1 PEDRO 4:9 - Zapotec Mixtepec: Diidz ne rdeed guielmban

⁹ Zha ne guiaad lidz to, goḻdeed zaatne cuëz zho; iṉe goḻcuëzlo zho, guieedniede to zho.

1 PEDRO 4:9 ပူးပေါင်းရင်းမြစ်များ

ROMANOS 12:13

Goḻtsoxco xliaadz grë zha ne nacgrë to ngab to lo Dios; zaacse goḻcuëzlo zha ne ziaadted lidz to.

ROMANOS 16:23

Goḻcaania zhibdiuzh Gay, meṉ ne rbëz naa lidz, laa me rxeeḻ bdiuzh lo to. Lidz me nu rcaalsa grë zha ne rliladz Jesús nëz rii. Ye Rast, meṉ ne nac wxtis quianap xtimi guiedz rii, ni bets ne Cuart, laa zho rxeeḻ bdiuzh lo to.

2 CORINTIOS 9:7

Tib tib to sca, goḻcobey palal ncuaaṉe gdeed to. Miṉe gdeedtaa to, dib zdoo to goḻdeeda; ib guṉde to ne guiab to por rac-wnabsew laa to gdeeda. Sac goṉ, zha ne dib zdoo rdeed ncuaaṉe rgogon zho, rleynie Dios zho.

FILIPENSES 2:14

Ni ncuaaṉe rieguiaḻ to guṉ to, iṉe nguieeḻ goḻgac goḻguṉa, peet glisquide to, ni niicle tiḻdiidzdgaa to;

1 TIMOTEO 3:2

Per ga nagoṉ rquiin: tib zha ne zaacse mban, zha ne mbannie loxaque wnaa ne nacse tsieel zho, zha ne tibliladz, zha ne nixbiini, rieṉ pe ruṉ, zha ne mbe lo, choot lega gzhidznied zho, zha ne iṉe nley rac, rbëzlo zho miech lidz zho; zha ne rieṉ zha rseed miech, zha ne rquiad lo nziu, zha ne rleynied diḻ, zha ne wen zdoo, zha ne zaacse mbannie samiech, zha ne rzonaḻd dimi, zha ne zaacse mban lidz, zha ne rrieelo rnabey lidz, rnabey xpëëd, zha ne nguzobdiidz nac xpëëd, rbeed mëëd xquieḻto zho.

TITO 1:8

Sinque none gac zho tib zha ne: ndzinli nac guic, iṉe niowse rdeed zho zaatne rbëz miech ne rdziṉtaa lidz zho, rioxco zho ruṉ zho niapse ncuaaṉe rquiin lo samiech zho, zienaḻ zho gac niapse miṉe nac diidzli, rioxco zho ruṉ zho niapse miṉe rnabey Dios, rrieelo zho rnabey zho guic zho, rnabey zho xcuerp zho.

FILEMON 1:14

Per gocladzd naa niuṉga naa miṉe no guic naa, ni naṉd naa dieṉ pe gnë luu; gane ni naa mazd teḻne zrieelow, per zdoo luu gala.

HEBREOS 13:16

Goḻtsoxco goḻguṉ grë ncuaaṉe yquiin lo samiech to, ncuaaṉe rgaa lo to, goḻdeed palala lo grë zha ne guieṉd pe yquiin; sac rrieequia lëë stib gon ga gdeed to lo Dios, ni miṉcogaa rleynie me.

HEBREOS 13:2

Goḻdeed zaatne cuëz grë meṉzit ne zo nëz. Blac zha ne sca bdeed lidz blëz zha ne zo nëz, no hor bieṉd zho haxta xanjl Dios blëz lidz zho.

SANTIAGO 5:9

Ib tsode to guieednie to grë zha ne nacgrë to, zeeṉa guṉctalde to xtoḻ to; sac zhile gdziṉ dze ne laa meṉ ne no guṉ guieḻwxtis guiaad.