1 JUAN 5:20 - Zapotec Mixtepec: Diidz ne rdeed guielmban

²⁰ saṉgue ne, laa Xpëëd Dios biaad bdixbiini me xquieḻrien ne bdziuuṉbey ne meṉ ne nacpaa Dios. Niinasi laa ne ngable lo meṉ ne nacpaa Dios ga, ni lëë me ga nac Jesús. Me nac Dios nguiamban, ni me nac meṉ ne rdeed guieḻmban ndzon ne gdziṉd dze lozh.

1 JUAN 5:20 ပူးပေါင်းရင်းမြစ်များ

MATEO 13:11

Pquiab me rëb me: ―Teḻ to, Dioszhal rlu lo to zha rnabey me, niicle ncuaaṉe mazdraa ngueetsa; laa grëraa miech ne gard gbig lo me, grieelod guieṉ zhow.

LUCAS 21:15

sac naa gnedz guieḻbiini lo to, zeeṉe laa to gnee guieṉ to pe guiab to. Zha ne gona, squiaadiag zhow, per ni gdzield zho pe ctsire zho lo to.

LUCAS 24:45

Psilo me clar nonee me lo zho, parne guieṉpaa zho zha zhobnee lo grë guits co,

JUAN 1:18

Wlaltaa ib choot gard gaṉ Dios; saṉgue niina ne laa Xpëëd me Jesús biaad, meṉ co biaadlu gaṉle zha nac Dios; sac zaatne no Dios gaque no me.

JUAN 10:30

Ni tibaque nac no grop no me.

JUAN 14:20

Gaḻ dze co, zeeṉe gaṉ to laa naa grieeban, ga gliladz to gaṉle ne nli tibaque nac no grop no Pxoz naa, zigne tibaque nacnie naa to ni nacniegaa to naa.

JUAN 14:23

Pquiab me rëb me: ―Zha ne ruṉ miṉe rnabey naa, lo zha co glu naa cho nac naa; sac rlu zho ne nli rleynie zho naa. Ni haxta ziaad no grop no Pxoz naa gbannie no zho; sac zigne rleynie zho naa, scaque zleynie me zho.

JUAN 14:6

Dzigo rëbchaa Jesús: ―Naa nac nëz co, naa rseed miech miṉe nac diidzli, ni naa rded tib guieḻmban ndzon ne ib gdziṉd dze lozh. Lo grëse miech, zha ne gliladz cho nac naa, zha co gdziṉ lo Pxoz naa; guieṉdraa stib mod ne gdziṉ zho lo me.

JUAN 14:9

Pquiab Jesús, rëb me: ―Blactaale dze ga name Lip no naa lo to, ni gardaque ye guṉbey luu naa. ¡Grëse zha ne raṉ naa, lëëque Pxoz naa ga raṉ zho! ¿Zha nac dzigo ne racladz luu glu naa me lo to?

JUAN 15:4

Gbichede to lo naa sca, sinque tibaque goḻgacnie naa zigne nacnie naa to. Goḻgaṉ gaṉle, zig nac tib zhicw lbë uv, peet nex grieelod yquia low teḻne tibnëzle nixa; scaquegaa to nagoṉ, grieelod guṉ to grë ncuaaṉe rdziladz naa, teḻne nacniede to naa.

JUAN 17:14

Pseed naa zho miṉe nac xtiidz luu; per na rlëë grëraa miech raṉ zho zho, sacne zienaḻdraa zho grë ncuaaṉe ndzinlid ne rac lo guidzliu rii. Nac zho zigne nac naa, rleynied naa grë ncuaaṉ co.

JUAN 17:25

’Papá, luuse nac meṉ ne rapd ni tib doḻ, niicle ne ruṉbeyd grë miech rii luu, saṉgue naa ruṉbey naa luu; ni scaquegaa grë zha ne bneedz luu lo naa nu, naṉle zho ne luu pxeeḻ naa.

JUAN 17:3

Lëë guieḻmban co ygaa grëse zha ne guṉbey luu, ne nli luuse nac Dios nguia mban, ni guieṉ zho cho nac naa, ne pxeeḻ luu naa biaḻ naa lo guidzliu rii.

JUAN 20:28

Dzigoraa bliladz Mazh ne nli mban me. ―Nasi rliladz naa mban luu ―rëb Mazh―. Luu nac meṉ ne rnabey naa, luu nac xDios naa.

JUAN 8:42

Dzigo rëbchaa me lo zho: ―Teḻne niaca miṉe nli zhin Dios nac to, nleynie to naa, sac goṉ lo me brie naa ziaḻ naa lo to nu. Led zhaald naa ziaḻ naa, me nac meṉ ne pxeeḻ naa.

