1 CORINTIOS 13:2 - Zapotec Mixtepec: Diidz ne rdeed guielmban

² Teḻ niaca miṉe rteed naa xtiidz Dios lo miech, rieṉ naa pe nac miṉe naraa cxobneṉ me, grëse wseed ne no rieṉ naa, ni rleynied naa samiech naa, ¡paat rquiinda! Teḻ dib zdoogaa naa rnalo naa Dios, haxta ncuaaṉe mazdraa ngaṉ rnab naa ruṉ mew, ni rleynied naa samiech naa, ¡peet nonda!

1 CORINTIOS 13:2 ပူးပေါင်းရင်းမြစ်များ

MATEO 13:11

Pquiab me rëb me: ―Teḻ to, Dioszhal rlu lo to zha rnabey me, niicle ncuaaṉe mazdraa ngueetsa; laa grëraa miech ne gard gbig lo me, grieelod guieṉ zhow.

MATEO 17:20

Dzigo rëbchaa me: ―Brieelode to niuṉcxooṉ to ma, sacne rnalode to Dios. Teḻ niaca miṉe rnalole to Dios siquier palal yeeṉ, gzoob ne siquier lal tib midz moxtaz, niicxe ncuaaṉe mazdraa ngaṉ gnab to lo me, zuṉ mew; tsod ncuaaṉe grieelod guṉ to.

MATEO 21:19

Goṉ me zob tib yag guigw gax ro nëz, dzigo güey me güeyso me low dieṉ pe ndzield tib nex low niow me. Bdziṉ me goṉ me loxaque zhiblagsew zëëb, nacne rëb me low: ―¡Lëë blozh xtse luu nu goṉ! ¡Gdziṉdraa dze ne yquia nex lo luu!

MATEO 21:21

Pquiab me rëb me: ―Gneli naa lo to gaṉle, teḻne dib zdoo to rnalo to Dios, niicle ncuaaṉe mazdraa ngaṉ gnab to lo me, zuṉ mew. Lëëraasi none dib zdoo to gliladz to zaca, ni palal gacchopd guic to.

HECHOS 13:1

Lo grë zha ne rliladz Jesús Antioquí, nzian zha ne noteed Xtiidz Dios, nzian zha ne rseed miech Xtiidz Dios no lo zho. Lad grë zha co no Bernabé, no ti mgui lë Simón ne rnee zho “Meṉ Yaas”, no ti meṉ Ciren lë Lus, gaque no Saul, ni ti meṉ lë Manaén, bets pchoob Herod.

ROMANOS 11:25

Bets, bzian, laa naa gni lo to gaṉle zha nac miṉe no guic Dios guṉ me. Niicle ne rieṉd miecha niina, per racladz naa gacnaṉ tow, zeeṉa gacniatsde to ne squi bzooblo me to: Nli ndal zha Israel racndip zdoo zozit zho lo me niina, per zeeṉe laa grë miech stib guiedz blozh wbig lo me,

ROMANOS 15:14

Bets, bzian, naṉle naa zha wen nac to, nacde to zha ne csaṉ zdoo stib zho; rieṉle to zha racladz Dios gban to, rieṉle to zha cso to diidz lo grë zha ne nacgrë to;

ROMANOS 16:25

Laa naa rsaṉ to ladznia Dios, me gacnieṉ to lozh sodziits to lo Xtiidz me, miṉe none naa lo miech. Haxta zeeṉe gard tsaa guidzliu, znu no guic Dios csilaa me grë miech lo xtoḻ zho, per choot gocnaṉda, naraa laaw bzhoobneṉ.

1 CORINTIOS 11:4

Gacxe waa, teḻ tib zha bgui yase nozodiidznie zho Dios, quiateedgaa zho xtiidz me, ni zob xombrel zho; xquieḻto Jesús ga rbee zho.

1 CORINTIOS 12:28

Ni zigne sca tib tib part ne niaa cuerp nose zaatne rquiina, scaquegaa grëse zha ne no xnëz me, bzose Dios zho pe nac dziin ne guṉ zho: no zho rienee xtiidz me lo miech, no zho rteed xtiidz me lo miech, no zho rseed miech xtiidz me, no zho rnab lo me rac grë milagr nroob, no zho rnab lo me riac meṉ rzacnë, no zho rioxco ruṉ xyudar grë miech, no zho rzo rac zho zha rnabey, nogaa zho rnee grë diidz ne gard cseed zho.

1 CORINTIOS 13:1

Miṉe mazdraa rquiin goṉ nac ne gleynie ne samiech ne. Teḻ niaca miṉe bgaa naa guieḻbiini rne naa grë lose diidz ne rnee miech, haxta grë diidz ne rnee xanjl Dios rne naa, ni teḻ rleynied naa samiech naa, ¿pa dieṉ rquiin rac naa grëtaa diidz co? Rrieequia nac naa ga zig tib lë guiib ne loxaque rzedz.

1 CORINTIOS 13:3

Teḻ quiizgaa naa grë ncuaaṉe quianie naa lo grë zha ne guieṉd pe yquiin, haxta gded naa naa tsec naa, per teḻ rleynied naa samiech naa, ¡zhlëse ga guṉ naa miṉ co!

1 CORINTIOS 13:8

Zdziṉ dze yquiindraa cho cteed xtiidz Dios lo miech, yquiindraa gnee zho stib diidz, yquiindraa grë guieḻrac, saṉgue guieḻwleynie gdziṉd dze ne nitlow.

