1 JUAN 3:14 - Zapotec Mixtepec: Diidz ne rdeed guielmban

¹⁴ Saṉgue ne rleynie ne samiech ne, gane ndioṉ ne noxtseebdraa ne guioo ne gabiḻ, laa ne bgaale tib guieḻmban ndzon ne gdziṉdraa dze lozh; sac zha ne rleynied samiech, nëz ne nitlo zho ga zie zho.

1 JUAN 3:14 ပူးပေါင်းရင်းမြစ်များ

MATEO 25:40

’Dzigo guiep naa lo zho: “Gzobtaa hor ne goṉ beeṉ to xyudar zha ne nacgrë to, güeygaṉ to zho, pcaaniagaa to zho, niicle zha ne bzoob miech peet nonda, rrieequia xyudar naa ga beeṉ to, rrieequia naa ga biaadgaṉ to.”

LUCAS 15:24

¡Sac goṉ guṉ naa cuent, brieeban xpëëd rii naa! ¡Bnitle me ga, na laa me bdziel!” ¡Laa lni psilo!

LUCAS 15:32

Per niina ne laa bets luu blanso, ib nonguieḻa znu dziuuṉ ne tib lni gleynie ne me; sac goṉ bnit me, ni na laa me bdziel. ¡Dziuuṉ ne cuent brieeban me nu!”

LUCAS 7:5

rleynie me meṉladz ne, haxta bzaa me tib xyadoo no lad guiedz nu.

JUAN 13:35

Zeeṉe gaṉ miech, ne nligaa dib zdoo to rleynie to samiech to, dzigo zieṉ zho xpëëdscuel naa nac to.

JUAN 15:12

’Laa naa rnabey to, laa naa rnab lo to: ¡Goḻleynie samiech to, zigne rleynie naa to! Teḻ naa, goḻguieṉ gaṉle pa lotaa rleynie naa to,

JUAN 15:17

Laa naa rso diidz lo to: Goḻleynie samiech to.

JUAN 5:24

―Gneli naa lo to gaṉle: Zha ne gliladz xtidz naa, ni gliladz zho meṉ ne pxeeḻ naa, laa zho bgaale tib guieḻmban ne gdziṉd dze lozh. Led yedraa zho ygaa guieḻnëdox ne ygaa grëraa miech ntseeb; sac laa zho brieele ladznia guieḻgut ga, bdziṉ zho lo guieḻmban co.

2 CORINTIOS 5:1

Ni ndioṉ ne gaṉle, zeeṉe laa xcuerp rii ne nitlo, laa Dios gneedz stib miṉe gdziṉdraa dze nitlo. Masaque nacse xcuerp rii ne zig nac tib yu guizh win ne rbëz miech lo wgaa; saṉgue cuerp ne gneedz me lo ne, rrieequia naca zig tib yu ne gbiaazpaa ne gbaa.

GALATAS 5:22

Saṉgue zha ne zienaḻ miṉe racladz Espíritu Sant, znu nac zha co: rleynie zho samiech zho, tibaque nguieeḻ rac zho, peet dzeb nonied guic zho, rxecw zho, rieedniobd zho, niowse rnee zho lo samiech zho, niapse ncuaaṉ wen ruṉ zho lo samiech zho, ruṉ zho miṉe rnee zho guṉ zho,

EFESIOS 1:15

Zeeṉe gocnaṉ naa ne nlipaa dib zdoo to rliladz to Jesús, ni ne nli nquialadz to grëraa miech ne no xnëz Dios,

EFESIOS 2:1

¡Laa Dios bneedzle tib guieḻmban cub lo to niina, niicle ne ntseeb goc to glo! Goḻsoladz gaṉle, zeeṉe scataa beeṉctal to xtoḻ to, masaque nac to lo Dios hor co zig tib zha ne gutle,

EFESIOS 2:5

ni niicle ne rrieequia meṉgutle nac ne ne scataa quiadziuuṉ ne grë doḻ co, per bleeban me ne; lëë miṉ co ga beeṉ me zeeṉe bleeban me Jesús. ¡Laa me psilaa ne lo guieḻgut co, niapse por mezhal noxco ne!

COLOSENSES 1:4

sac zidzion no ne nlipaa dib zdoo to rliladz to cho nac Jesús, ni rleynie to grëse zha ne no xnëz Dios.

1 TESALONICENSES 4:9

Laa zig nac guieḻwleynie, naṉle to zha no gleynie to grë zha ne nacgrë to. Rquiind cso no diidz lo to dieṉ zha guṉ to, sac Dioszhal pseed to zha gleynie to zigtaa zha ne nacgrë tow, zigtagaa grë samiech tow.

HEBREOS 13:1

Bets, bzian, goḻleynie grë zha ne nacgrë to, goḻguieṉ gaṉle tibaque meṉ ne nac Pxoz to.

1 PEDRO 1:22

Ni niina ne laa to mban zigne nac XTiidz Dios, miṉe nac diidzli, laa zdoo to biaaṉmbele lo doḻ; nasi zrieelo gleynie to zha ne nacgrë to. Dib zdoo to sca goḻleynie zho,

1 PEDRO 3:8

Nana sca, tipse goḻgac grë to. Iṉe niowse goḻleynie zha ne nacgrë to, miech wen, miech ndooladz goḻgac.

1 JUAN 2:3

Goḻgona gaṉle: Teḻne ruṉ ne grëse miṉe rnabey Dios, gase rieṉ ne ne nli xnëz me no ne.

1 JUAN 3:23

Ni lëë miṉ rii rnabey me: Grëse miech, none dib zdoo zho gliladz zho Jesús meṉ ne nac Xpëëd me, ni gleynie zho samiech zho zigne psaṉle me diidz ga.

1 JUAN 4:12

Gard tso tib zha ne gaṉ Dios, per zha ne rleynie samiech, me ga nacnie zho; ni zigse zie dze dib zdooraa zho rleynie zho samiech zho.

1 JUAN 5:13

To ne nac to zha ne rnalole Xpëëd Dios, laa naa rzet miṉ rii lo to zeeṉa gacnaṉ to gaṉle laa to bgaale guieḻmban ne gdziṉdraa dze lozh ga.