1 PEDRO 4:3 - Zapotec Mixtepec: Diidz ne rdeed guielmban

³ Grëtaa ncuaaṉe ndzinlid ne ruṉ grëraa miech, goḻguiaaṉladza. Goḻguiaaṉladz zeeṉe scataa ptsieelsa to zho, bzudz to, lega dowcho, lega gocho to nziu, haxta bionie to zha ne nacd tsieel to; bio to lo grë lni, bleynie to grë mdio.

1 PEDRO 4:3 ပူးပေါင်းရင်းမြစ်များ

MARCOS 7:22

zeeṉe rionie zho zha ne nacd tsieeld zho, zeeṉe rzoobladz zho ncuaaṉe rap stib miech, zeeṉe ruṉ zho grë guieḻntseeb, zeeṉe rquidie zho, zeeṉe rien zho ruṉ zho grë ncuaaṉe ndzinlid, zeeṉe në rac zdoo zho raṉ zho cho zha ne stibnoded, zeeṉe rzhixcuaa zho diidzguizh, zeeṉe racniats zho, zeeṉe ruṉ zho grëraa ncuaaṉe paat rquiind.

HECHOS 17:30

ni ib sca rliladz miech. Laa Dios gop zho paciens hor co sac ruṉbeyd zho me; saṉgue niina laa me quiabedz zho, laa me rnab lo zho csaan zho grë ncuaaṉe bliladz zho ga gbig zho lo me, mese gleynie zho;

ROMANOS 13:13

None ndzinli gban ne: dziuuṉd ne guieḻgonziu, dziuuṉd ne grë lni yozh, yquiangobd ne zha ne led tsieeld ne, dziuuṉd ne grë guieḻyozh ne racladz xcuerp ne, diḻnied ne samiech, glëënied ne zho zeeṉe stib noded zho.

1 CORINTIOS 12:2

Rsoladz to gaṉle zeeṉe gard gliladz to Xtiidz Dios, nëzrii nëzrec bio to güeygaṉ to stib stib grë mdio, ncuaaṉe ni tib lan diidz rneed; saṉgue Dios ne rliladz to niina, led scad nac me.

1 CORINTIOS 6:11

Blalaa to bio lo grë doḻ co glo, saṉgue niina miech mbele nac to nëz lo Dios, laa Jesús ni Espíritu Sant psaṉle to zig tib zha ne peet xtoḻd, laa me psaṉwenle to nëz lo Dios.

2 CORINTIOS 12:21

Teḻ gaṉ naa sca rac to, mbe goṉ stoladznie naa to ni haxta siaabguieḻnë to naa; sac naṉle naa ni lalnu rdziladzd Dios grë miṉ co. Zig nac grë zha ne squi padzeelale quiayuṉctal xtoḻ ni rsaand zho grëtaa guieḻyozh, grëtaa ncuaaṉe ndzinlid ne bii quiayuṉ zho, mbe goṉ sigoon zho naa.

GALATAS 5:19

Ni miech ne sca ruṉ grë ncuaaṉe ndzinlid, ib paat ngueetsd zho: rionie zho zha ne led tsieeld zho, ruṉ zho grë ncuaaṉe ndzinlid ne racladztaa xcuerp zho,

GALATAS 5:21

në rac zdoo zho raṉ zho ncuaaṉe quianie stib miech, rzudz zho, rcaalsa zho zaatne loxaque rowcho zho, ni ruṉ zho grë guieḻyozh. Grë ncuaaṉ co ruṉ zho ni grëragaa ncuaaṉe ndzinlid ne sca nac. Laa naa rbire rso diidz lo to, guṉde to grë ncuaaṉ co; sac goṉ grëse miech ngoopdoḻ ne sca rban, grieelod gdziṉ zho zaatne rnabey Dios.

EFESIOS 5:18

Gzudzde to, sac goṉ lo guieḻgonziu ruṉ miech ncuaaṉe nonguieḻdraa; sinque mazd goḻnab gneedzraa Espíritu Sant guieḻbiini lo to, zeeṉa iṉe:

1 TESALONICENSES 4:5

guṉd zho zigne ruṉ grëraa miech ne naṉd zha nac Xtiidz Dios; sac teḻ zha co, rzac zho loxaque par gdeedse guxt xcuerp zho, miṉcose rquiin wnaa.

TITO 3:3

Sac goṉ haxta ne, ib peet rieṉd ne glo, ntseeb goc ne, bdiits ne grë miṉe rnabey Dios; laa ne ziole nëz ne nitlo ne hor co, masaque bgadoo ne lo grëtaa ncuaaṉe racladz xcuerp ne, lo grëtaa ncuaaṉe ndzinlid ne bley ne bdziuuṉ ne. Niapse guieḻntseeb bionaḻ ne, në rac zdoo ne rdziaṉ ne ncuaaṉe quianie, ncuaaṉe ruṉ stib miech; zigtaa row rzhiizh zdoo zho goṉ zho ne, scaque ne, zha ne rdziaṉtaa ne, row rzhiizh zdoo ne bdziaṉ ne zho.

1 PEDRO 1:14

Zig grë mëëd ne ron xtiidz pxoz, sca nguzobdiidz goḻgac lo Dios; guṉdraa to grë ncuaaṉ ndzinlid ne beeṉ to zeeṉe gard guṉbey to me ga.

JUDAS 1:4

Sac goṉ, blalaa zha ne rquiaalo rliladz Dios, ngueets zhliaan laa zho bzëëb lad to i. Miech yozha, niapse lo doḻ no zho, rnee zho zac guṉ ne ncuaaṉe guiaabtaa guic ne, sac nquialadz Dios ne; ib rliladzd zho Jesús, Meṉ ro, Meṉ nroob ne rnabey ne. Padzeelale goquiet, ne grëse miech ne sca nac, lëëque lo xtoḻ zho nitlo zho.