MATEO 17:20 - Zapotec Santa María Quiegolani

²⁰ Wke Ne re Ne: ―Porke rlaleedxdet de Dëdyuzh ydeblextoo de. Yna noo lo de belne rlaleedx de Dëdyuzh mase medid landxel te medx lyagwlizh, zun de gan gue de lo gyeeyree: “Gubetxee nee, gutsa sob de stebkoo”, no zono xdiiz de. Yët ne gakdet gan gak belne rlaleedx de Dëdyuzh ydeblextoo de.

MATEO 17:20 ပူးပေါင်းရင်းမြစ်များ

LUCAS 17:6

Lex re Ne lo men yra men: ―Belne rlaleedx de Dëdyuzh mase medid landxel te medx lyagwlizh, zun de gan gue de lo yagree: “Gulaaz nee, gutsa sob de lo nisdoo”, no zono xdiiz de.

MARCOS 11:23

Porke nligue yna noo lo de ne kwaskyertee men ne gue lo gyeeyree: “Gubetxee nee, gugyab lo nisdoo”, belne nutxupdet lextoo men sinke tebegue nuu lextoo men ne zak ne re men, no zako.

LUCAS 18:27

Lex re Ne lo men: ―Logne rundet mén gan ylaa men, Dëdyuzh si run Ne gan rlaa No.

LUCAS 1:37

Porke por Dëdyuzh yët ne gakdet gan gak.

MATEO 21:21

Wke Jesus, re Ne: ―Nligue yna noo lo de yra de, belne rlaleedx de Dëdyuzh no belne nutxupdet lextoo de, let nozdet neree ne wlaa noo yag-igree gun de gan ylaa de, sinke zun de gan gue de lo gyeeyree: “Gubetxee nee, gugyab lo nisdoo”, no zako.

MARCOS 9:23

Orguin re Jesus lo men: ―¿Pezee ne “belne gun de gan”? ¡Yrandxoo zak gan gak belne rlaleedx de Dëdyuzh!

1 CORINTIOS 13:2

No belne nak noo profet no belne rdee noo kwent yrandxee ne wdeedetgue Dëdyuzh si ndee mén kwent no belne kesentyent nan noo no belne kesentyent rlaleedx noo ne axtegue gyeey zun noo gan ytsaa noo ledne zobo, per ryaandet noo semén noo, bet nondet noo.

MATEO 13:31

Wzëët Jesus zegnak ste kwent lo men, re Ne: ―Ne rkyeen Dëdyuzh nak zegnak te medx lyagwlizh ne rlabni mén lo xelyu mén.

JUAN 11:40

Wke Jesus, re Jesus: ―¿Pe let che nadet noo lo de ne belne rlaleedx de noo, swii de xgyelenzoon Dëdyuzh?

MARCOS 4:31

Rzaglo we te medx lyagwlizh ne rlabni mén lyu. Laa we nak ne mazre windee ke lo yrandxee medx ne nuu gyëzlyu.

HEBREOS 3:19

Zeree nak ne ryenen be ne wakdet gan ndxiin men ledne nne men porke wlaleedxdet men ne re Dëdyuzh.

MATEO 17:17

Wke Jesus, re Ne: ―¡Ake menmal ne rlaleedxdet Dëdyuzh! ¿Pa axtegue lalre tyemp ykaa noo lad de? ¿Pa axtegue lalre tyemp gun noo de wantar? Gutano me nee.

1 CORINTIOS 12:9

por Espíritu Sant ke nak ne nuu mén neden ne kesentyent rlaleedx men Dëdyuzh, por Espíritu Sant ke nak ne nuu mén neden ne rlaa men rmed mengyiz.

MATEO 17:9

Or ne zëdtseeb Ne txu gyeey guin yra Ne men, re Ne lo men: ―Rut lo guedetgue de neree ne wii de axtegue ne yban Men ne wdxiid wak Mén.

MATEO 8:26

Wke Ne re Ne: ―¿Penak kesentyent rdxe de? ¡Ake mén ne rlaleedxdet Dëdyuzh ydeblextoo! Wluzhse re Ne zenga, waxee Ne wakndux Ne lo meroo guin no le lo nis; wutsëgoo.

MATEO 17:19

Zhich guin wbig xpén Jesus lo Ne waandxee, wnabdiiz men lo Ne, re men: ―¿Penak wundet noo gan nboo noo menzab lextoo mee gwa?

MARCOS 11:22

Wke Jesus, re Ne: ―Gulaleedx Dëdyuzh.

MATEO 14:29

Orguin re Ne: ―Gutaa. Lex wruu Bëd lenbark za Bëd nes lo Ne rzaa Bëd lo nis.