1 CORINTIOS 14:3 - Zapotec Mixtepec: Diidz ne rdeed guielmban

³ Saṉgue zha ne rgaa guieḻbiini rteed zho xtiidz Dios lo miech, miṉe rnee zho ga rquiina par tsoguicraa miech zha racladz me, par guieṉ zho pe nonguieḻ guṉ zho, ni rchoobladza zdoo zho.

1 CORINTIOS 14:3 ပူးပေါင်းရင်းမြစ်များ

LUCAS 3:18

Sca rnee me lo zho, par guieṉ zho zha nac Xtiidz Dios.

HECHOS 13:15

Blozhse bded zha ne blab lo guits ne pquiaa Moisés, ni blab zho miṉe pquiaa grëraa zha ne biadteed xtiidz Dios padzeela, dzigo laa meṉ ne rnabey yadoo co bnee lo Pabl grop Bernabé, rëb me lo zho: ―Teḻne racladz to gnee to chop lan xtiidz to, zac gnee tow niina.

HECHOS 14:22

güeynee zho lo grë zha ne rliladz Jesús ga, pchoobladz zho zdoo zho, pso zho diidz lo zho, niicle nroob guieḻnë ne noded zho per none tibaque gac guic zho tsienaḻ zho Xtiidz Dios; sac ible sca nzian ncuaaṉe ted zho laga gdziṉ dze ne gdziṉ zho zaatne rnabey Dios.

HECHOS 15:32

Blozhse ga, psilo Judas grop Silas pseed zho grë miech co Xtiidz Dios, zeeṉa dib zdooraa zho gnalo zho Dios; sac bdeed me guieḻbiini lo Judas grop Silas rteed zho xtiidz me lo miech.

HECHOS 4:36

Sca beeṉ tib meṉ ne nacgrë zho lë José. (Zha xtii Leví nac me, gol me tib lo guidzliu win ne no lo nisdoo lë Chipr; zha poxtl-le bleelë me Bernabé. Bernabé, nac zig nac ne rnee ne: Zha ne rchoobladz zdoo miech.)

HECHOS 9:31

Leṉ dze co, grëse miech ne no xnëz Jesús, zigtaa zha ne no Judé, zha ne no Galilé, zha ne nogaa Samar, nguieeḻ rac zho peet lo guieḻxtseeb nodraa zho; zigse zie dze rioguicraa zho zha nac Xtiidz Dios. Grëse zho rioxco zho mban zho zigne rnabey me, tibaque nacnie Espíritu Sant zho. Ni scagaa, zigse zie dze ndal grë miech ne rzëëbraa rcaania Xtiidz Dios.

ROMANOS 12:8

zha ne pso me gdeedlban miech, none lban gdeed zho. Zha ne pso me ygad, none dib zdoo zho ygad zho; zha ne pso me so gnabey, none ndzinlise gnabey zho; zha ne pso me cchoobladz zdoo zha ne mban noded, none nley gac zho tsienee zho lo miech.

ROMANOS 14:19

Goḻtsoxco sca, guṉde to ncuaaṉe codiḻ to grë zha ne nacgrë to; zeeṉa tipse gac to lozh tsoguic to zha racladz Dios gban to.

1 CORINTIOS 10:23

Zig rne naa ga: “Nli zac guṉ ne ncuaaṉe gacladztaa ne, per led grëda nonguieḻ.” Teḻ naa, zrieelo guṉ naa ncuaaṉe gacladztaa naa, per led grëda yquiin par guṉ naa xyudar grëraa zha bets ne, lozh tsoguic zho Xtiidz Dios;

1 CORINTIOS 14:12

Nana sca, zha ne rquiabladz ygaa guieḻbiini ne rneedz Espíritu Sant, gnab zho ygaa zho miṉe grieelo yquiin lo grëraa zha ne nacgrë zho, zeeṉa grë zho tsoguic zha racladz Dios gban zho.

