MATEO 2:6 - Zapotec Santa María Quiegolani

⁶ Laa de Belén ne nak lo lyu ne la Judea, nakdet de te gyëz ne zhindxee non lo yra gyëz ne mazre nondee ne nak lo lyu guin. Porke wa yruu te mén ne ynebééy, laa men gapkwent yra xpén noo, men ne nak men-Israel.

MATEO 2:6 ပူးပေါင်းရင်းမြစ်များ

JUAN 7:42

¿Pe let redet lo xgyiich Dëdyuzh ne xnëz rrey-David chiid Crist no ne Belén gal Ne, laz ke rrey-David?

APOCALIPSIS 11:15

Or ne wbëz angel ne wzaa angel guedx xtrompet ne, kesentyent ndíp wlen ndal rëz gyeybaa, re we: Yrandxee mén ne rnebééy gyëzlyu, ynebééydetre men; laa Dëdyuzh nak ne ynebééy yrup Ne XeCrist Ne; laa Ne ynebééy ydeblo siguelendxee.

MATEO 28:18

Lex wbig Jesus lo men yra men, re Ne: ―Dëdyuzh wniiz poder lo noo ne ynebééy noo gyeybaa no le gyëzlyu.

APOCALIPSIS 2:27

Zegne wniiz ke Xuz noo poder lo noo, zenga ke ydee noo poder lo men ynebééy men yrandxee mengyëzlyu kon te bargyiib; ylaa men men zegne rlaa men ne rlabyu gyusyu.

COLOSENSES 1:18

Laa Ne nak ne rnebééy lo yra men ne rlaleedx Ne; laa men nak xpén Ne. Laa Ne nak ne wlaa ne nuu men ne nak xpén Ne no laa Ne nak ne primerendxee wban, chen zenga gaknyoo ne laa Ne nak ne mazre nondee ke lo yrandxee ne nuu.

MATEO 2:1

Chene wal Jesus Belén gyëz ne nak lo lyu ne la Judea, tyemp ne nak Herodes rrey, wdxiin txup tson mennan Jerusalén ne nuu nes ledne rlen ngbiz.

EFESIOS 1:22

Yrandxee kos wsan Dëdyuzh ledxnya Jesucrist, no wdee Ne poder lo Jesucrist ne laa Jesucrist ynebééy lo yrandxee men ne rlaleedx Jesucrist.

JUAN 21:16

Zhich guin re Ne lo Simon-Bëd ste: ―Simon xpee Jonás, ¿pe ryaan de noo? Wke Simon-Bëd, re Simon-Bëd: ―Ryaan noo de Dechey. Laa de nan de ne ryaan noo de. Lex re Ne: ―Gugapkwent xpén noo bes.

HEBREOS 7:14

Porke nanwen be ne xnëz Judá zëëd Jesucrist, bet redet Moises ne nëz guin chiid fxuz chene wzëët Moises xkwent fxuz.

APOCALIPSIS 7:17

porke laa Men ne nak zegnak mëkzhiil bëën bëënleg ne zu nes lo yagzhil ne zob Dëdyuzh gapkwent men yra men zegnak men ne rapkwent mëkzhiil no tsano men men rubzin ne rlen nis ne rguu gyelembán, no laa Dëdyuzh nak ne ykwiidx nis lo men chen nunk goondetre men.