MATEO 11:5 - Zapotec Santa María Quiegolani

⁵ No gu de diiz lo Xwa ne le menngwlëë che rwii, le mennguzh che rzawen, le men ne rzak gyiz ne la lepra che wyaken, le mennkwëët che wyenii gyedyag, le men ne che wet le men che wban, le lo yra menprob che rakzëët xdiznzoon Dëdyuzh.

MATEO 11:5 ပူးပေါင်းရင်းမြစ်များ

LUCAS 4:18

Laa XEspíritu Dëdyuzh raknonen noo, porke laa Ne wye noo por ne yzëët noo xdiznzoon Ne lo yra menprob. Wxaal Ne noo chen yzëët noo lo yra men ne nunyoow gan pezee yláá men, no chen ylaa noo ne gyenii bzalo menngwlëë, no chen yselaa noo yra men ne baanske rzak,

SANTIAGO 2:5

Ryaan noo de yra de. Gugaknan ne laa Dëdyuzh wye menprob gyëzlyuree chen ylaleedx men Ne ydebgyiky ydeblextootee men no chen yganen men ledne rnebééy Dëdyuzh, ledne che re Dëdyuzh ne ydee Ne lo yra mén ne ryaan Ne.

MATEO 21:14

Nga lenydoo guin wbig menngwlëë no le mennguzh lo Jesus, lex wneseyaken Ne men.

JUAN 10:38

Per belne laa we kalaa noo, nyaalzhe ylaleedxdet de noo, per gulaleedx ne rlaa noo, chen gaknan de no le ylaleedx de ne Xuz noo raknonen noo no ne noo raknonen Xuz noo.

JUAN 10:25

Wke Jesus, re Ne: ―Che na noo we, per rlaleedxdet de noo. Yra ne rlaa noo por xpoder Xuz noo, laa we rbonyoo gan txu nak noo.

JUAN 5:36

Yra ne rlaa noo, laa we rbonyoo ne nondee we ke lo ne wzëët Xwa. Porke ne na Dëdyuzh Xuz noo ne ylaa noo, laa we nak ne kalaa noo no laa we nak ne rbonyoo ne nli Dëdyuzh Xuz noo wxaal noo zëëd noo.

JUAN 3:2

Gyëël wa menree lo Jesus, re men: ―Maxter, nan noo ne Dëdyuzh wxaal de ne yneluu de noo yra noo. Porke ni te mén gundet gan ylaa gyelmilaguer ne rlaa de belne raknonden Dëdyuzh men.

JUAN 2:23

Ne ka Jesus Jerusalén lo lni pask, ndalyaa mén wlaleedx Ne ne wii men yra gyelmilaguer ne rlaa Ne.

MARCOS 9:25

Chene wii Jesus ne ndalre mén rdxiin, wakndux Ne lo menzab, re Ne: ―Menzabngup, menzabnkwëët, ykyeen noo de ne yruu de lextoo meeree, no ybereedetre de tee de lextoo mee.

MARCOS 7:37

Kesentyent rzee rzak yra mén, re men: ―Yrandxee ne rlaa ménree, wen rlaa meno; axtegue mennkwëët rlaa men ne ryenii gyedyag no rlaa men ne rnii menngup.

MATEO 10:8

Yneseyaken de mengyiz, yneban de mén ne che wet, yneseyaken de mén ne rzak gyiz ne la lepra, koo de menzab lextoo mén. Laa de yra de noze weeden de poderree, zenga ke bet gobdet de ne ylaa de yra neree.

MATEO 9:30

Orgueguin wyenii bzalo men. Lex re Ne lo men: ―Rut lo guedet de gan pezee wyenii bzalo de.

MATEO 5:3

―Nzoon yra mén ne ryenen ne rkyiin ne gun Dëdyuzh xyudar men, porke por laa men nak ledne rnebééy Dëdyuzh.

HECHOS 2:22

’Men-Israel, gugon yra diizree ne yzëët noo lo de: Wbonyoo Dëdyuzh xgyelnon Jesus men-Nazaret por yra gyelmilaguer ne wlaa Ne nes lo de yra de no le yra beey ne wzee wzak de, no nan de ne nli we.

MATEO 11:4

Wke Jesus, re Ne lo men: ―Gutsa gue de lo Xwa logne rwii de, logne ron de.

MATEO 12:13

Lex re Ne lo mgyeey guin ne miitx nya: ―Guzegaa nya de. Zegne wzegaa meno, wakwengoo, wyan ko zegnako stebo.

JUAN 9:7

Lex re Ne lo men: ―Gutsa ga lo de rutank ne la Siloé. (Siloé rna Wxaal.) Orguin wa men waa lo men. Chene wberee men, che rak rwii men.