1 CORINTIOS 14:17

Niicle ne ndzon sca nodeed ne xquizh lo Dios, per zha ne noquiaadiaga ga, paat yquiinda lo zho.

1 CORINTIOS 14:26

Bets, bzian, goḻguieṉ sca zeeṉe ycaalsa to cseed to Xtiidz Dios, zigtaa zha ne gooḻa, zha ne cteed xtiidz Diosa, zha ne gnee stib diidza, zha ne gneegaa zha nac diidz co, none tsienie guic zho miṉe guṉ zho ga laaw yquiin parne tsoguicraa los demas zho zha racladz Dios gban zho.

1 CORINTIOS 14:31

Sca none gaca, none tibga tibga zho gnee, zeeṉa grëse zha ne ndxie grieelo gon zho dieṉ pew, parne cseed zho, ni gacnguieeḻraa zho lo Xtiidz Dios.

1 CORINTIOS 8:1

Stib wnabdiidz ne ruṉ to ga, dieṉ zha nac guieḻwagw ne rgogon zho lo grë mdio, pe zrieelo gdioowa, te grieeloda ye. Zootle na grële to naṉ miṉ co; per no hor zeeṉe squi rzac ne grëlew naṉ ne, leḻ racniats ne, laa ne gacndooladz ne gnee ne lo grë zha ne nacgrë ne dieṉ zha guṉ zho parne tsoguicraa zho Xtiidz Dios.

2 CORINTIOS 1:4

lo grëtaa guieḻnë ne rdieed ne. Ni laa me rchoobladz zdoo ne goṉ, zeeṉa scagaa grëraa zha ne rdziaṉ ne no guieḻnë, mban rac zho, guio ne guiochoobladz ne zdoo zho zigne rchoobladzaque me zdoo ne.

2 CORINTIOS 2:7

Goḻguiaaṉladz miṉe beeṉ zho ga, goḻneewen lo zho stib, goḻchoobladz zdoo zho zeeṉa gacmband zho. Sac teḻne csaanladz to zho, nend scase lozh guiuu zho lo xquieḻnë zho.

EFESIOS 4:29

Gneede to diidznë, sinque diidz ne ndzinli, diidz ne yquiin goḻnee, zeeṉa zha ne gona iṉe cchoobladza zdoo zho, iṉe yquiina lo zho.

EFESIOS 6:22

Miṉcopaa ziaad me i, ziaadnie me diidz zha no no nëz rii, zeeṉa iṉe gley to tsoxcoraa to miṉe rliladz to.

COLOSENSES 4:8

Ga nagoṉ laa naa rxeḻ me, me gnë lo to gaṉle zha no no nëz rii, ni gnee me lo to zeeṉa cchoobladz me zdoo to.

1 TESALONICENSES 2:11

Masaque rziaac no to zig rzac tib dad xpëëd zho, blactaa pchoobladz no zdoo to, bloonley no zdoo to tib tib to;

1 TESALONICENSES 2:3

Ni diidzli nac miṉe pseed no to, choot biaate par nquidiee no to, niicle biaategaa no par dieṉ pe niaadla no lo to.

1 TESALONICENSES 4:1

Zig zobwi Jesús meṉ ndzon ne rnabey, laa no rso diidz lo to: zigse zie dze goḻtsoxcoraa gban to zigne rdziladz Dios,

1 TESALONICENSES 4:18

Nana sca miṉe rne naa nu, goḻsodiidza lo grëse zha ne nacgrë to; zeeṉa conley to zdoo zho.

2 TESALONICENSES 3:12

Zig zobwi Jesús meṉ ne rnabey ne, laa no rso diidz lo zha ne sca ruṉ: none guṉ zho dziin gdziniaa zho ncuaaṉe yquiin zho.

