1 CORINTIOS 13:4 - Zapotec Mixtepec: Diidz ne rdeed guielmban

⁴ Sac goṉ zha ne nli mban zigne nac guieḻwleynie co: rieednied zho samiech zho, wen rac zho lo samiech zho, racnëd zdoo zho, niicle raṉ zho wenraa noded stib miech lo zho, ruṉd zho ne lëëque zha guṉnon zho, racniatsd zho lo samiech zho,

1 CORINTIOS 13:4 ပူးပေါင်းရင်းမြစ်များ

MATEO 27:18

Sca rëb Pilat sac bieṉ Pilat loxaque porne ndal miech nobig lo Jesús miṉ co ne rlëënie zho me, bnabey zho bgaa me.

HECHOS 7:9

’Ziese pxozgol ne ga, blëënie zho bets zho zha ne lë José, pto zho José lo meṉ ne zie wto nëz Egipt. Ni ne nacnie Dios José,

ROMANOS 1:29

Nroobdoo nac xtoḻ zho, sac: rsacsixuu zho samiech zho, rzoobladz zho ncuaaṉe quianied zho, racntseeb zho lo samiech zho, në rac zdoo zho raṉ zho stib noded samiech zho, rut zho samiech zho, rtsidiḻ zho samiech zho, rquidie zho samiech zho, rquiadiidzguizh zho samiech zho, miech yozh nac zho,

ROMANOS 13:13

None ndzinli gban ne: dziuuṉd ne guieḻgonziu, dziuuṉd ne grë lni yozh, yquiangobd ne zha ne led tsieeld ne, dziuuṉd ne grë guieḻyozh ne racladz xcuerp ne, diḻnied ne samiech, glëënied ne zho zeeṉe stib noded zho.

1 CORINTIOS 3:3

sacne laa to bii zienaḻ miṉe ruṉ miech guidzliu, laa ne guṉ to miṉe racladz Dios. Goḻguieṉ gaṉle zha rac to, no to rlozhd glëëlsa to, rlozhd tiḻlsa to. ¡Led squid goṉ no gac zha ne nole xnëz Dios!

1 CORINTIOS 4:18

Rieṉ naa no bla niats ne nac to i, rzac nlidraa guiaḻ naa lo to i stib.

1 CORINTIOS 4:6

Bets, bzian, niina ne nozet naa no lo to nu grop no Apol, quiayuṉnond naa naa, niicle nosaṉwindgaa naa me. Ga sca gaṉle goḻwi, zeeṉa cseed to gban to zigne nac Xtiidz Dios, tsode to lozhd dieṉ cho non, chogaa nond.

1 CORINTIOS 5:2

¡Yo na ne rzac to grële zhiwseed Dios naṉ to, gaxle zo to lo me! ¡Laa ne ctoladz to, laa ne tso to guieḻnë, cuee to zha qui lad to, leḻ no to rlozhd gacniats to!

1 CORINTIOS 8:1

Stib wnabdiidz ne ruṉ to ga, dieṉ zha nac guieḻwagw ne rgogon zho lo grë mdio, pe zrieelo gdioowa, te grieeloda ye. Zootle na grële to naṉ miṉ co; per no hor zeeṉe squi rzac ne grëlew naṉ ne, leḻ racniats ne, laa ne gacndooladz ne gnee ne lo grë zha ne nacgrë ne dieṉ zha guṉ zho parne tsoguicraa zho Xtiidz Dios.

2 CORINTIOS 12:20

Sac goṉ, rdziladzd naa teḻne glanso naa lo to i, ni gaṉ naa racde to zigne racladz naa; dzigo niicle togaaw, tsod zdoo to zeeṉe gaṉ to laa naa glisquiw. Adeḻ goṉ zeeṉe laa naa glanso i, leḻ diḻ no to; zha ne në rac zdoo dieṉ cho stib noded, zha ne nozhixcuaa diidzguizh, zha ne quianeenë, zha ne quiayacniats; nend haxta chop tsoṉ diile nac to.

2 CORINTIOS 6:6

Ne nligaa rdzioxco no ndzinli mban no, choot rieetede, wen wen rdziuuṉbey no zha nac Xtiidz Dios, sca raṉ miech gaṉle ne nli Dios pxeeḻ no. Dib zdoo no rleynie no samiech no, wen rac no lo zho, zilu no gaṉle pa lotaa racnie Espíritu Sant no.

GALATAS 5:26

Dzigosi gacniatsdraa ne lo samiech ne, tsienaḻdraa ne dieṉ cho glaaraa guiaaṉ, tso ne në gac zdoo ne gaṉ ne grë ncuaaṉe rap zho, ncuaaṉe racgaa zho.

EFESIOS 4:2

Goḻgac tib miech ndooladz, tib miech wen, tib miech nlëëguicd, tib miech ne guieednied samiech sinque iṉe gleynie to zho.

EFESIOS 4:32

Sinque none: wen gac to lo samiech to, goḻquia zdoo samiech to, goḻguṉ samiech to perdon, zigne beeṉaque Dios to perdon zeeṉe laa to beeṉbey Jesús.

