MATEO 10:40 - Zapotec Santa María Quiegolani

⁴⁰ ’Men ne tsukas de yra de, noo nga tsukas men; men ne rukas noo, Xuz noo nga ne wxaal noo zëëd noo rukas men.

MATEO 10:40 ပူးပေါင်းရင်းမြစ်များ

JUAN 13:20

Nligue yna noo lo de ne men ne tsukas mén ne yxaal noo ne tsa men, noo nga tsukas men; no men ne rukas noo, Xuz noo nga ne wxaal noo zëëd noo rukas men.

LUCAS 9:48

Lex re Ne lo men: ―Belne por la noo rukas mén te men ne nak zegnak mëdwinree, noo nga rukas men; no belne rukas men noo, Xuz noo nga ne wxaal noo zëëd noo rukas men. Por neguin men ne zhi non lad de yra de, laa men nak ne mazre nondee.

LUCAS 10:16

Zhich guin re Ne lo xpén Ne ste: ―Log mén ne ykagyedyag ne yzëët de yra de, ne rzëët noo nga rkagyedyag men; mén ne ynadet ykagyedyag ne rzëët de, xdiiz noo nga nadet men ykagyedyag men; men ne nadet ykagyedyag xdiiz noo, xdiiz Dëdyuzh ne wxaal noo zëëd noo nga nadet men ykagyedyag men.

MATEO 18:5

No belne por la noo rukas mén men ne nak zegnak mëdwinree, noo nga rukas men.

2 JUAN 1:9

Yrandxee mén ne zanaldet xdiiz Jesucrist zegnako, sinke rdxiibre men diiz lo xdiiz Ne, raknonden Dëdyuzh men. Per le mén ne zanalo zegnako, men guin si raknonen Dëdyuzh men no raknonen ke Jesucrist XPee Ne men.

JUAN 20:21

Orguin re Ne lo men ste: ―Dëdyuzh yseleedx gyelendxi lo de yra de. Zegne wxaal Dëdyuzh Xuz noo noo ne zëëd noo, zenga ke yxaal noo de yra de.

MATEO 25:40

Yke rrey guin, gue men: “Nligue yna noo lo de yra de ne chene wlaa do por te ménree ne nak xpén noo, mase zhindxee non men, lo noo nga wlaa do.”

1 TESALONICENSES 4:8

Por neguin mén ne rlaandet tsukas neree ne wneluu noo yra noo, let méndet nga nak ne rlaandet men tsukas men, sinke Dëdyuzh rlaandet men tsukas men, no laa Ne rseleedx Espíritu Sant lo be yra be.

GÁLATAS 4:14

Mase zenga, no wun de noo wantar wsalzaandet de noo, ni wboleedxdet de noo, sinke kesentyent wen wak de lo noo, penon te xangel Dëdyuzh wzak de noo, penon Jesucrist wzak de noo.

JUAN 5:23

chen yrandxee mén saknon XPee Ne zegne rzaknon ke men Ne. Mén ne rzaknondet XPee Ne, rzaknondet ke men Ne porke laa Ne wxaal XPee Ne.

MARCOS 9:37

―Belne por la noo rukas mén te men ne nguudx lextoo zegnak mëdwinree, noo nga rukas men; no belne rukas men noo, rukasdet men noze noo, sinke no ke Xuz noo ne wxaal noo zëëd noo rukas men.

MATEO 25:45

Yke rrey guin, gue men: “Nligue yna noo lo de yra de, yra ne wlaadet de por te ménree ne nak xpén noo, mase zhindxee non men, lo noo nga wlaadet do.”

2 CORINTIOS 5:20

Laa Jesucrist wxaal noo ne rzëët noo yra neree lo de yra de; gugun kwent zeg Dëdyuzh ke rnab lo de orree ne kanab noo lo de, rnab noo lo de ne por Jesucrist gugakwen lo Dëdyuzh.