1 CORINTIOS 7:18 - Zapotec Mixtepec: Diidz ne rdeed guielmban

¹⁸ Zig nac grë zha ne nole bey xcuerp zeeṉe laa zho rzëëb xnëz me, sca no zho bey co guṉd zho ne yqueets zhow. Zha ne na nodgaa bey co zeeṉe rzëëb zho xnëz me, scaque nod pe nacne tsopaa zho bey co.

1 CORINTIOS 7:18 ပူးပေါင်းရင်းမြစ်များ

HECHOS 15:5

Miṉ co quianee zho zeeṉe guso bla zha ne glo goc farisé rëb zho, grë zha ne nacd zha Israel zeeṉe laa zho rliladz Jesús ib none tso zho bey, ni none guṉ zho grëse miṉe rnabey Xley Moisés.

HECHOS 15:28

’Lo godiidz ne bdziuuṉ no, laa no bdziaṉle nonguieḻda ne dieṉ peraa gnabey no to guṉ to, ni niiclegaa Espíritu Sant scaque rnee me. Rquiind ne peraa guṉ to, lëëlew ga totsaque tsoxco to

HECHOS 15:24

’Niina ne gocndioṉ no laa bla zha ne nacgrë no nu biaad lo to i, biaadcots zho guic to dieṉ peraa no guṉ to. Gacnaṉ to gaṉle led nod pxeeḻ zho,

HECHOS 15:19

’Miṉ co nagoṉ grë zha zit ne rliladzle Jesús, ib nonguieḻda ga gnabey ne zho guṉ zho miṉe nac xley ne.

COLOSENSES 3:11

Zha ne bgaale guieḻmban cub rii, led yedraa zho cue dieṉ cho zha nac zha Israel, dieṉ cho zhagaa nac zha zit; dieṉ cho no bey, dieṉ cho nodgaaw; dieṉ cho ziaad guiedz nroob, dieṉ cho ziaadgaa guiedz win; dieṉ cho rac, cho gacdgaa; dieṉ cho ruṉ xtsiiṉ beṉ, dieṉ chogaa nac zha rnabey. Miṉe rquiinraa niina, nacne grëse zho guieṉ gaṉle Jesús nac meṉ ne mazdraa non, me none gnalo zho.

HECHOS 21:21

Grë zha ne no nu bin zho laa luu güeyseed grë meṉ wladz ne no guiedz zit, nac diidz blu luu lo zho tsienaḻdraa zho Xley Moisés, codraa zho xpëëd zho bey, niicle tsienaḻdraa zho grë zhiwseed xmeṉgol ne.