MATEO 21:33 - Zapotec Santa María Quiegolani

³³ ’Gugon neree ne yna noo lo de yra de zegnak ste kwent: Wuu te mgyeey ne wlabni blag ub lo xelyu, lex wtsëloo meno, no wzhexkwaa men te ledne yzhii ub, no wlep men te ne kesentyent gya ledne kwiin men ne ykanapo ydendxoo. ’Zhich guin wbodiin men blag ub guin lo tebëd mén ne rapkwent blag ub. Lex wruu men za men nat.

MATEO 21:33 ပူးပေါင်းရင်းမြစ်များ

JUAN 15:1

Re Jesus lo men: ―Noo nak zegnak merpee blag ub, le Xuz noo nak zegnak men ne rzu we,

LUCAS 19:12

Re Ne lo men: ―Wuu te mgyeey ne nak zhiin mennon, wruu men za men nat chen ylaa mén men rrey, lex yberee ke men.

MARCOS 13:34

Gako zegnak chene rruu te mén ra men nat. Or ne le men che wal tsa, re men lo xmos men ne gapkwent men xyuu men. Wsan men dxiin ne ylaa men te te men, no re men lo men ne zunap ruyaglaa ne gapkwent men ruyaglaa.

MATEO 23:2

―Yra maxter ley no yra men ne nak farisew, laa men rneluu zegne zëëd lo ley ne wdee Dëdyuzh lo Moises.

MATEO 21:28

Zhich guin re Jesus lo men: ―Yzëët noo diizree lo de yra de gan pe yna de. Te mgyeey rap men txup xpee men, lex re men lo me te mee: “Zhiin, gutsa ylaa de dxiin lo blag ub nedxeree.”

MATEO 13:18

’Gugon ne rna xkwent mén ne rguu bni.

MATEO 20:1

’Ne rkyeen Dëdyuzh nak zegnak te patron ne wruu zaye mos rsil rsilendxee chen ylaa mos dxiin lo xelyu men ledne nuu blag ub.