1 PEDRO 5:2 - Zapotec Mixtepec: Diidz ne rdeed guielmban

² Rso naa diidz lo to goṉ, zaacse goḻquianap grë zha ne bgaa to noquianap to. Dib zdoo to goḻguṉ dziin qui, sac sca racladz Dios, ib tsienied guic to guiab to dieṉ zha lega cob to dimi lo zho.

1 PEDRO 5:2 ပူးပေါင်းရင်းမြစ်များ

LUCAS 12:32

’Nli zhis to, pale tib dzoon win mëcwxiil yeeṉ, per gdziebde to. Sac niicle zhis to, per rley Pxoz to meṉ ne zob gbaa, laa me rneedz grëse ncuaaṉe rap me lo to.

HECHOS 20:29

’¡Nsin goḻso! Sac rieṉle naa zeeṉe laa naa gbiche lo to, ib zrieequia grë zha ne guiaad guiaadquidie to, zguib zho zha gnitlo zho to zigne ruṉ grë coyot mëcwxiil.

HECHOS 21:13

Pquiabaque me në me lo no: ―¿Pe nac dzigo roon to? Teḻ naa laa naa bleeladzle naa maase gzobdoo zho naa Jerusalén, niicxe haxta gut zho naa waa porne rleynie naa Jesús. ¡Loxaque rsiaab guieḻnë to naa i goṉ squi rac to!

ROMANOS 1:15

Miṉcocxe waa, tibaque laa naa racladz ye nëz qui guiaḻ naa guiaḻne naa Xtiidz Ndzon Dios lo to, ne nac to zha ne no guiedz Roma i.

1 CORINTIOS 9:7

Goḻgaṉ gaṉle, zig nac zha ne rzëëb lo xtsiiṉ meṉguiib, ¿niacxe zhaa lo dziin ne rdziniaa zho ncuaaṉe row zho rio zho lo xtsiiṉ meṉguiib? ¿Zha ne rangaa, niacxe rieguiaḻd zho yquiin zho ncuaaṉe rac zaatne ran zho? ¿Zha ne na raṉgaa ma, niacxe rieguiaḻd zho yquiin zho ma zigne racladz zho?

1 TIMOTEO 3:8

Scaquegaa zha ne so guṉ xyudar zha ne gnabey ga, ga rquiin: tib zha ne zaacse mban, zha ne rnee niapse diidzli, zha ne rleynied guieḻgonziu, zha ne zienaḻd dimi, zha ne dib zdoo rliladz grëse miṉe zhobnee lo Xtiidz Dios (miṉe rliladz ne, miṉe nac diidzli), zha ne mbe lo, zha ne mbannie wnaa ne nacse tsieel zho, zha ne rrieelo rnabey lidz, zha ne rrieelo rnabey xpëëd. Ni stiba, antes ne so zho none glugazh zho dieṉ pe nli zrieelo guṉ zho dziin co. Zig nac tsieel zhow, none gac me: tib wnaa ne zaacse mban, wnaa ne rleynied diidzguizh, wnaa ne rleynied nziu, wnaa ne rquidied.

TITO 1:11

Gacxe waa, ib none guioog ro zho; sac goṉ par cueexlëse zho dimi no zho noseed zho miech grë ncuaaṉe paat rquiind; zaatne no tib yu miech, grëse zho rquidie zho. Bieṉ sca goṉ nsin bzo lo grë zha Cret i. Sac goṉ,

TITO 1:7

Sac zha ne sca so lo grë zha ne no xnëz Dios, ib none gac zho tib zha ne ndzinli mban, sac goṉ xtsiiṉ Dios ga guṉ zho. Nodne gac zho: zha nlëëguic, zha ngonziu, zha nad ron diidz, zha nguibdiḻ, zha ne rzonaḻ dimi.

TITO 2:14

Sac goṉ, me bgaadz guieḻgut ne nioguiaḻ ne, me bdiizh grëtaa guieḻntseeb ne bdziuuṉ ne, psaṉmbe me ne lo grëtaa ncuaaṉe bdziuuṉ ne; gane niina, lo me ngab ne, ni none dzioxco ne gban ne zigne rnabey me.

TITO 3:1

Beeṉcsoladz zho gaṉle none gon zho miṉe rnee grë zha ne nac wxtis, gac zho tib zha nguzobdiidz, ni ib soliaadzd zho guṉ zho grë teḻ pe ncuaaṉe yquiin lo samiech zho.

FILEMON 1:14

Per gocladzd naa niuṉga naa miṉe no guic naa, ni naṉd naa dieṉ pe gnë luu; gane ni naa mazd teḻne zrieelow, per zdoo luu gala.

HEBREOS 12:15

Tibaque goḻteedlolsa zha ne nacgrë to, goḻguieṉ gaṉle racladz Dios gacnie me to, napaa na leḻ nozozit to lo me. Sac zha ne rzozit lo Dios, zeeṉe laa miṉe nac zho rzhoobneṉ, nzian zdoo zha ne rsaṉ zho, rlozh ga grëse zha co ruṉctal xtoḻ.

2 PEDRO 2:3

Zha yozha, laa zho tsienaḻ loxaque dieṉ zha guṉlo zho dimi, zguib zho yquidie zho to gdeed to dimi lo zho. Per ib tedsod zguizh zho miṉ co, sac bzeetle Dios gaṉle zha nactaa lo guieḻnëdox ne ygaa zho;