1 CORINTIOS 3:3 - Zapotec Mixtepec: Diidz ne rdeed guielmban

³ sacne laa to bii zienaḻ miṉe ruṉ miech guidzliu, laa ne guṉ to miṉe racladz Dios. Goḻguieṉ gaṉle zha rac to, no to rlozhd glëëlsa to, rlozhd tiḻlsa to. ¡Led squid goṉ no gac zha ne nole xnëz Dios!

1 CORINTIOS 3:3 ပူးပေါင်းရင်းမြစ်များ

ROMANOS 13:13

None ndzinli gban ne: dziuuṉd ne guieḻgonziu, dziuuṉd ne grë lni yozh, yquiangobd ne zha ne led tsieeld ne, dziuuṉd ne grë guieḻyozh ne racladz xcuerp ne, diḻnied ne samiech, glëënied ne zho zeeṉe stib noded zho.

1 CORINTIOS 1:10

Gacxe waa bets, bzian, laa naa rso diidz lo to niowse goḻgac, tsodiḻdraa to. Iṉe tipse goḻgac grë to, teḻ pe nac dziin ne guṉ to, teḻ pe rzac to, tipse goḻnee. Ne nligaa goḻgona, zig nac zeeṉe Jesúszhal noso diidz rii lo to.

1 CORINTIOS 1:11

Sac goṉ në tib zhalidz Cloé lo naa nodiḻlsa to i;

1 CORINTIOS 11:18

Ziyon naa gzobtaa zeeṉe rcaalsa to, pe na tsiegald tiḻdiidz to, laa ne tipse gac to leḻ rlëëlsa to. Ni rgobey naa nli scaw.

1 CORINTIOS 3:4

Pe i na rriee bla to rnee: “Teḻ no xnëz Pabl no no”, rrieequegaa zla zha ne rnee: “Teḻ no xnëz Apol no no.” Gase rlu gaṉle zienaḻde to miṉe racladz Dios, sinque laa to zienaḻ miṉe no guic to.

2 CORINTIOS 12:20

Sac goṉ, rdziladzd naa teḻne glanso naa lo to i, ni gaṉ naa racde to zigne racladz naa; dzigo niicle togaaw, tsod zdoo to zeeṉe gaṉ to laa naa glisquiw. Adeḻ goṉ zeeṉe laa naa glanso i, leḻ diḻ no to; zha ne në rac zdoo dieṉ cho stib noded, zha ne nozhixcuaa diidzguizh, zha ne quianeenë, zha ne quiayacniats; nend haxta chop tsoṉ diile nac to.

GALATAS 5:15

Per teḻ laa ne gleynie to zha ne nacgrë to, leḻ diḻ no to, zig ruṉ grë ma ne lëëque ma noquiaalaylsa, lëëque ma noyowlsa; dzigo lëëque to gnitlo to ga. ¡Guṉscade to!

TITO 3:3

Sac goṉ haxta ne, ib peet rieṉd ne glo, ntseeb goc ne, bdiits ne grë miṉe rnabey Dios; laa ne ziole nëz ne nitlo ne hor co, masaque bgadoo ne lo grëtaa ncuaaṉe racladz xcuerp ne, lo grëtaa ncuaaṉe ndzinlid ne bley ne bdziuuṉ ne. Niapse guieḻntseeb bionaḻ ne, në rac zdoo ne rdziaṉ ne ncuaaṉe quianie, ncuaaṉe ruṉ stib miech; zigtaa row rzhiizh zdoo zho goṉ zho ne, scaque ne, zha ne rdziaṉtaa ne, row rzhiizh zdoo ne bdziaṉ ne zho.

SANTIAGO 3:16

Zeeṉe sca në rac zdoo miech raṉ zho cho stib noded, zeeṉe sca tibaque no zho dieṉ zha guiaṉglaa zho lo samiech zho, loxaque diḻ, loxaque grë guieḻntseeb rzobni zho ga.

1 PEDRO 4:2

zëëb rguib zho gban zho zigne racladz Dios.