ROMANOS 3:10 - Zapotec Santa María Quiegolani

¹⁰ Porke re lo xgyiich Dëdyuzh: Yët mén ne rlaadet dol, axtegue ni te men yëtet;

ROMANOS 3:10 ပူးပေါင်းရင်းမြစ်များ

ROMANOS 3:23

porke yrandxee men wlaa dol, ni te men ryaldet yganen xgyelenzoon Dëdyuzh.

MATEO 15:19

Porke lextoo mén nuu yra ne mal ne rlebleedx men, zegnak ne rket men semén men, zegnak ne rkano men mén ne nakdet lzaa men, zegnak ne rkanogue men xkompanyer men chene gardet ytsëlnya men, zegnak ne rbaan men, zegnak ne rkagyii men semén men, no le zegnak ne rninyaan men lo semén men.

TITO 3:3

Porke chekwlo no ke be wlaa ne bat rkyiindet, wondet be diiz, wak be zegnak mén ne che wyab, wak be zegnak mén ne che wdoo lo yrandxee ne rdeben be no le lo yra ne rlaan led be, wlaa be ne mal, wakmbidye be, winyaan mén be no winyaan ke be mén.

MARCOS 10:18

Wke Ne re Ne: ―¿Penak na de ne wen noo? Yët menwen; nonchee Dëdyuzh wen.

1 PEDRO 1:16

Porke lo xgyiich Ne re: “Ylaadet de dol, porke noo rlaadet noo dol.”

ROMANOS 3:4

Slaa No; nyaalzhe yrandxee mén rkade, per laa Ne si nli rlaa Ne ne re Ne ne ylaa Ne, zegne re lo xgyiich Ne: Yrandxee mén gaknan ne nli rnii de, no bet gundet men gan ykagyii men de.

APOCALIPSIS 22:15

Per le yra men ne nak zegnak mëëk, yra men ne rlaa gyelebruj, yra men ne rkanogue xkompanyer chene gardet ytsëlnya men, yra men ne rket mén, yra men ne rzaknon mdoo, no yra men ne tebegue rkade no ne rtseleedx rkade, fwer gyan men yra men.

APOCALIPSIS 21:8

Per le mén ne rdxe, no le mén ne rlaleedxdet noo, no le mén ne rlaa ne nzaz, mén ne rket semén, mén ne rkanogue xkompanyer chene gardet ytsëlnya men, mén ne rlaa gyelebruj, mén ne rzaknon mdoo, mén ne noze rkade, yra mén guin che nunla men ne tsa men lo gyirenii ne rasbël kon azufre. Gyirenii guin nak gyelgut ne wrup.

ROMANOS 11:8

Zegne zëëd lo xgyiich Dëdyuzh ledne re: “Wlankeb Dëdyuzh xgyeryen mén; mase rwii men per nak men zegnak men ne rwiidet; mase ron men diiz per nak men zegnak men ne bet rondet, no zengategue nak men axtegue naaree.”

ROMANOS 3:11

yët mén ne rdee kwent, yët mén ne rlaan ye Dëdyuzh.