1 JUAN 4:16 - Zapotec Mixtepec: Diidz ne rdeed guielmban

¹⁶ Ndioṉ ne gaṉle nli rleyniedox Dios ne, sac rieṉpaa ne rleynie me ne, ni rliladz ne zeeṉe rnee me pa lotaa rleynie me ne. Ible niaa me par gleynie me, me rdeed guieḻbiini lo miech gleynie zho samiech zho, zigne rleynie me zho; gacxe waa, zha ne rleynie samiech, ga rlu nacnie zho Dios, ni scagaa me nacnie me zho.

1 JUAN 4:16 ပူးပေါင်းရင်းမြစ်များ

JUAN 6:69

Laa no bliladzle cho nac luu, laa no gocndioṉle ne luu nac Meṉ Ndzon ne pxeeḻ Dios.

JUAN 9:3

―Lëda ―rëb Jesús―, led por xtoḻd zhow; sinque squi gol me, zeeṉa zeeṉe laa me guiac, ga gaṉ miech gaṉle zha nactaa grë ncuaaṉe ruṉ Dios.

1 CORINTIOS 2:9

Zigne zhobneeque lo Xtiidz Dios, zaatne rnee: Ncuaaṉe wlaltaa gard guieṉ miech, nac grë miṉe quianiele Dios gdeed me lo grë zha ne nlipaa gbig lo me gleynie zho me. Ncuaaṉe choot gard gaṉa, ncuaaṉe choot gard gona.

1 JUAN 3:1

Goḻwi gaṉle pa lotaa rleynie Dios ne, laa me rneedz diidz laa ne gac mëëd lo me. ¡Ni nligaa teḻ ne, xpëëdle me nac ne! Grëraa miech rliladzd zhow, sacne ruṉbeyd zho cho nac me.

1 JUAN 3:16

Ndioṉ ne zha gleynie ne samiech ne, sac Jesúszhal blu zhaw zeeṉe sca bleeladz me me gut me bdiizh me xtoḻ ne. Gacxe waa, zha ne nlipaa rleynie samiech, none cueeladz zho zho, cueeladz zho ncuaaṉe rap zho, gacnie zho samiech zho.

1 JUAN 3:24

Grë zha ne ron diidz ruṉ miṉ co, ga rlu ne nlipaa mbannie zho me, ni scagaa me mbannie me zho. Ni ndioṉ ne gaṉle, ib nli mbannie me ne, sac pxeeḻ me Espíritu Sant nacnie ne.

1 JUAN 4:7

Bets, bzian, goḻgotsaa gleynie ne samiech ne, sac goṉ, teḻ Dios grëse ne rleynie me ne. Gacxe waa, zha ne rlu nli rleynie zho samiech zho, gase rlu ne nli xpëëd Dios nac zho, nli ruṉbey zho me.