1 JUAN 3:19 - Zapotec Mixtepec: Diidz ne rdeed guielmban

¹⁹ Sca nagoṉ none dziuuṉ ne, dzigo niicle new ndioṉpaa ne nli xnëz Dios no ne, ni scagaa tsod pe nacne pe dzeb tsonie zdoo ne zeeṉe laa ne gbig lo me.

1 JUAN 3:19 ပူးပေါင်းရင်းမြစ်များ

JUAN 13:35

Zeeṉe gaṉ miech, ne nligaa dib zdoo to rleynie to samiech to, dzigo zieṉ zho xpëëdscuel naa nac to.

JUAN 18:37

Pquiab Pilat, rëb Pilat: ―¿Rey luu dzigo lëë? ―Scaw goṉ ―rëb Jesús―, nli rey naa; zigne rnee luu i. Ible miṉ co nacne biaḻ naa gol naa lo guidzliu rii, ni biaḻ naa biaḻseed naa miech guṉbey zho miṉe nac diidzli. Ni zha ne zienaḻ miṉe nac diidzli, zha co ngab lo naa.

ROMANOS 4:21

sac naṉpaa me meṉ nroob nac Dios zuṉ me miṉe psaṉ me diidz ga.

ROMANOS 8:38

Naṉween naa tsod ncuaaṉe yquiaaqui csaanladz Dios ne: per ni guieḻgut, per ni guieḻmban, per ni anjl, per ni meṉdox, per ni grë ncuaaṉe noyac niina, grëgaa ncuaaṉe naraa gaca.

2 TIMOTEO 1:12

miṉcocxe waa znutaa grë ncuaaṉe nodeed naa. Per ni lalnu ib rtoladzd naa, sac wen wen naṉ naa cho nac meṉ ne rliladz naa, ni naṉ naa mesi zrieelo yquiaanap me naa nitnëzd naa haxta gaḻ dze ne laa me guiaad.

HEBREOS 10:22

niinasi zacle gdziṉ ne haxta lo Dios. Nana sca, dib zdoo ne goḻgotsaa gbig ne lo Dios, dib zdoo ne goḻgotsaa gnalo ne me, beṉque laa me psaṉmbele ne lo grëtaa ncuaaṉe yozh ne rza zdoo ne, rza guic ne; rrieequia bgaz me ne tib nis mbe.

HEBREOS 11:13

Gza zha ne blozh goquiet nu, gardaque ygaa zho grë miṉe bnee Dios gdeed me lo zho, laa zho gut; zeeṉe bii zomban zho lo guidzliu rii, dib zdoo zho bnalo zho me gane bliladz zho ne ible zgaa zhow, rzac zho zig nac zeeṉe raṉle zhow. Bieṉ zho ne tib ziaadtedse zho lo guidzliu rii, nacse zho zig tib meṉzit.

1 JUAN 1:8

Nana teḻ guiab ne: Teḻ naa ib peet doḻ rapd naa. Lëëque ne noquidie ne ga, rneelid ne ga zha nac ne.

1 JUAN 2:21

Guits ne rxeḻ naa lo to nu, nacda par cseed naa to miṉe nac diidzli, sac ruṉbeyle tow ni haxta rieṉ to pa miṉ nac guieḻwquidie; sinque laaw ziaad lo to par gacnaṉ to gaṉle zha nac zha ne noquidie i.

1 JUAN 3:14

Saṉgue ne rleynie ne samiech ne, gane ndioṉ ne noxtseebdraa ne guioo ne gabiḻ, laa ne bgaale tib guieḻmban ndzon ne gdziṉdraa dze lozh; sac zha ne rleynied samiech, nëz ne nitlo zho ga zie zho.

1 JUAN 3:20

Teḻ zha ne rdzieb zdoo, sac rieṉ zho noyuṉd zho miṉe rnabey Dios, ib tedsod zlisqui Diosa lo zho; sac teḻ me grësew naṉ me.

1 JUAN 3:21

Xin yeeṉa, laa zha ne desde zdoo zho naṉ zho noguiitsd zho miṉe rnabey me, scagaa tibliladzse gbig zho lo me;