MATEO 5:6 - Zapotec Santa María Quiegolani

⁶ ’Nzoon yra mén ne kesentyent rlaan ylaa ne rkyeen Dëdyuzh zegne rzak men ne rlaanen no zegne rzak men ne rlaan nis, porke laa Ne gaknonen men chen gun men gan ylaa meno.

MATEO 5:6 ပူးပေါင်းရင်းမြစ်များ

JUAN 4:14

per le mén ne goo nis ne ydee noo, ybereedetre ylaan men nis. Porke nis ne ydee noo, ydaa we lextoo men zegne rdaa we rubzin, laa we ydee gyelembán ne nunk luzhdet lo men.

JUAN 6:27

Ylaadet de dxiin noze por gyelwu ne rluzh, sinke gulaa dxiin por gyelwu ne rluzhdet ne rguu gyelembán ne nunk luzhdet, laa gyelwuree nak ne yseleedx Men ne wdxiid wak Mén, porke laa Dëdyuzh nak ne wzu men ne yseleedx meno.

JUAN 7:37

Ne lultim dxe lni nak dxe ne mazre nondee. Dxe guin wzuli Jesus, ndípse re Ne: ―Belne nuu mén rlaan goo nis, chiid men lo noo, noo ydee nis goo men.

APOCALIPSIS 7:16

Che ylaandendetre men, ni ylaandetre men nis, ni yzeeydetre ngbiz led men, ni sakneeydendetre men,

LUCAS 6:21

’Nzoon de yra de ne rlaanen de orree, porke sdxiin dxe ne sak lextoo de. ’Nzoon de yra de ne roon de orree, porke sdxiin dxe ne yzhidx de.

LUCAS 1:53

Wseleedx Ne gyelenzaak lo mén ne yët ne gu, le menrik wsan Ne nonchee zenga.

LUCAS 6:25

’Prob de yra de ne ru de orree axtegue ne rzak lextoo de, porke sdxiin dxe ne ylaanen de. ’Prob de yra de ne rzhidx de orree, porke sdxiin dxe ne goon de por gyelenles.