1 TIMOTEO 1:4

Bnee lo zho, csaan zho grë cuent gox qui, zhale noyuṉnroobraa gooṉ dieṉ zharaa, peraa beeṉ grë xmeṉgol ne. Ncuaaṉe paat rquiind ga, loxaque ruṉctiḻdiidza miech; mazd lo lal ne nodiḻdiidz zho, tsoxco zho cseed zho miech gaṉle pe nactaa grë guieḻnzaac ne rgaa grë zha ne rquiabladz dib zdoo rliladz Jesús.

1 TIMOTEO 4:13

Laga gaḻ dze ne glanso naa i, bioxco blab Xtiidz Dios lo grëse zha bets ne, zha bzian ne i, bnee lo zho zha naca, bnee diidz ne conley zdoo zho; zeeṉa iṉe nguieeḻ gac zho.

1 TIMOTEO 6:2

Scaquegaa grë zha ne ruṉ xtsiiṉ meṉ ne rliladzle Xtiidz Dios, none gon zho miṉe rnabey me zho; led guiabd zho por bets zhow, guṉ zho miṉe racladztaa zho. Ni gale none tsienie guic zho wenraa grieequia grë dziin ne noyuṉ zho; sac goṉ lo tib meṉ ne no xnëz Dios ga, lo tib meṉ ne rleynie zho ga yquiin xtsiiṉ zho. Grëse miṉe none naa lo luu nu, pseed grë miech quiw, ni pso diidz lo zho guṉ zhow.

TITO 1:9

Ni none tibaque tsienaḻ zho miṉe nac Xtiidz Jesús, miṉe pseed zho; zeeṉa guieṉ zho zha gnee zhow lo grë zha ne gard tsoguic zha naca, ni grieelo zho glu zho lo grë zha ne rlëënie Xtiidz Jesús, guieṉ zha co nonguieḻda ga glëënie zhow.

TITO 2:15

Grë miṉ rii nagoṉ pseed grë miech qui, bnee lo zho gban zhow. Zeeṉe riegala gdzieebd luu goctox lo zho, sac goṉ luu rieguiaḻ gnee lo zho. ¡Sca beeṉ, zeeṉa choot quitnied luu!

TITO 2:6

Ni scaquegaa bnee lo grë zha bgui nguieg, gac zho zha nix biini.

TITO 2:9

Grë zha ne lega ruṉ xtsiiṉ beṉ, pso diidz lo zho gon zho xtiidz meṉ ne quia zho xtsiiṉ, niowse gac zho, niowse gnee zho, yquiabrod zho lo me.

HEBREOS 10:25

Dze ne nacle diidz ycaalsa ne dziooḻnie ne Dios, ible none ycaalsa ne grëse ne, guionaḻd ne miṉe ruṉ grë zha ne rzozit. None cso ne diidz lo grë zha ne nacgrë ne, conley ne zdoo zho dziits so zho lo miṉe rliladz ne; xco co none dzio ne niina ne laa dze ne guiaad Jesús ziaadgaxle.

HEBREOS 13:22

Bets, bzian, laa naa rnab lo to ib glëëd guic to, goḻcaania palalse diidz ne pso naa lo to nu.

HEBREOS 3:13

Gzataa dze, goḻnee lo grë zha ne nacgrë to (nasraa laga rdeeda diidz), zeeṉa ni tib tsienaḻd grë ncuaaṉe ruṉctal xtoḻ miech, lozh ga lëëw yquiaaqui gacntseeb to lo Dios.

1 PEDRO 5:12

Laa naa rxeḻ guits rii lo bets ne Silas, ziaadnie mew lo to, bets ne rne naa me, sac nligaa dib zdoo me rleynie me Dios. Miṉe rne naa lo to lo guits rii, laaw rne naa sac racladz naa guieṉ to gaṉle pa lotaa noxco Dios to, pa lotaa rleynie me to; zeeṉa tiblique gac to gbichede to lo me.

JUDAS 1:20

Bets, bzian, goḻguieṉ sca tibaque dziits goḻso lo Xtiidz Dios miṉe rliladz to. Goḻzodiidznie Dios, zigne csiaab Espíritu Sant zdoo to.