1 CORINTIOS 5:9 - Zapotec Mixtepec: Diidz ne rdeed guielmban

⁹ Lo stib guits ne pxeḻ naa lo to ga, laa naa psole diidz lo to gaṉle ctsieelsade to grë miech yozh ne ndzinlid mban.

1 CORINTIOS 5:9 ပူးပေါင်းရင်းမြစ်များ

1 CORINTIOS 5:10

Zeeṉe sca pso naa diidz lo to, guiabde to togo naca parne ctsieelsadraa to grë zha ne gard gliladz Xtiidz Dios, zha ne rquiangob zha ne led tsieeld, grë zha ne zienaḻ loxaque guṉlo dimi, grë zha ne ruṉ guieḻgbaan, grëgaa zha ne rnalo grë mdio. Led zha coda, sac laga mban ne lo guidzliu rii, ible zaṉlsa ne grë ne zho.

1 CORINTIOS 5:2

¡Yo na ne rzac to grële zhiwseed Dios naṉ to, gaxle zo to lo me! ¡Laa ne ctoladz to, laa ne tso to guieḻnë, cuee to zha qui lad to, leḻ no to rlozhd gacniats to!

1 CORINTIOS 5:7

Zha ne squi nac, masaque nac zho zig nac grë guieḻguidzdox ne znuse rded; goḻcueegazh zho sca, zeeṉa iṉe mbe gac to nëz lo Dios, tete to guieḻguidz qui. Goḻguieṉ gaṉle laa Jesús psaṉmbele ne, miṉcopaa gut me, goc me gon nëz lo Dios zig carner yeeṉ ne rgogon zho lo me lni Pascw.

2 CORINTIOS 6:14

Goḻguieṉ, guiabde to tipse gac to grë to zha ne gard sëëb xnëz Dios. Goḻgaṉ gaṉle, tib zha ne nole xnëz me, rdzieeld gac zho zig rac zha ne bii no lo doḻ. Zig nacgaa biini, zhaa nac biini, zhaagaa nac lo guieḻcow.

2 CORINTIOS 6:17

Gacxe waa, rbiire me rnee me: ¡Goḻriee lad grë zha qui, goḻbiche lo zho! Guṉde to grë ncuaaṉe ndzinlid ne ruṉ zho, goḻbig lo naa, naa ycaania to.

EFESIOS 5:11

Gaṉdzede to grë ncuaaṉe ndzinlid ne ruṉ grë zha ne no lo ncow, sinque goḻlisquiw;

2 TESALONICENSES 3:14

Teḻ cho zha ne nacgrë to i nëd gon diidz gban zho zigne rso no diidz nu, goḻwi dieṉ chow, dzigo ctsieelsadraa to zho; zeeṉa sca ctoladz zho.

2 TESALONICENSES 3:6

Bets zig zobwi Jesús, laa no rso diidz lo to: Teḻ cho zha ne nacgrë to i, nëdraa yquia dziin gdziniaa zho ncuaaṉe gow zho, ib ctsieelsade to zho; sac goṉ pseete no to miṉ co.