ROMANOS 10:9 - Zapotec Santa María Quiegolani

⁹ ne belne rzëët de ne Jesucrist nak ne rnebééy lo de no belne rlaleedx de ydeblextoo de ne Dëdyuzh wneban Ne, sláá de lo dol.

ROMANOS 10:9 ပူးပေါင်းရင်းမြစ်များ

LUCAS 12:8

’Yna noo lo de yra de, mén ne rzëët lo mén ne xpén noo nak men, laake no Men ne wdxiid wak Mén yzëët lo yra xangel Dëdyuzh ne xpén men nak mén guin.

HECHOS 16:31

Wke Pabel yrup Pabel Silas, re Pabel: ―Gulaleedx Jesucrist, chen zenga gak perdon xdol de yra de xfamilye de.

FILIPENSES 2:11

no yrandxee men gue ne laa Jesucrist nak ne rnebééy, chen saknzoonre men Dëdyuzh Xuz Ne.

1 PEDRO 1:21

Por laa Ne rlaleedx de Dëdyuzh. Laa Dëdyuzh wneban Ne no wdee gyelenzoon lo Ne, chen ylaleedx de Dëdyuzh ydebgyiky ydeblextootee de no chen ykalo de Dëdyuzh.

ROMANOS 8:34

Yët neguin ne ykyeen mén ne sakzi men, porke laa Jesucrist nak ne wet por laa men no wban ke Ne, no naaree naa le Ne zob koo Dëdyuzh ladbëë rnab Ne lo Dëdyuzh por laa be yra be men.

ROMANOS 14:11

Porke re lo xgyiich Ne chene re Ne: Noo mbán noo. Lo noo nak ne suzhib yrandxee mén no yrandxee mén gue ne Dëdyuzh nak noo.

1 CORINTIOS 12:3

Por neguin nak ne ynague noo lo de yra de ne ni te mén ne raknonen Espíritu Sant gakdet ynii dizmal por Jesucrist, no ni te mén gakdet gue ne laa Jesucrist rnebééy belne raknonden Espíritu Sant men.

2 JUAN 1:7

Ndal mén ne rkade nuu gyëzlyu, rlaleedxdet men ne wdxiid Jesucrist gyëzlyu zegnak mén. Men ne nak zenga, te mén ne rkade nak men, xkonter Crist nuu men.

JUAN 9:22

Re xegwzan mgyeey guin zenga por ne rdxe men men-Israel, porke che tese wak men-Israel ne kwaskyertee mén ne gue: “Jesus nak Crist”, ydeedetre men si tsa mén guin lenydoo.

HECHOS 8:36

Zhich guin chene wdxiin men yrup men Blib te ledne nuu nis, re men lo Blib: ―Nee nuu nis; ¿pe gakdet yrobnis noo?

HECHOS 2:24

Per wneban Dëdyuzh Ne no wselaa Dëdyuzh Ne lo gyelgut, porke gundet gyelgut gan lo Ne.

HECHOS 2:32

Naaree naa le Dëdyuzh che wneban Jesus guin; no wii noo yra noo ne nli wban Ne.

ROMANOS 4:24

sinke no ke laa be yra be wun Dëdyuzh kwent zegnak te men ne nunk wlaadet dol por ne wlaleedx be ne laa Ne wneban Jesucrist

ROMANOS 10:10

Porke por ne rlaleedx me ydeblextoo me, neguin rak perdon xdol me, no por ne rzëët me ne Jesucrist nak ne rnebééy lo me, laa we ylaa ne yláá me lo dol.

ROMANOS 14:9

Porke por neguin wet Jesucrist no wban ke Ne chen ynebééy Ne menmbán menguttee.

1 JUAN 4:15

Kwaskyertee mén ne rlaleedx ne XPee Dëdyuzh nak Jesucrist, lo Dëdyuzh ngab men no laa Ne raknonen men.