1 JUAN 4:18 - Zapotec Mixtepec: Diidz ne rdeed guielmban

¹⁸ Nod pe nacne gdzieb ne me, sac goṉ ndioṉ ne pa lotaa rleynie me ne. Led yedraa niina pe dzeb ne dzio ne, sac grëse dzeb rbiche zeeṉe rieṉ ne rleynie me ne. Zha ne rdzieb, zienie guic zho pe nac grë guieḻnë ne gaṉ zho, ga rlu zho gard guieṉ zho ne rleynie me zho, ni gardgaa guieṉ zho gleynie zho me.

1 JUAN 4:18 ပူးပေါင်းရင်းမြစ်များ

MATEO 9:34

Laa grë zha farisé rnee: ―Ma ne rnabey lo meṉdox nacnie meṉ qui, gane rrieelo ruṉcxooṉ me meṉdox.

ROMANOS 8:15

Goḻguieṉ gaṉle, laa Dios bneedz zhiEspíritu me lo to, sac xpëëdle me nac to niina. Tsode to sca gdziebd to me, zig nac zeeṉe cho tib nguṉdziin win nac to lo me. Xpëëd me nac ne, gacxe waa zac tibliladz gnee ne lo me guiab ne: “¡Papá yeeṉ!”

2 TIMOTEO 1:7

Sac goṉ, laa Dios rneedz zhiEspíritu me lo ne, parne sodziebdraa ne, parne dziaapraa ne xfuers me, gleynieraa ne samiech ne, ni tsabiiniraa ne.

HEBREOS 12:28

ni ga nagoṉ gneedz me gbiaaz ne. Gacxe waa, goḻgotsaa dziuuṉ ne miṉe rnabey me, goḻgotsaa gdeed ne xquizh lo me, guieṉ ne meṉ nroob nac me; ni scagaa me zley me.

SANTIAGO 2:19

Nli wena ruṉ zha ne rliladz tibaque Dios no, per grieelod guiab zho lëëlew ga, sac goṉ zig nac meṉdox ye ma rliladz tibaque Dios no, per led por miṉcod laa ma lo guieḻnë ne cxeeḻ me, sinque haxta rdzieb ma me.

1 JUAN 4:12

Gard tso tib zha ne gaṉ Dios, per zha ne rleynie samiech, me ga nacnie zho; ni zigse zie dze dib zdooraa zho rleynie zho samiech zho.