9 per teḻne rieṉ zho lëbd xcuerp zho, dzigo mazd ctsieelnia zho. Mazd wena ctsieelnia zho, lëdle so zho tib zho ni teḻ rec rdzu zho.
tsod zha ne guiab led scada. ¿Pe nac nadieṉ ne squitaa rac to? Goḻguieṉ gaṉle nonguieḻda i squi lëëlëd dieeṉ pe rzhixcuaa to.
Per parne tsod pe yquiaaqui cho guṉ guieḻyozh, tsonie zho zha ne led tsieeld zho, mazd wena zigtaa mguiw, zigtaa wnaaw ctsieelnia zho, tib tib zho gbanniese zho tsieel zho zigne rieguiaḻa.
Zha ne racladzpagaa ctsieelnia, zigtaa mguiw zigtaa wnaaw, led doḻd ga guṉ zho teḻne laa zho ctsieelnia; per gacnaṉ zho gaṉle, zeeṉe laa zho pcatsieel-le, ib tedsod nroob guieḻnë ne gaṉ zho por grë miṉe noyac leṉ dze rii.
Zha ne quianie wnaa nguieg, teḻne rzac zho nonguieḻda ga scase ted lo xquieḻnguieg xpëëd zho, sinque none ctsieelnia zho, peet nacda, led doḻd ga ctsieelnia zho.
Nana, wnaa ne retgaa tsieel, nli zeeṉe mban tsieel zho rnabey ley ne tsieelse zho gbannie zho; per zeeṉe laa tsieel zho ret, zac ctsieelnia zho teḻ cho stib mgui ne racladz zho, totsaque zha ne noque xnëz Diosa.
Grë zha bgui, zeeṉe laa zho gnee lo tsieel zho, none niowse ndzinli gac zho;
Laa grë zha ne bii nguieg, ib yquiaad luu lë zho lo list co; sac nac wnaa nguieg, zeeṉe sob guic zho ctsieelnia zho, laa zho ctsieelnia stib. Loxaque guṉctal zho xtoḻ zho ga, teḻne glo rquiabladz zho guṉ zho xtsiiṉ Dios ni lozh ga laa zho csaanaquew.
Gacxe waa, racladz naa grëse wnaa nguieg ne sca ret tsieel, mazd ctsieelnia zho stib; zeeṉa yquiaanap zho xpëëd zho, yquiaanap zho ro lidz zho. Sca yguibd zho tso grë zha ne rlëëniele Xtiidz Jesús, gneenëraa zho zha ne rliladza.