FILIPENSES 1:15

Parga nli no stib dii zha ne psilo noyuṉ dziin co, per laa zho noyuṉa loxaque par dieṉ zha guiaṉnziuu zho, sac në rac zdoo zho raṉ zho zha none naa Xtiidz me. Per zigne no zha ne sca nac, noque zha ne nli dib zdoo zho quiaseed zho miech.

COLOSENSES 1:11

Ni rnab no lo me, niapse por poder ne rap me guṉndip me zdoo to, guṉndip me guic to; zeeṉa niicle teḻ pe nactaa guieḻnë ne gaṉ to, ib peet tsienied guic to, ib sacxuude to,

COLOSENSES 2:18

Ib gliladzde to xtiidz grë zha ne squi racladz csozit to lo Dios, niicle squitaa rquiaalo zho ndooladz rac zho, squitaa rleynie zho grë anjl, rnee zho gooṉ dieeṉ pe ncuaaṉe gbaa ne zielulo lo zho, lëëque lëë zho rlozhd guṉniats zho por grë zhiwseed zho.

COLOSENSES 3:12

Goḻgaṉ gaṉle, zha nquialadztaa Dios to, ib laa me ble to gac to miech ne ygab xnëz me. Zaacse sca goḻban, ne nlipaa dib zdoo to: goḻquia zdoo samiech to, niowse goḻgac lo samiech to, ndooladz goḻgac lo samiech to, nguudzladz goḻgac lo samiech to, guieedniede to samiech to.

1 TESALONICENSES 5:14

Teḻ cho zha ne nacgrë to i, rsilo quiayacgbech, goḻgactox lo zho, zeeṉa guieṉ zho guṉ zho dziin. Grë zha ne quiasaan Xtiidz Dios, goḻnee lo zho zeeṉa gleynie zhow stib; grëgaa zha ne gard tsoguicpaa zha naca, goḻguṉ xyudar zho tsoguic zhow; niicle grëragaa zha ne nacgrë tow, ib guieedniede to zho.

1 TIMOTEO 6:4

Zha ne sca rlu stib wseed, lega: tib miech niats ga nac zho, ible peet rieṉd zho, ruṉbeyd zho miṉe nac diidzli, rdziladz zho rdiḻdiidznie zho miech; ga rlan, laa miech rdiḻlsa, laa miech rlëëlsa, laa miech rbidzgolsa; rlozh ga, rliladzdraa zho pe rnee samiech zho. Masaque naṉ zho teḻne sëëb zho xnëz Dios, nroob dimi ne guṉlo zho. ¡Bieṉ ib ctsieelsad luu zha co!

2 TIMOTEO 2:25

ndooladz gac zho gnee zho lo zha ne rlëënie Xtiidz Dios. Ni scagaa Dios cxobnia guic grë zha co, yguudz zdoo zho csaan zho grë xquieḻntseeb zho, gacnaṉ zho miṉe nac diidzli;

2 TIMOTEO 3:10

Saṉgue luu, naṉle luu gaṉle zha nac grë miṉe pseed naa luu. Wen wen naṉ luu gaṉle zha mban naa, pe no guic naa guṉ naa, zha dib zdoo naa rliladz naa Dios, zha dib zdoo naa rleynie naa samiech naa, rieednied naa zho.

TITO 3:3

Sac goṉ haxta ne, ib peet rieṉd ne glo, ntseeb goc ne, bdiits ne grë miṉe rnabey Dios; laa ne ziole nëz ne nitlo ne hor co, masaque bgadoo ne lo grëtaa ncuaaṉe racladz xcuerp ne, lo grëtaa ncuaaṉe ndzinlid ne bley ne bdziuuṉ ne. Niapse guieḻntseeb bionaḻ ne, në rac zdoo ne rdziaṉ ne ncuaaṉe quianie, ncuaaṉe ruṉ stib miech; zigtaa row rzhiizh zdoo zho goṉ zho ne, scaque ne, zha ne rdziaṉtaa ne, row rzhiizh zdoo ne bdziaṉ ne zho.

SANTIAGO 4:5

Goḻgaṉ gaṉle, zha rnee lo Xtiidz Dios: “Espíritu Sant, meṉ ne pxeeḻ Dios nacnie ne, rleynie me ne, ni racladzd me zhaa ncuaaṉe gleynie ne laa ne gleynie ne me.”

1 PEDRO 2:1

Nana sca: guṉdraa to grë guieḻntseeb, yquidiedraa to samiech to, guṉdraa to ne laglaase glu to guieḻwen, gacnëd zdoo to gaṉ to cho zha stib noded, gzhixcuaadraa to diidzguizh.

1 PEDRO 3:8

Nana sca, tipse goḻgac grë to. Iṉe niowse goḻleynie zha ne nacgrë to, miech wen, miech ndooladz goḻgac.

1 PEDRO 4:8

Iṉe goḻleynie grë zha ne nacgrë to, sac zeeṉe nlipaa rleynie ne samiech ne, teḻ pe falt ne guṉtaa zho zrieelo cteed new zdoo ne.

1 JUAN 4:11

Bets, bzian, zigne scataa rleynie Dios ne, scaquegaa ne nagoṉ none gleynie ne samiech ne.