MATEO 24:7 - Zapotec Santa María Quiegolani

⁷ Porke te nacion til yrup ste nacion, te gobyeren til yrup ste gobyeren, no ndal ledne tsuu gbiin no kesentyent yni lyu.

MATEO 24:7 ပူးပေါင်းရင်းမြစ်များ

LUCAS 21:11

No kesentyent ndxeeb yni lyu, no tsuu gbiin, tsuu gyelgyiz nesree nesrotee, le gyeybaa gaknyoo ne kesentyent ndxeeb rnaa, no ndalre beey ne tsuu.

APOCALIPSIS 6:8

Lex wii noo te kabay nguech; Gyelgut la men ne mbib maa; zhich ma zanal men ne la Ledne Nuu Mengut. Wkakwent men poder yrup men chen yket men tebtap lal ne nak mén ne nuu gyëzlyu kon lo dil, kon gbiin, kon gyelgyiz, no le kon maa ne ndux ne nuu gyëzlyu.

HECHOS 11:28

Lad men nuu te mén ne la Agabo. Laa mén guin wzuli, lex por xpoder Espíritu Sant wnii men, re men ne zuu gbiin ydendxee gyëzlyu. No nli zenga wak tyemp ne wnebééy Claudio.

APOCALIPSIS 6:12

Chene wxal Men ne nak zegnak mëkzhiil bëën bëënleg sey ne wzaa sey xuup, kesentyent wni lyu. Waknkeb lo ngbiz, wnaa ngbiz zeg rnaa lërngas, le mëëw wnaa zeg rnaa ren.

HEBREOS 12:27

Chene re Dëdyuzh ne sneni Dëdyuzh gyëzlyu gyeybaatee, nga rdee be kwent ne sluzh Dëdyuzh yrandxee ne wzhexkwaa Dëdyuzh, chen gyan noze ne rnidet.

HECHOS 2:19

Le gyeybaa konyoo noo ne yzee sak mén, le gyëzlyu tsuu beey ne nak zegnak ren, zegnak bël, zegnak bëwguux.

APOCALIPSIS 6:5

Chene wxal Men ne nak zegnak mëkzhiil bëën bëënleg sey ne wyon, won noo re menmbán ne wyon: ―¡Gutaa! Lex wii noo te kabay ngas; te zhigliber nzen men ne mbib maa.

APOCALIPSIS 6:6

Lex won noo wlen te rëz gwrooltee lad yra ydap menmbán guin, re we: ―Teb kilegue zhobxtil non ne run te mos gan te dxe no tson kilegue cebada non ne run te mos gan te dxe; per yxiindet de seyt ni bin.