MATEO 9:2 - Zapotec Santa María Quiegolani

² Nga wdxiin mén lo Ne, wdxinneey mén te mgyeey ne noze waknet led, zhoob men te lo lonwin. Ne wii Ne ne rlaleedx yra mén guin Ne, re Ne lo mengyiz guin: ―Bet tsadet lextoo de zhiin, le xdol de che wak perdon.

MATEO 9:2 ပူးပေါင်းရင်းမြစ်များ

MATEO 9:22

Per wcheree lo Ne wii Ne lo men, lex re Ne: ―Bet tsadet lextoo de zhiina; por ne wlaleedx de noo, wyaken de. Orgueguin wyaken men.

SANTIAGO 2:18

Nuu mén gue: “Laa de rlaleedx de Dëdyuzh, le noo rlaa logne rlaan Dëdyuzh.” Belne rlaadet de logne rlaan Dëdyuzh, gundet de gan konyoo de ne rlaleedx de Dëdyuzh; per noo si zun noo gan konyoo noo ne rlaleedx noo Dëdyuzh, porke rlaa noo zegne rlaan Ne.

HECHOS 19:12

Axtegue bayles o lër ne rdee led Pabel, reey méno por mengyiz no ryaken mengyiz no rruu menzab ne nuu lextoo men.

JUAN 21:5

Lex re Ne lo men: ―Zhiin, ¿pe ni te mël gardet yzuun lo de? Wke men re men: ―Axtegue ni te maa.

MATEO 8:10

Ne won Jesus ne re kapitan zenga, wzee wzak Ne, lex re Ne lo yra mén ne zanal Ne: ―Nligue yna noo lo de ne ni Israel gardet ytsëlo noo ni te mén ne rlaleedx noo zegne rlaleedx ménree noo.

MATEO 4:24

Ydendxee Siria ruu mén xdiiz Ne, lex rdxiin men lo Ne rdxinno men yrandxee mén ne baanske rlaa, mén ne rzak kwaskyertee gyelgyiz, mén ne rzak gyelerzebyoob, mén ne nuu menzab lextoo, mén ne rzak gyiz ne ngyidet, mén ne noze waknet led; wneseyaken Ne men yrandxee men.

ROMANOS 5:11

No let nozdet neree, sinke kesentyent nzoon nuu lextoo be por logne rlaa Ne ne wxaal Ne Jesucrist porke por Jesucrist wakwen be lo Ne.

HECHOS 14:9

rkagyedyag men ne rzëët Pabel, lex wii Pabel lo men, wyenen Pabel ne rlaleedx men ne syaken men.

JUAN 16:33

Rzëët noo yra neree lo de yra de chen por noo gap de gyelendxi. Sakzi de nee gyëzlyuree, per ydxedet de, porke che wkuudx noo poder ne nuu gyëzlyuree.

MATEO 9:6

Orree kwii de yra de gante ne Men ne wdxiid wak Mén rap men poder nee gyëzlyuree por ne gun men perdon xdol mén. Lex re Ne lo mengyiz guin: ―Gutsaxee gulis xloon de, gugya ruxyuu de.

MATEO 8:16

Chene wnit lyu, wano mén ndal mén ne nuu menzab lextoo lo Jesus, tendxee diiz wnii Ne wboo Ne menzab lextoo men, no wneseyaken Ne yrandxee mén ne rzhuun,

JUAN 2:25

Rut wkyiinden Ne ne nzëët gan pezee nak mén porke nanwen Ne gan kox nuu lextoo te te mén.

MARCOS 5:34

Orguin re Jesus lo men: ―Zhiina, por ne wlaleedx de noo, wyaken de. Zhaas gugya, che wbë́z xgyelgyiz de.

MARCOS 1:32

Chene che waaz ngbiz or ne che zëdnit lyu, wano mén yrandxee mengyiz lo Jesus no le mén ne nuu menzab lextoo.

MATEO 6:12

Gugun perdon yra xdol noo zegne run noo perdon yra ne mal ne rlaa mén noo.

MATEO 9:5

¿Pe mazre mbëëdee gue noo lo men: “Le xdol de che wak perdon”, u ne gue noo: “Gutsaxee, gugya”?

MATEO 14:27

Orguin wnii Jesus lo men, re Ne: ―¡Ydxedet de, nzholeedx gugak, noo nee!

MARCOS 6:50

por tant rdxe men, porke yrandxee men wii Ne. Per wnii Ne lo men, re Ne: ―¡Ydxedet de, nzholeedx gugak, noo nee!

MARCOS 10:49

Orguin wzutsë Jesus, lex re Ne: ―Gukwëz men. Orguin wbëz mén men, re men lo men: ―Ndíp guguu lextoo de, gusuli. Laa de rbëz Jesus.

HECHOS 23:11

Chene wak ste gyëël, wlalo Jesucrist lo Pabel, re Ne: ―Ndíp guguu lextoo de Pabel, porke zegwa zegne wzëët de xkwent noo nee Jerusalén, zegwa ke rap de degne tsazëëto Roma.