HECHOS 20:28

Goḻguieṉ sca, ¡goḻquianap to, ni scagaa goḻquianap grë zha ne zo to lo! ¡Goḻwi gaṉle xnëz Dios no zho, haxta lo cruz gut Xpëëd me bdiizh me xtoḻ zho! Ni stiba, ¡ib Espíritu Sant bzo to yquianap to zho zigne rquianap baxtor xpëcwxiil zho!

ROMANOS 9:5

Lëë pxozgoldoo zho ga goc Abraham, goc Isaac, goc Jacob, ni lo dii co ga brieequia zha ne bded zig meṉlidz Jesús. Me nac Dios, me rnabey grëtaa ncuaaṉe no, ni me rieguiaḻ gacnon gzataa dze. Ible sca rieguiaḻa.

1 CORINTIOS 1:30

Goḻwi gaṉle, niapse por me laa ne nacnie Jesús, grë guieḻrac, grë guieḻrieṉ ne rdziaap ne, Jesús bneedza, ni Jesús nac meṉ ne psilaa ne lo grëtaa xtoḻ ne, meṉ ne psaṉmbe ne laa ne bziaab xnëz Dios. Dios bnabey sca goca.

2 CORINTIOS 4:6

¡Ne nligaa tib nguṉdziin winse nac no! Goḻwi gaṉle Dioszhal, meṉ ne bnabey biaaṉ biini ne rziini guidzliu, me bdixbiini guic no bieṉ no xquieḻndzon me ga biaadlu Jesús.

2 CORINTIOS 5:17

Sac goṉ, grëse zha ne ne nlipaa dib zdoo rliladz Jesús, stible miech nac zho. Grëse teḻ zha goc zho glo, laa miṉ co bdedle. ¡Ncuble nac lo xquieḻmban zho!

EFESIOS 3:18

Ga guieṉ to gaṉle grë to grëraa zha ne ngab lo me, ne nligaa pa lotaa nquialadz me to, nacda ncuaaṉe grieelo ctiix ne, guiab ne lalnuw.

FILIPENSES 3:9

Zanaḻdraa naa guṉ naa miṉe rnabey ley par guiaaṉmbe naa lo doḻ, sinque laa naa zanaḻ dib zdoo naa gliladz naa cho nac Jesús; sac zha ne dib zdoo rnalo me, saṉmbe Dios zho lo doḻ.

1 TIMOTEO 3:16

Ne nligaa nroobdoo nac wseed ne ziaad lo Xtiidz Dios, miṉe rliladz ne, ngaṉ guieṉ miech zha naca. Nu raquiet miṉe beeṉ me: Goc Jesús miech biaad me lo guidzliu, ni blu Espíritu Sant gaṉle ne nli Xpëëdpaa Dios nac me; ni goṉ grë anjl me. Brieets bliaaḻ Xtiidz me grë guiedz, ndaldoo miech ne bliladz gaṉle cho nac me, blozh ga biire zey me lo guieḻndzon ne no me gbaa.

TITO 2:13

Sca none gban ne, haxta dziaṉlo ne gdziṉ dze ne laa Jesús guiaad stib, zigne psaṉle Dios diidz; gaḻ dze co, laa me guiaad con grë xquieḻndzon me. Me nac Dios ro ne rliladz ne, me psilaa ne lo doḻ.

HEBREOS 1:8

Saṉgue zaatne raquiet Xpëëd me, rneew: Dios, luu nac meṉ ne zobnabey, ni gdziṉd dze ne griee luu; zeeṉe ruṉ luu guieḻwxtis, zigne rieguiaḻa sca ruṉ luuw.

1 JUAN 2:23

Sac zha ne rlëënie meṉ ne nac Xpëëd Dios, ga rlu ne nlid rliladz zho cho nac Dios; saṉgue zha ne rxobneṉ cho nac Xpëëd me, zha cosi nli rliladz zho cho nac me.

1 JUAN 2:24

Laa naa rso diidz lo to sca: Goḻtsienaḻ grë miṉe pseed to zeeṉe glopaa psilo bliladz to Xtiidz Dios, zeeṉa zigtaa Dios, zigtagaa Xpëëd mew, tibaque gbannie to me.

1 JUAN 2:6

Gacxe nagoṉ waa, zha ne rnee xnëz me no zho, ib none zaacse gban zho, zigne wban Jesús zeeṉe biaad me lo guidzliu.

1 JUAN 4:14

Ni stiba, grop lo no bdzioṉ no biaad Xpëëd me biaadsilaa me miech lo doḻ; ni miṉ co nonee no lo miech niina.

