MATEO 9:8 - Zapotec Santa María Quiegolani

⁸ Ne wii yra mén neguin ne wak, wdxe men, wzelo men wzaknzoon men Dëdyuzh por ne wdee Dëdyuzh poder guin lo mengyëzlyu.

MATEO 9:8 ပူးပေါင်းရင်းမြစ်များ

LUCAS 7:16

Ne wii yra mén neguin, wdxe men, wzelo men wzaknon men Dëdyuzh, re men: ―Te profet ne kesentyent non wrukaa lad be. No re men: ―Dëdyuzh zëdgyun xyudar be.

MATEO 15:31

Kesentyent wzee wzak yra mén ne wii men ne le menngup che rnii, le men ne ngyidet nya che wakwen nya, le mennguzh che rzawen, le menngwlëë che rwii. Lex wzelo men wzaknon men XDëdyuzh men-Israel.

HECHOS 4:21

Lex wneche xtis Bëd yrup Bëd Xwa ste; wluzh nga wselaa men men yrup men. Wzëldet gan pezee nzakzi men men porke yrandxee mén rzaknon Dëdyuzh por gyelmilaguer guin ne wak.

LUCAS 23:47

Chene wii kapitan neguin ne wak, wzaknon men Dëdyuzh, re men: ―Nli ne bet xdoldet ménree.

LUCAS 17:15

Ne wii te mén guin ne wyaken men, wberee men, lex ndípse wnii men wzaknon men Dëdyuzh.

MARCOS 2:12

Orgueguin waxee mén guin, wlis men xloon men, wruu men nga nes lo yra mén. Por neguin wzee wzak yrandxee mén, lex wzelo men wzaknzoon men Dëdyuzh, re men: ―Nunk gardet kwii be gak neree ne wak orree.

GÁLATAS 1:24

Por neguin wzaknonre men Dëdyuzh por ne no noo che rlaleedx Jesucrist.

JUAN 15:8

Chene ytaal de mén ne ylaleedx noo, cheguin gaknyoo xgyelenzoon Xuz noo no cheguin ke gaknyoo ne xpénpee noo nak de.

LUCAS 13:13

Lex wxob nya Ne led men; orgueguin waknli men. Wzelo men rzaknon men Dëdyuzh.

HECHOS 11:18

Chene won mén guin zenga, betre redet men, wzelo men wzaknon men Dëdyuzh, re men: ―No ke lo yra mén ne nakdet men-Israel wseleedx Dëdyuzh ne ysaan men xgyelmal men, chen gap men gyelembán ne nunk luzhdet.

HECHOS 21:20

Chene won men zenga, wzaknon men Dëdyuzh, lex re men lo Pabel: ―Zhanbech, che nan de ne kesentyent ndalyaa men-Israel ne che rlaleedx Jesucrist nuu, no yrandxee men rkyeen ne rap be degne ylaa be zegne zëëd lo ley ne wdee Dëdyuzh lo Moises.

MARCOS 7:37

Kesentyent rzee rzak yra mén, re men: ―Yrandxee ne rlaa ménree, wen rlaa meno; axtegue mennkwëët rlaa men ne ryenii gyedyag no rlaa men ne rnii menngup.

MATEO 28:18

Lex wbig Jesus lo men yra men, re Ne: ―Dëdyuzh wniiz poder lo noo ne ynebééy noo gyeybaa no le gyëzlyu.

MATEO 12:23

Wzee wzak yrandxee mén, wzelo men re men: ―¿Peguin laa XPee David nee?

MATEO 5:16

Zenga ke laa de yra de, gugak zegnak te bnii lo mén chen chene kwii mén ne wen rlaa de, saknon men Dëdyuzh Xuz be ne zob gyeybaa.

MATEO 9:7

Orguin waxee mén guin sya men ruxyuu men.

LUCAS 2:20

Lex wberee ke yra mén guin ne rapkwent mëkzhiil, kesentyent rzaknzoon men Dëdyuzh, rdee men dexkyizhtee lo Ne por yra ne won men no por yra ne wii men, porke wak zegne re angel lo men.

LUCAS 17:18

¿Pe nonchee menzitree nak ne wberee ne saknon Dëdyuzh?

LUCAS 18:43

Orgueguin wyenii bzalo mén guin; zanal men Ne, wzaknon men Dëdyuzh. No yrandxee mén ne wii neguin, no ke men wzaknon Dëdyuzh.

2 CORINTIOS 9:13

No por laa we saknon men Dëdyuzh porke syenen men ne rlaa de zegne zëëd lo xdiznzoon Jesucrist ne rzëët de, no saknon ke men Dëdyuzh por ne run de xyudar men ydebgyiky ydeblextootee de no ne run de xyudar yrandxee men ne rlaleedx ke Jesucrist.

1 PEDRO 2:12

Zhaas gubán nes lo yra mén ne rlaleedxdet Dëdyuzh, chen zenga mase naaree rzak men de zegnak menmal, per chene kwii men ne wen ne kalaa de, saknon men Dëdyuzh chene ydxiin dxe ne ylaa Ne gyelextis lo yrandxee mén.