaa bzëëb xnëz Jesús.

1 CORINTIOS 10:32

Gotsaa guieṉ ne sca gaṉle dziuuṉd ne ncuaaṉe yquiaaqui csaṉ ne zdoo stib miech, zigtaa zha Israela, zha stib guiedza, zha ne nolegaa xnëz Diosa.

1 CORINTIOS 16:10

Nacle diidz laa Timoté guiaad i; teḻ naṉd new naraa guiaad me, goḻsiguieḻ zeeṉe glanso me zaacse goḻcaania me, zaacse goḻcuëzlo me, zeeṉa tsonley zdoo me; goḻgaṉ gaṉle, ye me quiayuṉ xtsiiṉ meṉ ne rnabey ne.

1 CORINTIOS 16:15

Laa naa rso diidz lo to, niowse goṉ goḻgac lo grë zha bets ne, zha ne ruṉ xyudar to i; zig nac Stef grë meṉlidz me, goḻgon xtiidz zho. Led naṉle to gaṉle, Stef nac tib meṉ ne glopaa bliladz Xtiidz Dios nëz Gres i grë meṉlidz me; ni desde dze co laa me pquiabladz tibaque squi quiayuṉ me xyudar grëraa zha ne no xnëz Jesús.

1 CORINTIOS 16:24

Niicle naaw rleynie naa to, sac goṉ tibaque nac ne ngab ne lo me. ¡Lëëd bii gdzieel ne sca! Pabl

1 CORINTIOS 6:11

Blalaa to bio lo grë doḻ co glo, saṉgue niina miech mbele nac to nëz lo Dios, laa Jesús ni Espíritu Sant psaṉle to zig tib zha ne peet xtoḻd, laa me psaṉwenle to nëz lo Dios.

2 CORINTIOS 1:19

Goḻgaṉ gaṉle, zigtaa naaw, zigtaa Silvana, zigtagaa Timotéw, no biadseed to cho nac Jesús, meṉ ne nac Xpëëd Dios; ni zig nac Jesús, rquidied me. Grëse miṉe rnee me ruṉ mew,

2 CORINTIOS 1:23

Me zobwi, me naṉ gaṉle pe nacne gard guiaḻ naa. Gard goṉ guiaḻ naa, per por tow; sac rquia zdoo naa to, racladzd naa loxaque guiaḻquiago naa to i, lozh ga mban gac to.

2 CORINTIOS 11:10

Ni goḻgacnaṉ gaṉle, ib tedsod sodiidz naa grë miṉ rii dib nëz Gres i. Ible zuṉ naaw, led yed naa rquidie, sac goṉ ruṉbey naa zha nac Xtiidz Jesús.

2 CORINTIOS 9:2

Ruṉbey naa to, naṉle naa ible rquiabladz to guṉ to xyudar zho, gacxe waa rley naa rzodiidz naa lo zha ne no nëz Macedon nu, rne naa lo zho: wdibizlaa psilo to nëz Acay i quiayuṉlo to gon co. Miṉcocxe waa, zeeṉe bin zhow, nzian zho pquiabladz laa zho bdeeda.

GALATAS 1:1

Naa nac Pabl, tib zha ne pxeeḻ Dios nonee Xtiidz Ndzon me lo miech. Led miechd bzoo naa, led miechd pxeeḻ naa, sinque Jesús pxeeḻ naa, me ni Dios Pxoz me, meṉ ne bleeban me.

GALATAS 3:26

Gacxe waa, teḻ to xpëëdle Dios nac to porne dib zdoo to rliladz to Jesús,

EFESIOS 1:1

Naa nac Pabl, tib zha ne pxeeḻ Jesús nonee Xtiidz me lo miech, sac ible Dios bnabey ne sca gaca. Laa naa rxeḻ guits rii lo to grëse to bets, grëse to bzian, zigne nose to guiedz Efés i, ne nac to zha ne ngable lo Dios niina ne tiblique laa to rliladz Jesús.

FILIPENSES 1:1

Naa nac Pabl, grop no Timoté laa no rxeeḻ guits rii guiedz Filip i. Laaw ziaad lo to ne nac to zha ne ngable lo Dios, ni nacnie to Jesús; zigtaa tow, zigtaa zha ne zo lo tow, zigtagaa zha ne ruṉ xyudar zhow. Naṉle to gaṉle zigtaa naaw, zigtaa Timotéw, tib nguṉdziin nac no lo Jesús.

1 TESALONICENSES 1:1

Naa nac Pabl, gza no Silas ni Timoté, laa no rxeeḻ guits rii Tesalónica i; laaw ziaad lo to grëse to ne nac to zha ne ngable lo Jesús, meṉ ndzon ne rnabey, ni lo Dios meṉ ne nac Pxoz ne. Dios ni Jesús, me glu gaṉle pa lotaa noxco me to, zeeṉa peet zhgab ctsebde to.

2 TESALONICENSES 1:1

Naa nac Pabl, gza no Silas ni Timoté; laa no rxeeḻ stib guits rii guiedz Tesalónica i, laaw ziaad lo to grëse to ne nac to zha ne nole xnëz Dios, meṉ ne nac Pxoz ne, ni Jesús meṉ ndzon ne rnabey.

1 TIMOTEO 1:1

Naa nac Pabl, tib zha ne pxeeḻ Jesús nonee Xtiidz Ndzon me lo miech. Ible Dios meṉ ne psilaa ne lo doḻ, ni Jesús meṉ ne rnalo ne, me bnabey quiayuṉ naa dziin rii.

2 TIMOTEO 1:1

Naa nac Pabl, tib zha ne pxeeḻ Jesús nonee Xtiidz Ndzon me lo miech. Ible Dios bzo naa quiaseed naa miech diidz ne rdeed guieḻmban lo zha ne rzëëb xnëz Jesús.

TITO 1:1

Naa nac Pabl, tib nguṉdziin win nac naa lo Dios, tib zha ne pxeeḻ Jesús nonee Xtiidz Ndzon me lo miech. Laa naa none xtiidz me, zeeṉa grëse miech ne bzooblole Dios, gliladz zho me, gacnaṉ zho zhapaa nac wseed ne zionaḻ ne (wseed ne rnee zha none gbannie miech Dios),

FILEMON 1:1

Naa nac Pabl, laa naa no ladzguiib nu loxaque ne quiayuṉ naa xtsiiṉ Jesús; grop no Timoté laa no rquia guits rii. Laa no rxeeḻa lo luu goṉ Filemón, ne nligaa rleynie no luu squi ye luu noyuṉ xtsiiṉ Jesús.

HEBREOS 13:23

Racladz naa gacnaṉ to gaṉle, laa bets ne Timoté brieele ladzguiib; teḻne zlansoniob me lo naa nu, grop no me guiaad lo to i.