1 JUAN 4:16

Ndioṉ ne gaṉle nli rleyniedox Dios ne, sac rieṉpaa ne rleynie me ne, ni rliladz ne zeeṉe rnee me pa lotaa rleynie me ne. Ible niaa me par gleynie me, me rdeed guieḻbiini lo miech gleynie zho samiech zho, zigne rleynie me zho; gacxe waa, zha ne rleynie samiech, ga rlu nacnie zho Dios, ni scagaa me nacnie me zho.

1 JUAN 4:2

Parne guieṉ to dieṉ pe nli zhiEspíritu Dios nacnie zho, goḻwi dieṉ zha rzac zho Jesús: Teḻ zha ne rliladz ne nli zig tib miech goc me biaad me lo guidzliu, ga rlu ne nli zhiEspíritu Dios nacnie zho.

1 JUAN 5:1

Grëse zha ne dib zdoo rliladz ne ible lëë Meṉ ne zëëble diidz cxeeḻ Dios lo guidzliu ga nac Jesús, grëse zha co xpëëd Dios nac zho. Grëse zha co, par guieṉ ne dieṉ pe nli rleynie ne zho, none guieṉ ne dieṉ pe nli rleynie ne Dios, dieṉ pe nli ruṉ ne miṉe rnabey me. Nac cuent rii, zig nac tib yu miech, zha ne rleynie pxoz mëëd, scaquegaa rleynie zho mëëd.

1 JUAN 5:15

ni zigne ndioṉ ne rquiaadiag me xtiidz ne, scaquegaa none gliladz ne ib zneedz me ncuaaṉe rnab ne.

1 JUAN 5:18

Ni ndioṉ ne gaṉle, zha ne nacle xpëëd Dios ruṉdraa zho ne lega guṉctal zho xtoḻ zho; sac Jesús meṉ ne nac Xpëëd Dios, meṉ co quianap zho, grieelodraa lega pe guṉ meṉdox zho.

1 JUAN 5:5

Goḻgacnaṉ sca: zha ne dib zdoo rliladz Xpëëd Dios nac Jesús, zrieelo zho csaan zho grëtaa ncuaaṉe ruṉctal xtoḻ zho.

APOCALIPSIS 15:3

quiayooḻ zho zig biiḻ grë zha ne psilaa Moisés Egipt. Rley zho, sac niina laa Xcarner yeeṉ Dios psilaa zho lo ma ntseeb co; rnee zho: Dios, luu ne nac luu meṉ ne grësew rrieelo ruṉ, ncuaaṉe nroob, ncuaaṉe gzee zdoo miech, nac grë ncuaaṉe ruṉ luu. Luu nac meṉ ne rnabey, lo grëse zha ne ngab lo luu, niapse diidzli rnee luu, niapse miṉe nonguieḻ rnabey luu.

APOCALIPSIS 19:11

Dzigo hor co goṉ naa bzhial zhan gbaa, ga brieequia tib meṉ co zob me lad tib guay nquits, zëëb diidz niapse diidzli rnee me, sac ruṉ me guieḻwxtis zigne no gaca, ni rdiḻnie me zha ne rieguiaḻ tiḻnie me.

APOCALIPSIS 3:14

Ni në me: ―Miṉe gni naa niina, pquiaaw pxeeḻa guiedz Laodicé, lo zha ne quianap grë zha ne ngab xnëz naa ga, gudz lo zho: “Meṉ ne rnee niapse diidzli, meṉ ne ruṉ grëse miṉe rnabey Dios, meṉ ne bzo Dios psaṉ grëse ncuaaṉe no, znu nac xtiidz me, rnee me lo to:

APOCALIPSIS 3:7

Blozh ga në me: ―Miṉe gni naa niina, pquiaaw pxeeḻa guiedz Filadelf, lo zha ne quianap grë zha ne ngab xnëz naa, gudz lo zho: “Meṉ mbe ne rapd ni tib doḻ, meṉ ne rnee niapse diidzli, meṉ ne rnabey zigne bnabey rey David; zaatne rxal me, tsod zha ne grieelo csiooga, zaatne csiooggaa mew, tsod zha ne grieelo cxala; znu nac xtiidz me, rnee me lo to:

APOCALIPSIS 6:10

Nguiedz zëëb tsi zho rnee zho: ―Luu ne nac luu meṉ nroob ne rnabey, luu ne nac luu meṉ ne rnee niapse diidzli, ¿pa hor dzigo cuedz luu grë miech ne ndxie lo guidzliu, zha ne scataa psacsi no? ¿Pa hor guṉquizh luu zho grëtaa miṉe beeṉ zho ga?