1 CORINTIOS 14:29

Scaque zha ne cteed xtiidz Dios, choptaa zho, tsoṉtagaa zho gneew, laa grëraa zha ne ndxie none yquiaadiag zho miṉe nonee zho. Teḻne lëëtaque nonee tib zho, ni csiaab Dios guic stib zho gnee, dzigo none cuëz zha ne quianeele ga zeeṉa grieelo gnee zha co.

1 CORINTIOS 14:39

Sca nagoṉ naca. Goḻtsoxco sca ygaa to guieḻbiini cteed to xtiidz Dios lo miech, zeeṉa gacnaṉ zho zha racladz Dios gban zho; per scagaa, ib ycade to teḻ cho zha ne rnee stib diidz.

1 CORINTIOS 14:4

Tib zha ne sca rnee stib diidz, lose zho rquiin guieḻbiini co, sac zhase rioguicraa zha racladz Dios; saṉgue zha ne rteed xtiidz me, diidz ne rnee zho rquiina lo grëraa zha ne no xnëz me, grëse zho rioguicraa zha racladz me.

1 CORINTIOS 15:51

Wen wen goḻzoobdiag miṉe gne naa lo to nu gaṉle, wlaltaa choot gard gacnaṉa: Grëse ne ne nac ne zha ne rnalo Jesús, gaḻ dze co zigtaa zha ne mbana, zha ne gutlegaaw ible stsëë Dios xcuerp ne.

1 CORINTIOS 16:22

Grëse zha ne goṉ nëd gleyniepaa Jesús, miech ndziibdeele ga nac zho. ¡Ni ile goṉ ziaad me!

1 CORINTIOS 4:1

Goḻguieṉ sca tib moz winse nac no lo Jesús, laa me bzoo no noseed no miech xtiidz me miṉe gocnaṉd miech padzeela.

1 CORINTIOS 7:19

Miṉe mazdraa non lo me, gban zho zigne rdziladz me, guieṉdraa ne dieṉ cho no bey, chogaa noda.

1 CORINTIOS 8:4

Zhapaa dzigo gaca, ¿pe wena dioow ne xpëël grë ma ne rgogon zho lo mdio ga, te wenda ye? Ndioṉle ne gaṉle grë mdio ne riegaṉ miech led Diosd ga, tibaque meṉ ne nac Dios no.

2 CORINTIOS 12:11

¡Nligaa lega guieḻnxenle nu znu rne naa, rac naa zig tib zha ne rzhiṉle guic! Per to goṉ rap doḻ, sac laa ne cxobneṉ to nli miech wen no, leḻ zhaa miṉe noyuṉ to. Nli nacd naa cho zha non, per tsod ncuaaṉe csaṉwin grë zha qui naa, niicle ne squitaa rzac zho zha rieṉ nac zho, niicle ne rnee zho Dios pxeeḻ zho.

GALATAS 5:16

Gacxe, laa naa rnab lo to: Goḻtsoxco goḻban zigne racladz Espíritu Sant, ni me gacnieṉ to; led tsode to dieṉ zha guṉ to grë ncuaaṉe ndzinlid ne racladz xcuerp to.

GALATAS 5:22

Saṉgue zha ne zienaḻ miṉe racladz Espíritu Sant, znu nac zha co: rleynie zho samiech zho, tibaque nguieeḻ rac zho, peet dzeb nonied guic zho, rxecw zho, rieedniobd zho, niowse rnee zho lo samiech zho, niapse ncuaaṉ wen ruṉ zho lo samiech zho, ruṉ zho miṉe rnee zho guṉ zho,

GALATAS 6:3

Teḻ zha ne rzac zha non nac zho, ni laa zho peet nond zho; lëëque zha noguitnie zho ga.

EFESIOS 3:4

Zeeṉe glab tow i, dzigo guieṉ to gaṉle ne nli naṉ naa zha nac grë miṉe guṉ Jesús, miṉe mese naṉ.

EFESIOS 6:19

goḻnab lo me gacnieṉ me naa, csiaab me guic naa pe nac miṉe gne naa, peet dzeb tsod lo naa gne naaw lo miech; zeeṉa gacnaṉ zho gaṉle, zha nac Diidz Ndzon ne rnee zha laa miech lo doḻ, miṉe choot gocnaṉd glo.

COLOSENSES 1:26

Diidz ndzon ne gocnaṉd grëtaa zha gol ne ziyaadmban wlal ne bre guidzliu, laaw gocnaṉ grë zha ne no xnëz me niina.

1 TIMOTEO 3:16

Ne nligaa nroobdoo nac wseed ne ziaad lo Xtiidz Dios, miṉe rliladz ne, ngaṉ guieṉ miech zha naca. Nu raquiet miṉe beeṉ me: Goc Jesús miech biaad me lo guidzliu, ni blu Espíritu Sant gaṉle ne nli Xpëëdpaa Dios nac me; ni goṉ grë anjl me. Brieets bliaaḻ Xtiidz me grë guiedz, ndaldoo miech ne bliladz gaṉle cho nac me, blozh ga biire zey me lo guieḻndzon ne no me gbaa.

1 JUAN 4:8

Laa grë zha ne rleynied samiech, ruṉbeyd zho Dios ga gane sca ruṉ zho; sac goṉ ib Dios rneedz guieḻbiini lo ne gleynie ne samiech ne.